ADផ្ទាំងផ្សព្វផ្សាយពាណិជ្ជកម្ម

Picture

ឈាម​ស្រែក​ស្បែក​ហៅ ឃាតករ​ដៃ​ឆៅ ត្រូវ​គ្រាប់​ស្លា.ប់ ពេល​បាញ់តដៃ​ជាមួយ​សមត្ថកិច្ច​ចម្រុះ

10 ខែ មុន

ខេត្តក្រចេះ​+​ស្ទឹង​ត្រែង ៖ កម្លាំង​សមត្ថកិច្ច​ចម្រុះ​ខេត្ត​ភាគ​ឦសាន នៃ​ប្រទេស​កម្ពុជា នៅ​ក្នុង​រង្វង់​ប្រតិបត្តិការ​តាម​ប្រមាញ់​ចាប់ខ្លួន​ខ្មាន់កាំភ្លើង ដែល​បាន​បាញ់​ស​ម្លា​.​ប់​នាយ​រង​ព្រហ្មទណ្ឌ​កម្រិត​ស្រាល​រាជធានី​ភ្នំពេញ​មួយ​រូប ដោយ​មិន​ញញើត​ដៃ ជនសង្ស័យ​ត្រូវ​បាន​សមត្ថកិច្ច​ប្រើ​សិទ្ធិការពារ​ខ្លួន បាញ់​សម្លា.ប់ ខណៈ​ជន​ដៃដល់​ដក​កាំភ្លើង​បាញ់​សំដៅ​មក​លើ​កងកម្លាំង…

ខេត្តក្រចេះ​+​ស្ទឹង​ត្រែង ៖ កម្លាំង​សមត្ថកិច្ច​ចម្រុះ​ខេត្ត​ភាគ​ឦសាន នៃ​ប្រទេស​កម្ពុជា នៅ​ក្នុង​រង្វង់​ប្រតិបត្តិការ​តាម​ប្រមាញ់​ចាប់ខ្លួន​ខ្មាន់កាំភ្លើង ដែល​បាន​បាញ់​ស​ម្លា​.​ប់​នាយ​រង​ព្រហ្មទណ្ឌ​កម្រិត​ស្រាល​រាជធានី​ភ្នំពេញ​មួយ​រូប ដោយ​មិន​ញញើត​ដៃ ជនសង្ស័យ​ត្រូវ​បាន​សមត្ថកិច្ច​ប្រើ​សិទ្ធិការពារ​ខ្លួន បាញ់​សម្លា.ប់ ខណៈ​ជន​ដៃដល់​ដក​កាំភ្លើង​បាញ់​សំដៅ​មក​លើ​កងកម្លាំង បម្រុង​មិន​ព្រម​ប្រគល់​ខ្លួន​តាម​សម្រួល ។

ប្រតិបត្តិការ​តាម​ប្រមាញ់​ចាប់ខ្លួន​ខ្មាន់កាំភ្លើង អស់​រយៈពេល​១៦​ថ្ងៃ ដោយ​កម្លាំង​នាយកដ្ឋាន​ព្រហ្មទណ្ឌ​ក្រសួងមហាផ្ទៃ បាន​ចុះ​ធ្វើការ​នេះ​យ៉ាង​ម៉ត់ចត់ និង​យកចិត្តទុកដាក់​បំផុត ក្រោម​ការ​បញ្ជា​ផ្ទាល់​ពី​លោកនាយ​ឧត្តមសេនីយ៍​សន្ដិ​បណ្ឌិត នេ​ត សា​វឿ​ន អគ្គស្នងការ​នគរបាល​ជាតិ ឧត្តមសេនីយ៍ឯក អ៊ិ​ន បូ​រ៉ា អគ្គស្នងការ​រង​ទទួល​ផែន​ព្រហ្មទណ្ឌ និង​ចង្អុលបង្ហាញ​យ៉ាង​យកចិត្តទុកដាក់​ពី​ឧត្តមសេនីយ៍ឯក ង៉េ​ង ជួ ប្រធាន​នាយកដ្ឋាន​នគរបាល​ព្រហ្មទណ្ឌ ឧត្តមសេនីយ៍ឯក ស ថេ​ត អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ បាន​ឲ្យ​កម្លាំង​ជំនាញ​នគរបាល​ព្រហ្មទណ្ឌ បើក​ការ​ស្រាវជ្រាវ​ជា​បន្ត​បន្ទាន់ និង​សហការ​ជាមួយ​កម្លាំង​សមត្ថកិច្ច​ពាក់ព័ន្ធ​គ្រប់​កម្លាំងប្រដាប់អាវុធ​ចម្រុះ​ស្ថាប័ន នៅ​តាម​បណ្តា​ខេត្ត​ភាគ​ឦសាន នៃ​ប្រទេស​កម្ពុជា ។

អ្នករាយការណ៍​ព័ត៌មាន​របស់​កោះសន្តិភាព​ប្រចាំ​ខេត្តក្រចេះ បាន​ឲ្យ​ដឹង​ថា ជន​ដៃដល់​មានឈ្មោះ អ៊ា ណា​រ៉េ​ន អាយុ​៣៩​ឆ្នាំ បាន​គេច​ទៅ​លាក់ខ្លួនពីខេត្តមួយ ទៅខេត្តមួយ ​នៅ​ក្នុងភូមិ​សាស្ត្រ​ខេត្តរតនគិរី​, ខេត្តមណ្ឌលគិរី​, ខេត្តស្ទឹងត្រែង និង​ខេត្តក្រចេះ ត្រូវ​បាន​សមត្ថកិច្ច​បាញ់​សម្លាប់​ហើយ នៅ​វេលា​ម៉ោង ១៧​និង​៤៦​នាទី​ល្ងាច​ថ្ងៃ​ទី​១៥ មក​រា ២០២១​នេះ នៅ​ចំណុច​មាត់​អូរ​ជាប់ជើង​ភ្នំ អូរ​កណ្តៀរ ក្នុង​ដីចំការ​ស្វាយចន្ទី ស្តិ​ត​ក្នុងភូមិ​អូរ​ព្រះ ឃុំ​អូរ​គ្រៀង ស្រុក​សំបូរ ខេត្តក្រចេះ ។

សេចក្តីរាយការណ៍ បាន​បន្ត​ថា កំឡុង​ពេល សមត្ថកិច្ច​ឡោម​ព័ទ្ធ អោយ​ជនសង្ស័យ​ទម្លាក់អាវុធ ប្រគល់​ខ្លួន​ឲ្យ​សមត្ថកិច្ច ប៉ុន្តែ​ជនសង្ស័យ​មិន​ព្រម​ធ្វើ​តាម​ងាយ​ៗ​ឡើយ ភាព​រឹងរូស​មិន​ព្រម​ប្រគល់​ខ្លួន​ហើយ​បាន​បាញ់​មក​លើ​សមត្ថកិច្ច​ទៀត ភ្លាម​នោះ កម្លាំង​សមត្ថកិច្ច​ចម្រុះ បាន​ប្រើ​សិទ្ធិ​ការពារ​ខ្លួន ដោយ​បាញ់​តបត​គ្នា​ទៅ​វិញ ទៅ​មក បណ្តាល​ឲ្យ​ជនសង្ស័យ​ត្រូវ​គ្រាប់កាំភ្លើង​ស្លា.ប់ នៅ​ហ្នឹង​កន្លែង​កើត​ហេតុតែ​ម្តង ។

បើ​តាម​សេចក្តីរាយការណ៍​ពី​អ្នក​យក​ព័ត៌មាន​កោះសន្តិភាព​ប្រចាំ​ស្ទឹង​ត្រែង​វិញ បាន​ឲ្យ​ដឹង​ដែរ​ថា ខ្មាន់កាំភ្លើង​មាន​ប្រដាប់​អាវុធ​ជាប់​ខ្លួន ពួន​សំងំ​លាក់ខ្លួន នៅ​ក្នុង​តំបន់​មានព្រៃ​ស្មុគស្មាញ ហើយ​ជនសង្ស័យ​បាន​រត់​ថ្មើរជើង​ឆ្លងកាត់​តាម​ព្រៃ​មក​ពី​ខេត្តរតនគិរី និង​បន្ត​ថ្មើរជើង​តាម​ព្រៃ​ឆ្លង​ចូល​ខេត្តស្ទឹងត្រែង ចុង​ក្រោយ​បំណង​ឆ្លង​ចេញ​មក​ខេត្តក្រចេះ​បន្ត​ទៀត ជា​ហេតុ​ធ្វើ​ឲ្យ​ការ​ប្រមាញ់​ចាប់ខ្លួន​មួយ​នេះ​ពិបាក​បំផុត ហើយ​ក៏​ត្រូវ​យកចិត្តទុកដាក់​បំផុត​ផង​ដែរ ព្រោះ​មុខសញ្ញា​ចាស់​ដែល​មាន​ល្បិច​ខ្ពស់ ត្រូវ​គេ​បញ្ជាក់​ថា ធ្លាប់​ឆ្លងកាត់​រៀនសូត្រ​ជា​កម្លាំងយោធា​បាន​យ៉ាង​ស្ទាត់ជំនាញ ដែល​មាន​អាវុធ​ជាប់​ខ្លួន​ប្រកបដោយ​គ្រោះថ្នាក់ និង​ជា​មនុស្ស​ធ្លាប់​ធ្វើ​សកម្មភាព​ប្លន់ និង​បាញ់​សម្លាប់​មនុស្ស​ថែម​ទៀត​នោះ ទើប​កម្លាំង​សមត្ថកិច្ច​ចម្រុះ​ស្ថាប័ន បាន​ដាក់​ពង្រាយ​ចាំ​ស្ទាក់ ប្រមាណ​ជា​ជាង​មួ​យស​ប្តា​ហ៍ មក​ហើយ មាន​ទាំង​កម្លាំង​ជំនាញ​មក​ពី​ភ្នំពេញ កម្លាំង​នគរបាល អាវុធហត្ថ និង​យោធា ខេត្តស្ទឹងត្រែង និង​ខេត្តក្រចេះ សរុប​ជាង​រយ​នាក់ បាន​កំណត់​គោល​មុខសញ្ញា​ច្បាប់ ដោយ​បែងចែក​កម្លាំង​ជា​០៣​ក្រុម ហ៊ុំ​ព័ទ្ធ​ជា​ស្នែងក្របី ដើម្បី​ខ្ទប់​ផ្លូវ​មិន​អោយ​ជនល្មើស​រត់គេច​ខ្លួន​ចេញពី​ចំណុច​ដូច​ខាងលើ បានជា​បន្ត​ទៀត​ទេ ។

អ្នក​យក​ព័ត៌មាន​កោះសន្តិភាព​ប្រចាំ​ស្ទឹង​ត្រែង​វិញ បាន​បន្ត​ទៀត​ថា កម្លាំង​ជំនាញ បាន​ធ្វើការ​ស្រាវជ្រាវ​រហូត​ដល់កំណត់​បាន​ទីតាំង​លាក់ខ្លួន​របស់​ជនសង្ស័យ និង​ដោយ​មាន​ដីកា​បង្គាប់​ឲ្យ​ចាប់ខ្លួន​លេខ ០៣២ វ​ដ​វន ចុះ​ថ្ងៃ​ទី​១២ ខែមករា ឆ្នាំ​២០២១ ចេញ​ដោយ​លោក លិ សុខា ចៅក្រម​ស៊ើបសួរ​សាលាដំបូង​រាជធានី​ភ្នំពេញ បង្គាប់​ឲ្យ​ចាប់ខ្លួន​ជន​ត្រូវ​ចោទ​ឈ្មោះ អ៊ា ណា​រ៉េ​ន ភេទ​ប្រុស ឆ្នាំ​កំណើត​១៩៨២ ទើប​នៅ​វេលា​ម៉ោង​១៧​និង​៤៦​នាទី​ល្ងាច​ថ្ងៃ​ទី​១៥ ខែមករា ឆ្នាំ​២០២១ កម្លាំង​ចម្រុះ​ចុះ​មក​ដល់ទី​តាំង​មាត់​អូរ​ជាប់ជើង​ភ្នំ អូរ​ណ្តៀរ ក្នុង​ដីចំការ​ស្វាយចន្ទី​ស្ថិត​នៅ​ភូមិ​អូរ​ព្រះ ឃុំ​អូរ​គ្រៀង ស្រុក​សំបូរ ខេត្តក្រចេះ ជន​ត្រូវ​ត្រូវ​ចោទ​ឈ្មោះ អ៊ា ណា​រ៉េ​ន បាន​ប្រើ​អាវុធ​ខ្លី​មួយ​ដើម​ម៉ាក CZ 75B លេខ 5493V ព​ណ៍​ទឹកប្រាក់ បាញ់​មក​លើក​ម្លាំ​ចម្រុះ ពេល​នោះ​កម្លាំង​ចម្រុះ បាន​ប្រើ​សិទ្ធិ​ការពារ​ខ្លួន បាញ់​តបត​វិញ បណ្តាល​ឲ្យ​ជន​ត្រូវ​ចោទ​ឈ្មោះ អ៊ា ណា​រ៉េ​ន ស្លាប់​នៅ​នឹង​កន្លែង​កើតហេតុ ។

បច្ចុប្បន្ន សាកសព​ឈ្មោះ អ៊ា ណា​រ៉េ​ន ត្រូវ​បាន​នាំ​មក​ទុក​នៅ​វត្ត​អូរ​កណ្តៀរ ចំណែកឯ​វត្ថុ​តាង បាន​ប្រគល់​ឲ្យ​ស្នងការដ្ឋាន​នគរបាល​ខេត្តក្រចេះ ដើម្បី​ចាត់ចែង​តាម​នីតិវិធី​បន្ត ។

ដំណើរ​នៃ​រឿង​ឃាតកម្ម ផ្តើម​ចេញពី​ទំនាស់​គ្រោះថ្នាក់​ចរាចរណ៍ នៅ​វេលា​ម៉ោង​១២​និង​៥​នាទី​យប់​ថ្ងៃ​ទី​៣០ ខែធ្នូ ឆ្នាំ​២០២០ នៅ​ចំណុច​មុខ​ផ្ទះសំណាក់ សាំង​ហ័​រ​ទៀន លើ​មហាវិថី​សហព័ន្ធ​រុ​ស្សី ស្ថិត​នៅ​ភូមិ​ក្បាលដំរី​២ សង្កាត់​កា​កាប​២ ខណ្ឌ​ពោធិ៍​សែន​ជ័យ រាជធានី​ភ្នំពេញ បង្ក​ឡើង​ដោយ​ជនសង្ស័យ​ចំនួន​០២​នាក់ ស្លៀកពាក់​ស៊ី​វិល ប្រដាប់​ដោយ​អាវុធ​ខ្លី ០១​ដើម មិន​ស្គាល់​ម៉ាក បន្សល់​ទុក​សំបក​គ្រាប់​នៅ​កន្លែង​កើតហេតុ​ចំនួន​០៩​គ្រាប់ ក្បាល​គ្រាប់​ចំនួន​០១​គ្រាប់ មធ្យោបាយ​ធ្វើ​សកម្មភាព​រថយន្ត​ម៉ាក Lexus RX300 ពណ៌​ខ្មៅ ពាក់​ស្លាក​លេខ សៀមរាប 2A-4546 មាន​ស្នាម​កំ​ពិត​ដំបូល​ផ្នែក​ខាង​មុខ​ខាងស្តាំ និង​រថយន្ត​ជន​រង​គ្រោះ​ម៉ាក FORD RAPTOR F150 ផលិត​ឆ្នាំ​២០២០ ពណ៌​ស ០១​គ្រឿង នៅ​កន្លែង​កើតហេតុ ។

ជន​រង​គ្រោះ​ឈ្មោះ រ៉េ​ត ស៊ី​ណែ​ត ភេទ​ប្រុស អាយុ​៤១​ឆ្នាំ ស្នាក់​នៅផ្ទះ​លេខ​១៦៩ ផ្លូវ​១៦៩ ភូមិ​៤ សង្កាត់​វាលវង់ ខណ្ឌ​៧​មក​រា រាជធានី​ភ្នំពេញ ជា​នាយ​រង​ការិយាល័យ​នគរបាល​កំរិត​ស្រាល នៃ​ស្នងការដ្ឋាន​នគរបាល​រាជធានី​ភ្នំពេញ ត្រូវ​បាន​ជន​ដៃដល់ បាញ់​ពីក្រោយ​ខ្នង​ចំនួន​០៣​គ្រាប់ ធ្លា​យមក​មុខ និង​ថ្ងាស់​០១ គ្រាប់​ធ្លា​យមក​ក្រោយ ។

បន្ទាប់​ពី​បង្កហេតុ ក្រុម​ជនសង្ស័យ​បាន​បើករថយន្ត​គេច​ចេញពី​ក​ន្លែ​កើតហេតុ ។ សមត្ថកិច្ច​ចុះ​ធ្វើ​ស្រាវជ្រាវ​ស្វែងរក​ជនសង្ស័យ នៅ​ព្រឹក​ថ្ងៃ​ដដែល សកម​ត្ថ​កិច្ច​បាន​រក​ឃើញ​រថយន្ត​ជនសង្ស័យ​ដែល​ដោះ​ស្លាក​លេខ​ចេញ យក​ទៅ​ប្លុង​ចោល នៅ​ចំណុច​ផ្ទះ​គ្មាន​លេខ ផ្លូវ​៤២ ភូមិ​ស្វាយ​ឧត្តម សង្កាត់​ព​ន្សាំ​ង ខណ្ឌ​ព្រែក​ព្នៅ និង​បាន​សាកសួរ​ម្ចាស់ផ្ទះ ហើយ​ឈាន​ទៅ​ដល់​ការ​ស្វែងរក​ចាប់ខ្លួន​ជនសង្ស័យ​០១​នាក់ ជា​បក្ខពួក​ជន​ដៃដល់ ដែល​បាន​រត់គេច​ដល់​ខេត្តបាត់ដំបង ហើយ​បាន​បញ្ជូន​ជនសង្ស័យ​រូប​នេះ​មក​កាន់​រាជធានី​ភ្នំពេញ ដើម្បី​ធ្វើការ​សាកសួរ និង​បញ្ជូន​ខ្លួន​ទៅ​តុលាការ នៅ​ព្រឹក​ថ្ងៃ​ទី​០៧ ខែមករា ឆ្នាំ​២០២១ ។

ក្រោយ​ការ​សាកសួរ ជនសង្ស័យ​ឈ្មោះ កែ ចាន់​មាន បាន​សារភាព​ថា ក្រុម​ខ្លួន​ពិតជា​បាន​ចូលរួម​ក្នុង​សកម្មភាព​បាញ់​សម្លាប់​ជន​រង​គ្រោះ​ពិតប្រាកដ​មែន ដោយ​ឈ្មោះ អ៊ា ណា​រ៉េ​ន ហៅ រ៉េ​ន ជា​អ្នក​បាញ់​សម្លាប់​ជន​រង​គ្រោះ ។ ចំណែក​រូបគេ ជា​អ្នក​បើករថយន្ត​រត់គេច​ទៅ​លាក់​ទុក នៅផ្ទះ​ប្រជាពលរដ្ឋ​ក្បែរ​ភ្នំ​បាសិត ។ ហើយ​ឈ្មោះ រ៉េ​ន ក៏​បាន​ទូរស័ព្ទ​បក្ខពួក​ម្នាក់​ទៀត យក​ម៉ូតូ​មក​ឌុ​ប​ពួក​ខ្លួន ឆ្លងស្ពាន​ព្រែ​ក្តាម ទៅ​ផ្ទះសំណាក់​មិន​ចាំ​យីហោ​ដេក​ចំនួន ០២​យប់ ។ បន្ទាប់​មក​ពួក​គេ ក៏​បែក​គ្នា​រៀង​ៗ​ខ្លួន ហើយ​រូបគេ (​កែ ចាន់​មាន ) រត់​មក​លាក់ខ្លួន​នៅ​ក្នុង​វត្ត​មួយ​នៃ​ខណ្ឌ​ព្រែក​ព្នៅ ០១​យប់ ។ លុះដល់​ថ្ងៃ​ទី​០២ ខែមករា ឆ្នាំ​២០២១ ខ្លួន​ក៏​បាន​បន្តដំណើរ​ទៅ​ខេត្តបាត់ដំបង ដោយ​ស្នាក់​នៅ​បន្ទប់​ជួល​ម្តុំ​វត្ត​ទួល​តា​ឯក ខេត្តបាត់ដំបង ទើប​នៅ​ថ្ងៃ​ទី​០៣ ខែមករា ឆ្នាំ​២០២១ ពេល​ខ្លួន​កំពុង​ដេក​នៅផ្ទះ​ជួល ក៏​ត្រូវ​បាន​សមត្ថកិច្ច​ធ្វើការ​ឃាត់ខ្លួន​តែ​ម្តង ។

ក្រោយមក យប់​ថ្ងៃ​ទី​០៤ ខែមករា ឆ្នាំ​២០២១ ជន​ដៃដល់​បាញ់​សម្លាប់​នាយ​រង​ការិយាល័យ​ព្រហ្មទណ្ឌ​កម្រិត​ស្រាល​រាជធានី​ភ្នំពេញ បាន​ជិះ​រថយន្ដ​មួយ​គ្រឿង រត់គេច​ខ្លួន​ដល់​ស្រុក​កោះ​ញែក ខេត្តមណ្ឌលគិរី ជាមួយ​ភរិយា ប្អួ​ន​ថ្លៃ និង​កូន​ម្នាក់ ។ ជនសង្ស័យ​បាន​ព្យាយាម​បើករថយន្ត​បំ​បុក​របាំង ហាមឃាត់​របស់​សមត្ថកិច្ច នៅ​ក្នុងស្រុក​កោះ​ញ៉ែ​ក ដើម្បី​ការ​ទម្លាយ​ចេញពី​ការ​ឡោម​ព័ទ្ធ ។ ក្រោយ​បើករថយន្ដ​បុក​បា​រ៉ា​ស់​របស់​សមត្ថកិច្ច ខ្មាន់កាំភ្លើង​បាន​បន្ដ​បើករថយន្ដ​គេចខ្លួន លុះ​បើក​បាន​ប្រមាណ​១​គីឡូម៉ែត្រ ខ្មាន់កាំភ្លើង​បាន​ចុះ​ពីលើ​រថយន្ដ រត់គេច​ដោយ​ថ្មើរជើង​ចូល​ក្នុង​ព្រៃ​ជ្រៅ ដោយ​បន្សល់​ទុក​ប្រពន្ធ និង​កូន ។ ពេល​នោះ​ប្រពន្ធ និង​កូន​តូច​របស់​ខ្មាន់កាំភ្លើង ក៏​ត្រូវ​សមត្ថកិច្ច​នាំ​ខ្លួន​មក​សួរនាំ ចុង​ក្រោយ​ស្ត្រី​ទាំង​២​នាក់ ត្រូវ​តុលាការ​បាន​សម្រេច​ឲ្យ​ដោះ​លែង​វិញ​ដោយសារ​មិន​ពាក់ព័ន្ធ ។

រហូត​មក​ដល់​ថ្ងៃ​ទី​០៥ ខែមករា ឆ្នាំ​២០២១​នេះ ខ្មាន់កាំភ្លើង​បាន​បន្ដ​រត់គេច​ខ្លួន​ពី​ខេត្តមណ្ឌលគិរី ដល់​ស្រុក​លំ​ផាត់ ខេត្តរតនគិរី ដែល​មាន​ព័ត៌មាន​ថា ខ្មាន់កាំភ្លើង​បន្លំ​ខ្លួន​ជិះ​តាម​រថយន្ត​ដឹក​ផ្លែ​ដូង ក្រោម​ការ​ព័ទ្ធ​និង​តាម​ប្រមាញ់​របស់​កម្លាំងប្រដាប់អាវុធ​ចម្រុះ​ស្ថាប័ន រួម​និង​សមត្ថកិច្ច​ខេត្តរតនគិរី ។

នៅ​ល្ងាច​ថ្ងៃ​ទី​០៦ ខែមករា ឆ្នាំ​២០២១​នេះ ឮដំណឹង​មក​ថា ឃាតករ​បាន​រត់គេច​ខ្លួន​ពី​ខេត្តរតនគិរី ដល់​ខេត្តស្ទឹងត្រែង មាន​សេចក្តីរាយការណ៍​ពី​សមត្ថកិច្ច​ថា ជនសង្ស័យ​ជា​ឃាតករ បាន​ប្រើប្រាស់​ម៉ូតូ​មួយ​គ្រឿង​ម៉ាក​ហុងដា​ឌ្រី​ម​សេរី ឆ្នាំ​២០២០ ជិះ​ចូល​មក​ក្នុងភូមិ​មួយ​ឈ្មោះ​ភូមិ​ច្រប់ ក្នុងស្រុក​សេ​សាន និង​បាន​ទុក​ម៉ូតូ​នោះ​ចោល និង​គេចខ្លួន​បាត់​ថែម​ទៀត​នៅ​ពេល​ព្រឹក​ព្រលឹម ចំណែក​ម៉ូតូ​របស់​ជនសង្ស័យ​ត្រូវ​កម្លាំង​ប៉ុស្តិ៍​ក្បាល​រមាស ក្នុង​ខេត្តស្ទឹងត្រែង បាន​យក​ទៅ​រក្សា​ទុកជា​វត្ថុ​តាង ។

ចាប់តាំងពី​ពេល​នោះ​មក ជាង​១​ស​ប្តា​ហ៍ បាត់ដាន​ជនសង្ស័យ សំងំ​ស្ថិត​ក្នុង​ភាព​ស្ងប់ស្ងាត់​មិន​បន្សល់​ដាន​ឡើយ ប៉ុន្តែ​កង​សមត្ថកិច្ច​ចម្រុះ​ស្ថាប័ន ដាក់​ពង្រាយ​កម្លាំង ចាំ​ប្រមាញ់​ចាប់ ស្ទើរតែ​មិន​បាន​ដេក​ពួន ដោយ​មាន​តម្រុយ​ប្រទះ​ឃើញ​ជនសង្ស័យ​កំពុង​លាក់ខ្លួន​ក្នុង​ព្រៃ​មួយ ព្រំប្រទល់​ខេត្តស្ទឹងត្រែង​ជាប់​និង​ខេត្តក្រចេះ ចំណុច​មាត់​អូរ​ជាប់ជើង​ភ្នំ អូរ​កណ្តៀរ ក្នុង​ដីចំការ​ស្វាយចន្ទី ទើប​សមត្ថកិច្ច​ចម្រុះ​ស្ថាប័ន បាន​សហការ​គ្នា​ក្នុង​ការ​ឡោម​ព័ទ្ធ​ជា​ស្នែងក្របី បិទ​ខ្ទប់​ផ្លូវ​មិន​អោយ​ជនល្មើស​គេចខ្លួន​ទៀត នៅ​វេលា​ល្ងាច​ថ្ងៃ​ទី​១៥ ខែមករា ឆ្នាំ​២០២១ ហើយ​សមត្ថកិច្ច​យើង​បាន​ឲ្យ​ជនសង្ស័យ​ប្រគល់​ខ្លួន​តាម​សម្រួល ប៉ុន្តែ​ខណៈ​ពេល​នោះ​ជនសង្ស័យ​រឹងរូស​មិន​ព្រម​ប្រគល់​ខ្លួន និង​បាន​បាញ់​មក​លើ​សមត្ថកិច្ច​យើង ភ្លាម​នោះ សមត្ថកិច្ច​យើង​បាន​ប្រើ​សិទ្ធិ​ការពារ​ខ្លួន ដោយ​បាញ់​តបត​គ្នា​ទៅ​វិញ បណ្តាល​ឲ្យ​ជនសង្ស័យ​ត្រូវ​គ្រាប់​ស្លាប់​នៅ​ហ្នឹង​កន្លែង​កើត​ហេតុតែ​ម្តង ៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture