ការឆ្លងរាលដាលនៃវីរុសCOVID-19 ៖ តាមប្រភពព័ត៌មានផ្លូវការនានាថា គិតមកដល់ថ្ងៃទី១៧មករា ចំនួនអ្នកឆ្លងវីរុសCOVID-19លើពិភពលោកបានកើនដល់លើសពី៩៥លាននាក់ហើយ ដោយអ្នកស្លាប់ឡើងដល់ជាង២,០៣លាននាក់។ សហរដ្ឋអាមេរិកនៅតែជាប្រទេសរងការប៉ះពាល់ខ្លាំងជាងគេ ជាមួយអ្នកឆ្លងឡើងដល់ជាង២៤លាននាក់ និងអ្នកស្លាប់ជាង៣៩៨.០០០នាក់។ ប្រទេសឥណ្ឌាជាប្រទេសរងការប៉ះពាល់ខ្លាំងជាងគេទី២…
ការឆ្លងរាលដាលនៃវីរុសCOVID-19 ៖ តាមប្រភពព័ត៌មានផ្លូវការនានាថា គិតមកដល់ថ្ងៃទី១៧មករា ចំនួនអ្នកឆ្លងវីរុសCOVID-19លើពិភពលោកបានកើនដល់លើសពី៩៥លាននាក់ហើយ ដោយអ្នកស្លាប់ឡើងដល់ជាង២,០៣លាននាក់។
សហរដ្ឋអាមេរិកនៅតែជាប្រទេសរងការប៉ះពាល់ខ្លាំងជាងគេ ជាមួយអ្នកឆ្លងឡើងដល់ជាង២៤លាននាក់ និងអ្នកស្លាប់ជាង៣៩៨.០០០នាក់។ ប្រទេសឥណ្ឌាជាប្រទេសរងការប៉ះពាល់ខ្លាំងជាងគេទី២ ជាមួយអ្នកឆ្លងកើនដល់ជាង១០,៦លាននាក់និងអ្នកស្លាប់ជាង១៥២.០០០នាក់។
ប្រទេសរងការប៉ះពាល់ខ្លាំងជាងគេទី៣គឹ ប្រេសីុលជាមួយអ្នកឆ្លងជាង៨,៤៦លាននាក់និងអ្នកស្លាប់ជាង២០៩.០០០នាក់។ ប្រទេសរងការប៉ះពាល់ខ្លាំងទី៤គឹរុស្សុី ជាមួយអ្នកឆ្លងជាង៣,៥១លាននាក់និងអ្នកស្លាប់៦៤.១៣៤នាក់។ ប្រទេសរងគ្រោះខ្លាំងលំដាប់ទី៥គឺអង់គ្លេស ជាមួយអ្នកឆ្លងជាង៣,៣៦លាននាក់ និងអ្នកស្លាប់៨៨.៥៩០
នាក់។
អូស្ត្រាលីប្រហែលមិនបើកព្រំដែនឡើងវិញក្នុងឆ្នាំ២០២១ឡើយ
អ្នកទទួលខុសត្រូវជាន់ខ្ព្ស់ម្នាក់ខាងសុខាភិបាលអូស្ត្រាលី វាយតម្លៃកាលពីថ្ងៃទី១៨មករាថា ប្រទេសនោះនឹងមិនបើកព្រំដែនឡើងវិញ ចំពោះបណ្ដាអ្នកដំណើរបរទេសក្នុងឆ្នាំ២០២១នេះឡើយ ក៏ទោះបីមានយុទ្ធនាការចាក់វ៉ាក់សាំង ដែលកំពុងរីកខ្លាំងលើពិភពលោកទាំងមូលក៏ដោយ។
រដ្ឋមន្ត្រីក្រសួងសុខាភិបាលអូស្ត្រាលី លោកBRENDAN MURLHYជាទីប្រឹក្សាសំខាន់មួយរូបរបស់រដ្ឋាភិបាល យល់ឃើញថា លោកមិនសង្ឃឹមដល់ការបើកព្រំដែនវិញក្នុងឆ្នាំ២០២១នេះឡើយ។ លោកបន្តថាខ្ញុំគិតថា ការរិតត្បិតក្នុងការឆ្លងកាត់ព្រំដែននឹងនៅបន្ត ក្នុងផ្នែកដ៏ធំនៃឆ្នាំនេះ។ ទោះបីប្រជាជនមួយផ្នែកធំទទួលបានការចាក់វ៉ាក់សាំងក្ដីយើងមិនដឹងថា តើរឿងនោះនឹងអាចរារាំងការឆ្លងរាលដាននៃវីរុសបានឬយ៉ាងណាឡើយ។
មានលទ្ធភាពខ្ពស់ដែលការធ្វើចត្តាឡីស័ក នឹងនៅមានមួយរយៈពេលទៀត។ ផលវិបាកនៃការរិតត្បិតនោះបណ្ដាលឲ្យពលរដ្ឋអូស្ត្រាលី ច្រើនពាន់នាក់នៅជាប់គាំងឯបរទេស។ បណ្ដាអ្នកដែលវិលចូលស្រុកវិញ ត្រូវចំណាយប្រាក់ប្រមាណជា៣.០០០ដុល្លារអូស្ត្រាលី សម្រាប់ការធ្វើចត្តាឡីស័ក រយៈពេល១៤ថ្ងៃនៅតាមសណ្ឋាគារ។
ប្រេស៊ីលប្រើបន្ទាន់វ៉ាក់សាំងចិននិងវ៉ាក់សាំងអង់គ្លេស
ទីភ្នាក់ងារជាតិប្រេសីុលខាងត្រួតពិនិត្យសុខាភិបាល បានអនុម័តកាលពីថ្ងៃទី១៧មករា ឲ្យប្រើក្នុងគ្រាបន្ទាន់វ៉ាក់សាំងប្រឆាំងវីរុសCOVID-19របស់ក្រុមហ៊ុនចិនSINOVACគឺវ៉ាក់សាំងCORONAVACព្រមទាំងវ៉ាក់សាំងរបស់អង់គ្លេសASTRAZENECA។ ការសម្រេចនោះនឹងអាចឲ្យរដ្ឋាភិបាលប្រេសីុល ជម្រុញការចាក់វ៉ាក់សាំងប្រឆាំងវីរុសCOVID-19ជាមួយវ៉ាក់សាំងCORONAVAC៦លានដូសដំបូង៕
ចែករំលែកព័តមាននេះ