រាជធានីភ្នំពេញ ៖ ដើមទុនផលិត និងទីផ្សារកសិផលនៅតែជាបញ្ហាប្រឈមរបស់ប្រជាកសិករ និងសហគមន៍កសិកម្ម ពីព្រោះដើម្បីបង្កើនផលិតភាពផលិតកម្មទាមទារចាំបាច់ គឺដើមទុន ដើម្បីពង្រីកផលិតកម្មដំណាំ សត្វ ត្រី…
រាជធានីភ្នំពេញ ៖ ដើមទុនផលិត និងទីផ្សារកសិផលនៅតែជាបញ្ហាប្រឈមរបស់ប្រជាកសិករ និងសហគមន៍កសិកម្ម ពីព្រោះដើម្បីបង្កើនផលិតភាពផលិតកម្មទាមទារចាំបាច់ គឺដើមទុន ដើម្បីពង្រីកផលិតកម្មដំណាំ សត្វ ត្រី និងសិប្បកម្មកែច្នៃកសិផល ធានាបានទាំងគុណភាព និងសុវត្ថិភាពផលិតផលឆ្លើយតបតាមតម្រូវការទីផ្សារ តាមរយ:ការប្រើប្រាស់បច្ចេកវិទ្យាដាំដុះ ចិញ្ចឹម ប្រមូលផល កែច្នៃ វេចខ្ចប់ និងថែរក្សា និងការប្រើប្រាស់ធាតុចូលកសិកម្មសំខាន់ៗ មួយចំនួនទៀតឱ្យមានប្រសិទ្ធភាព ។
ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ឆ្លើយតបបាននូវលក្ខខណ្ឌផលិត ប្រជាកសិករ និងសហគមន៍កសិកម្ម ក៏ត្រូវចងក្រងបណ្តុំ ផលិត ឬអាជីវកម្ម ប្រយោជន៍ដើម្បីសម្រួលដល់ការធ្វើទំនាក់ទំនងទីផ្សារ ទទួលបាននូវការ បញ្ជាទិញតាមរយ:ការធ្វើកិច្ចសន្យាផលិតកម្មកសិកម្ម ស្ថិរភាពបរិមាណផ្គត់ផ្គង់ និងតម្លៃ ហើយជាងនេះទៅទៀតគ្រប់សមាជិកបណ្តុំអាចទទួលបានការបណ្តុះបណ្តាលបច្ចេកទេស និងការផ្សព្វផ្សាយសំខាន់ៗមួយចំនួនទៀត ។
ឯកឧត្តមលើកឡើងថា កន្លងមកដើម្បីចូលរួមដោះស្រាយបញ្ហា កង្វះទុនរបស់សហ គមន៍កសិកម្ម នាយកដ្ឋានអភិវឌ្ឍន៍សហគមន៍កសិកម្មនៃអគ្គនាយកដ្ឋានកសិកម្ម បាននិង កំពុងអនុវត្តគម្រោងសាកល្បងថ្មីមួយស្តីអំពី «ការបង្កើតសហគមន៍កសិកម្មគំរូដែលតម្រង់ទិស ទៅលើការធ្វើជំនួញ ហៅកាត់ថា BPAC» ។
គម្រោងនេះបានផ្តល់ប្រាក់កម្ចីសាកល្បងដល់ សហគមន៍កសិកម្មគំរូចំនួន ៦ ក្នុងអត្រាការប្រាក់ ២% ក្នុងមួយឆ្នាំ សម្រាប់រយៈពេល ៥ ទៅ ១០ឆ្នាំ ដោយចំណាយថវិកាសរុបចំនួន ១៤២.៩៤២ដុល្លារអាមេរិក សម្រាប់យកទៅប្រកប មុខរបរសំខាន់ចំនួន ៤ គឺ ១ ការផ្គត់ផ្គង់ធាតុចូលកសិកម្ម (ជី និងថ្នាំកសិកម្ម), ២ ទីផ្សារកសិ ផល (ទិញរថយន្តដឹកបន្លែ និងកសិផលរបស់កសិករទៅកាន់ទីផ្សារ), ៣ ការប្រើប្រាស់ឧប ករណ៍កសិកម្មរួមគ្នា (ទិញត្រាក់ទ័រសម្រាប់ផ្តល់សេវាកម្មភ្ជួររាស់ដី) និង ៤ ការទិញលក់ស្ករ ត្នោតកំពង់ស្ពឺ ។
យោងតាមរបាយៗការណ៍របស់នាយកដ្ឋានអភិវឌ្ឍន៍សហគមន៍កសិកម្មកាលពីថ្ងៃទី ១៨ ខែមករា ឆ្នាំ ២០២១ បានបង្ហាញថា ផ្អែកលើលទ្ធផលនៃការចុះត្រួតពិនិត្យ និងវាយតម្លៃ ជាក់ស្តែងលើការប្រើប្រាស់ និងការគ្រប់គ្រងប្រាក់កម្ចីរបស់សហគមន៍កសិកម្មទាំង ៦ គិត ត្រឹមដើមខែមករា នេះបង្ហាញថា ការប្រើប្រាស់ប្រាក់កម្ចីនេះកំពុងទទួលបានអត្ថប្រយោជន៍គួរ ឱ្យកត់សម្គាល់ ៖
១ បានប្រមូលផលិតផលបន្លែរបស់សមាជិកទាំងអស់ យកទៅផ្គត់ផ្គង់ឲ្យ ទីផ្សារនៅរាជធានីភ្នំពេញ ដោយប្រើប្រាស់រថយន្តរបស់សហគមន៍ផ្ទាល់ គ្មានការកកស្ទះ និង ទទួលបានតម្លៃខ្ពស់ថែមទៀតផង,
២ បានផ្គត់ផ្គង់ធាតុចូលកសិកម្ម (ជី និងថ្នាំកសិកម្ម) ឱ្យ ដល់សមាជិកបានទាន់ពេលវេលា ធានាគុណភាពល្អ និងតម្លៃសមរម្យ,
៣ បានផ្តល់សេវាកម្ម ភ្ជួររាស់ដីជូនសមាជិករបស់ខ្លួនដោយយកតម្លៃសេវាទាបសមរម្យ និង ៤ សមាជិកបានយល់ ដឹងច្រើនអំពីការប្រើប្រាស់ប្រាក់កម្ចី របៀបសន្សំប្រាក់ ការធ្វើអាជីវកម្មក្នុងរង្វង់សមាជិកស ហគមន៍ អ្វីទៅដែលហៅថា ផលិតផលមានគុណភាព និងតម្រូវការទីផ្សារ ការរៀបចំទុកដាក់ និងថែរក្សាកសិផលឱ្យបានល្អ ការងាររដ្ឋបាល បច្ចេកទេស និងសេដ្ឋកិច្ចបាននិងកំពុងជ្រាប ចូលក្នុងជួរសមាជិក និងជាពិសេសបាននិងកំពុងធ្វើការកែប្រែកសិករទៅជាកសិ-ធុរកិច្ច និង សហគ្រិនក្នុងមូលដ្ឋាន ដែលជាមូលដ្ឋានគ្រឹះក្នុងការអភិវឌ្ឍន៍សហគមន៍កសិកម្មក្នុងសម័យ តេជោ ។
សូមបញ្ជាក់ជូនថា សហគមន៍កសិកម្មទាំង ៦ ដែលទទួលបានប្រាក់កម្ចីពីគម្រោង រួម មាន៖ ១ សហគមន៍កសិកម្មសំបូរមានជ័យ (ខេត្តកំពង់ចាម) ទទួលបានចំនួន ៤០ ៧៨០ដុ ល្លារ សម្រាប់ប្រកបមុខរបរទីផ្សារបន្លែ, ២ សហគមន៍កសិកម្មទួលព្រះវិហារ (ខេត្តកំពង់ចាម) ទទួលបានចំនួន ២៣ ០០១ដុល្លារ សម្រាប់ប្រកបមុខរបរចិញ្ចឹមសត្វជាមួយក្រុមស្ត្រី, ៣ សហ គមន៍កសិកម្មជើងគួនជោគជ័យ (ខេត្តតាកែវ) ទទួលបានចំនួន ៣៤ ១៩៥ដុល្លារ សម្រាប់ ប្រកបមុខរបរផ្គត់ផ្គង់ធាតុចូលកសិកម្ម, ៤ សហគមន៍កសិកម្មរលួសមាស (ខេត្តតាកែវ) ទទួល បានចំនួន ២៣ ០០០ដុល្លារ សម្រាប់ប្រកបមុខរបរប្រើប្រាស់រួមគ្នា (ទិញត្រាក់ទ័រសម្រាប់ផ្តល់ សេវាកម្មភ្ជួររាស់ដី), ៥ សហគមន៍កសិកម្មស្វាយជ្រុំ (ខេត្តស្វាយរៀង) បានទទួលចំនួន ១៧ ៩៥០ដុល្លារ សម្រាប់ប្រកបមុខរបរផ្គត់ផ្គង់ធាតុចូលកសិកម្ម (ជី និងថ្នាំកសិកម្ម), ៦ សហគមន៍ កសិកម្មស្ករត្នោតកំពង់ស្ពឺ (ខេត្តកំពង់ស្ពឺ) ទទួលបានចំនួន ៤ ០១៦ដុល្លារ សម្រាប់ប្រកបមុខ របរធ្វើទីផ្សារស្ករត្នោតកំពង់ស្ពឺ ។
គិតមកត្រឹមដើមខែមករានេះ សហគមន៍កសិកម្មទាំង ៦ បានសងប្រាក់ដើម និងការ ប្រាក់បានចំនួន ២លើក សរុបចំនួន ៣២.០៨៩ដុល្លារអាមេរិក ហើយសហគមន៍កសិកម្មទាំង ៦ សន្យាថា នឹងសងប្រាក់ដើម និងការប្រាក់លើកទី ៣ នៅក្នុងចុងខែមករានេះ ៕
ចែករំលែកព័តមាននេះ