ការនាំចេញកាហ្វេធ្លាក់ចុះដោយសារវិបត្តិនៃជំងឺកូវីដ ១៩
ប្រទេសវៀតណាម ៖ យោងតាមប្រភពពីសមាគមកាហ្វេវៀតណាម Việt Nam Coffee (Cocoa Association) បានឱ្យដឹងថា កាហ្វេវៀតណាម…
ប្រទេសវៀតណាម ៖ យោងតាមប្រភពពីសមាគមកាហ្វេវៀតណាម Việt Nam Coffee (Cocoa Association) បានឱ្យដឹងថា កាហ្វេវៀតណាម…
ប្រទេសវៀតណាម ៖ យោងតាមប្រភពពីសមាគមកាហ្វេវៀតណាម Việt Nam Coffee (Cocoa Association) បានឱ្យដឹងថា កាហ្វេវៀតណាម ដែលនាំចេញទៅក្រៅស្រុក សម្រាប់ប្រើប្រាស់និងបរិភោគក្នុងឆ្នាំថ្មីនេះ ហាក់ទទួលបានលទ្ធផលគួរឱ្យកត់សម្គាល់ នេះបើប្រៀបធៀបនឹងការនាំចេញដូចគ្នា ក្នុងអំឡុងឆ្នាំ ២០១៩-២០២០ នេះបើយោងតាមការ ចេញផ្សាយរបស់សារព័ត៌មាន Viet Nam Newsនៅថ្ងៃទី ១៨ ខែ មករា ឆ្នាំ ២០២១។
តាមរយៈលោក Nguyễn Viết Hải អនុប្រធានជំហរសមាគម បាននិយាយក្នុងសន្និសីទ បូកសរុបសកម្មភាពឧស្សាហកម្មកាលពីឆ្នាំមុនថា ក្នុងកំឡុងឆ្នាំ ២០១៩ – ២០២០ ឆ្នាំកាហ្វេ (ដែលបានចាប់ផ្តើមកាលពី ខែ តុលា ឆ្នាំ ២០១៩) ការនាំចេញកាហ្វេ បានឈានដល់ ១,៦១ លានតោន និងបានចំណូលមកវិញប្រមាណជា ២,៨ ពាន់លានដុល្លារអាមេរិក។
សារព័ត៌មានដដែលបានបន្តថា ទិន្នផលទាំងការនាំចេញ និងចំណូលត្រូវបានធ្លាក់ចុះប្រហែល ៥ ភាគរយ ពីមួយឆ្នាំទៅមួយឆ្នាំ។ ការនាំចេញផលិតផលកាហ្វេ កែច្នៃក៏បានធ្លាក់ចុះ ៨,៧ ភាគរយ ផងដែរ។
ដោយសារតម្លៃកាហ្វេមិនមានស្ថេរភាព បរិមាណគ្រាប់កាហ្វេ ដែលបានទិញពីប្រជាកសិករសម្រាប់ឆ្នាំ ២០២០ – ២០២១ ហៅថា ឆ្នាំកាហ្វេ មានចំនួនតិចជាងរយៈពេលដូចគ្នាកាលពីឆ្នាំមុន។ ការផលិតកាហ្វេ ក៏បានទទួលរងផលប៉ះពាល់មួយចំនួនផងដែរ ដូចជា ព្យុះធំៗ ការប្រែប្រួលអាកាសធាតុ ដែលធ្វើឱ្យដំណាំប្រែក្លាយជាចាស់ៗ។
លោក Lương Văn Tự ដែលជាប្រធានសមាគម បាននិយាយថា ទីផ្សារកាហ្វេនឹងមានការស្តារឡើងវិញ ឬងើបឡើងវិញ ក្នុងពេលឆាប់ៗនេះ ព្រោះប្រទេសនេះត្រូវបានកាត់បន្ថយភ្ញៀវទេសចរទៅហើយ។ លោកបន្តថា « ដោយសារតែការឃ្លាតឆ្ងាយពីសង្គមឬមិនត្រូវបានឱ្យជួបជុំគ្នា ដូចនេះហាងកាហ្វេជាច្រើនមិនអាចដំណើរការបានទេ ក្នុងកំឡុងពេលផ្ទុះជំងឺនេះ។ ភ្ញៀវទេសចរបរទេស ក៏ត្រូវបានហាមឃាត់មិនឱ្យមកចូលលេងក្នុងប្រទេសទៀត យើងដឹងហើយថា ភ្ញៀវទេសចរដើរតួយ៉ាងសំខាន់ ក្នុងការប្រើប្រាស់កាហ្វេ របស់ប្រទេសវៀតណាម ដូច្នេះការប្រើប្រាស់ក្នុងស្រុកក៏បានធ្លាក់ចុះ។
ការខ្វះកុងតឺន័រសម្រាប់ដឹកជញ្ជូនកាហ្វេ សម្រាប់ការនាំចេញនាពេលបច្ចុប្បន្ននេះ ក៏កំពុងជះឥទ្ធិពលខ្លាំងណាស់ដែរក្នុងនាំចេញកាហ្វេ។ ខាងផ្នែកពាណិជ្ជកម្ម និងផ្នែកធុរកិច្ចនានា ក៏បានជំរុញ ក្នុងការពិនិត្យមើលការនាំចេញតាមផ្លូវដែកវិញ ប៉ុន្តែអ្នកខ្លះមិនចង់ប្រើវិធីសាស្ត្រនាំចេញផ្សេងទេនោះទេ។
សមាគម នឹងបន្តជំរុញក្នុងការផលិតកាហ្វេ និងជួយខាងផ្នែកពាណិជ្ជកម្មនេះ ជាមួយនឹងឳកាសថ្មីក្នុងការនាំចេញ ទៅក្នុងសហព័ន្ធអ៉ឺរ៉ុប តាមរយៈកិច្ចព្រមព្រៀងពាណិជ្ជកម្មសេរីវៀតណាម ជាមួយនឹង កិច្ចព្រមព្រៀងយ៉ាងទូលំទូលាយ និងភាពរីកចម្រើន ដែលជាដៃគូអន្តរប៉ាស៊ីហ្វិក។
មិនត្រឹមតែប៉ុណ្ណោះ វាក៏បានបង្កើននៃការនាំចេញ ក្នុងតម្លៃមួយដែលសាកសមនឹងគុណភាពនៃការផលិតកាហ្វេ ដូចជាការផលិតគ្រាប់កាហ្វេពីការលីង និងផលិតពីក្នុងដី។ ហើយក៏អាចអនុវត្តនៃកម្មវិធី ក្នុងការបង្កើនការផលិត ដើម្បីជំរុញឱ្យការប្រើប្រាស់កាហ្វេក្នុងស្រុកផងដែរ។
លោក Thái Như Hiệp ជានាយកប្រតិបត្តិនៃក្រុមហ៊ុន Vĩnh Hiệp Coffee បានឱ្យថា ការធ្លាក់ចុះនៃការប្រើប្រាស់កាហ្វេ បានកើតឡើងនៅជុំវិញពិភពលោក មិនត្រឹមតែនៅវៀតណាមនោះទេ ហើយប្រទេសវៀតណាមមានឱកាសជាច្រើន ក្នុងការបង្កើនចំណែកទីផ្សារឱ្យកាន់តែធំ ដូចជាសហភាពអ៊ឺរ៉ុប ជប៉ុន និងកូរ៉េខាងត្បូងជាដើម។
លោក Thái Như Hiệp បានបន្តថា «វិស្ស័យឧស្សាហកម្មកាហ្វេ ពិតជាត្រូវការចាំបាច់ណាស់ក្នុងការផលិតគ្រាប់កាហ្វេឱ្យត្រូវតាមស្តង់ដារ ដែលកសិករត្រូវតែចេះ រួមទាំងវិធីសាស្ត្រនៃការប្រមូលផល និងការកែច្នៃជាដើម ហើយត្រូវប្រាកដ និងឆ្លើយតប ពីការផលិតដែលត្រូវតាមស្តង់ដាររបស់ EU និងត្រូវអំពីស្តង់ដារដែលស្តីអំពីគុណភាពភ្នាក់ងារការពារដំណាំ និងសុវត្ថិភាពចំណីអាហារ»។
ប្រទេសវៀតណាម បានយកចិត្តទុកដាក់ទៅបន្ថែម លើកការតាមដាន និងផ្លាស់ប្តូរវិធីសាស្ត្រនៃការប្រមូលផល និងការកែច្នៃកាហ្វេ។ ដើម្បីកែលម្អរការប្រើប្រាស់ក្នុងស្រុក សមាគមនិងអាជ្ញាធរ គួរតែផ្សព្វផ្សាយស្តង់ដារគុណភាពកាហ្វេឱ្យបានច្រើន និងគួរតែមានការផលិតកាហ្វេដែលលាយជាមួយគ្រឿងផ្សំផ្សេងទៀត និងជួយបង្កើតការប្រកួតប្រជែងដែលមានលក្ខណៈត្រឹមត្រូវផងដែរ៕
ចែករំលែកព័តមាននេះ