រាជធានីភ្នំពេញ ៖ រថយន្តដឹកឥវ៉ាន់មួយគ្រឿងចតឈប់លយក្បាលចេញមកទទឹងផ្លូវត្រូវបានបុរសពីរនាក់ជិះម៉ូតូលឿនខ្វះការប្រុងប្រយ័ត្នវ៉ាកអឺ ជ្រុលទៅបុកពេញទំហឹង បណ្ដាលឲ្យបោកក្បាលទៅនឹងរថយន្តរងរបួសធ្ងន់ទាំងពីរនាក់ បង្កអោយមានការភ្ញាក់ផ្អើល កាលពីវេលាម៉ោង៨និង៣០នាទីយប់ ថ្ងៃទី១៥ ខែមករា ឆ្នាំ២០២១…
រាជធានីភ្នំពេញ ៖ រថយន្តដឹកឥវ៉ាន់មួយគ្រឿងចតឈប់លយក្បាលចេញមកទទឹងផ្លូវត្រូវបានបុរសពីរនាក់ជិះម៉ូតូលឿនខ្វះការប្រុងប្រយ័ត្នវ៉ាកអឺ ជ្រុលទៅបុកពេញទំហឹង បណ្ដាលឲ្យបោកក្បាលទៅនឹងរថយន្តរងរបួសធ្ងន់ទាំងពីរនាក់ បង្កអោយមានការភ្ញាក់ផ្អើល កាលពីវេលាម៉ោង៨និង៣០នាទីយប់ ថ្ងៃទី១៥ ខែមករា ឆ្នាំ២០២១ នៅតាមបណ្ដោយផ្លូវវេងស្រេង ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ ។
រថយន្តបង្កជារថយន្តកូរ៉េ ពណ៌ខៀវ ពាក់ស្លាកលេខ ភ្នំពេញភ្នំពេញ 2C-9402 កំពុងតែចតឈប់ដាក់ឥវ៉ាន់នៅក្នុង ឱសថស្ថាន វិមានឯករាជ្យ ។
ម៉ូតូរងគ្រោះម៉ាក nex ពណ៍ទឹកក្រូច ពាក់ស្លាកលេខកំពង់ឆ្នាំង 1I-5655 បើកបរក្នុងទិសដៅពីកើតទៅលិចក្នុងល្បឿនយ៉ាងលឿនដោយខ្វះការប្រុងប្រយ័ត្នបុករងរបួសធ្ងន់ទាំងពីរនាក់ ។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេឃើញរថយន្តបង្កជារថយន្តកូរ៉េកំពុងតែចតឈប់ដាក់ឥវ៉ាន់នៅកន្លែងឱសថស្ថាន មួយទល់មុខ និងរោងចក្រប្រាំមួយជាន់តាមបណ្ដោយផ្លូវវេងស្រេង ដោយចតលយក្បាលរថយន្តចេញមកទទឹងផ្លូវដោយខ្វះយល់ដឹងក៏ស្រាប់តែមានម៉ូតូមួយគ្រឿងម៉ាក nex ជិះមានគ្នាពីរនាក់ក្នុងទិសដៅពីកើតទៅលិចក្នុងល្បឿនយ៉ាងលឿន ដោយវ៉ាកអឺ គេចមិនផុតជ្រុលចង្កូតទៅបុករថយន្តបង្កចំផ្នែកខាងឆ្វេងខាងមុខពេញទំហឹង បណ្ដាលឲ្យជនរងគ្រោះទាំងពីរនាក់ដួលបោកទៅនឹងរថយន្តរងរបួសធ្ងន់ទាំងពីរនាក់បែកក្បាលហូរឈាម ភ្លាមៗនោះក៏រថយន្តឯកជនសម្ភពសង្គម៉ារីបានដឹកយកជនរងគ្រោះទៅសង្គ្រោះភ្លាមៗ។
បន្ទាប់មកក៏កំលាំងសមត្ថកិច្ចនគរបាលប៉ុស្តិ៍ចោមចៅទី១ បានចុះទៅអន្តរាគមន៍នៅកន្លែងកើតហេតុដោយលើកម៉ូតូរងគ្រោះមកដាក់អែបខាងកំអោយមានគ្រោះថ្នាក់កើតឡើងបន្តទៀត ។ ម៉ូតូជនរងគ្រោះរងការខូចខាតបែកស្តុបខាងស្ដាំ ចំណែករថយន្តបង្កវិញរងរងការខូចខាតផ្នែកខាងមុខត្រង់កាងខាងឆ្វេងដោយបាក់ធ្លាក់មកដី ។
ក្រោយពេលកើតហេតុដោយមានតំណាងភាគីខាងរថយន្តបង្កចេញមុខទៅសំរបសំរួលគ្នាបញ្ចប់នៅមន្ទីរពេទ្យ ៕
ចែករំលែកព័តមាននេះ