អង់គ្លេស ៖ កីឡាករ Mesut Özil បានបង្ហោះសារខ្លីមួយ បន្ទាប់ពីសម្រេចការផ្ទេរទៅចូលរួមជាមួយក្លិបយក្សតួកគី Fenerbahçe ដោយបង្ហាញពីការគោរព និងសេចក្តីស្រលាញ់ដ៏ធំធេងរបស់គេចំពោះក្លិប…
អង់គ្លេស ៖ កីឡាករ Mesut Özil បានបង្ហោះសារខ្លីមួយ បន្ទាប់ពីសម្រេចការផ្ទេរទៅចូលរួមជាមួយក្លិបយក្សតួកគី Fenerbahçe ដោយបង្ហាញពីការគោរព និងសេចក្តីស្រលាញ់ដ៏ធំធេងរបស់គេចំពោះក្លិប Arsenal។
អតីតខ្សែបម្រើឆ្នើមក្រុមជម្រើសជាតិអាល្លឺម៉ង់វ័យ៣២ឆ្នាំរូបនេះ បានបង្ហោះសារខ្លីចុងក្រោយមួយក្នុងបណ្តាញទំនាក់ទំនង Twitter របស់ខ្លួនយ៉ាងដូច្នេះថា «មិនថាខ្ញុំនៅទីនេះឬអត់ ខ្ញុំនឹងនៅតែគាំទ្រក្រុមកាំភ្លើងធំរបស់ខ្ញុំជានិច្ច»។
ជម្រាបជូនថា Özil បានសម្រេចចុះកុងត្រារយៈពេល៣ឆ្នាំជាមួយ Fenerbahçe ដោយរូបគេនឹងទទួលប្រាក់ឈ្នួល ៦,៧ម៉ឺនផោនក្នុង១សប្តាហ៍ ដែលតិចជាងឆ្ងាយពីប្រាក់ឈ្នួលចំនួន ៣៥ម៉ឺនផោនក្នុង១សប្តាហ៍កាលនៅជាមួយ Arsenal។
សូមរំលឹកជូនថា Mesut Özil បានផ្លាស់ពី Real Madrid មកចូលរួមជាមួយ Arsenal កាលពីឆ្នាំ២០១៣ ក្នុងតម្លៃ ៥០លានអឺរ៉ូ។ រយៈពេល៧រដូវកាលជាមួយកាំភ្លើងធំ រូបគេស៊ុតបញ្ចូលទីបាន ៤៤គ្រាប់ពីការបង្ហាញខ្លួនចំនួន ២៥៤ប្រកួត។ ដោយឈ្នះពានរង្វាន់ FA Cup ៣លើក និង Community Shield ចំនួន១លើក៕ (ដកស្រង់ចេញពី Dailymail)
