រាជធានីភ្នំពេញ ៖ មានរឿងមួយបានកន្លងផុតទៅ ប៉ុន្តែហាក់ដូចជានៅក្តៅគគុក គឺមានស្ត្រីមេម៉ាយម្នាក់ដែលពេលនេះបានក្លាយជាជនសង្ស័យពាក់ព័ន្ធគ្រឿងញៀ.ន ត្រូវសមត្ថកិច្ចចាប់ឃុំខ្លួនដាក់ពន្ធនាគារព្រៃស
រាជធានីភ្នំពេញ ៖ មានរឿងមួយបានកន្លងផុតទៅ ប៉ុន្តែហាក់ដូចជានៅក្តៅគគុក គឺមានស្ត្រីមេម៉ាយម្នាក់ដែលពេលនេះបានក្លាយជាជនសង្ស័យពាក់ព័ន្ធគ្រឿងញៀន ត្រូវសមត្ថកិច្ចចាប់ឃុំខ្លួនដាក់ពន្ធនាគារព្រៃស ចោលកូនភ្លោះ២នាក់អាយុទើបបាន៨ខែ ទុកឲ្យជីដូនផ្ទុកមេរោកអេដស៍មើលថែយ៉ាងវេទនារកទីបំផុតគ្មាន ។
ប៉ុន្តែពេលនេះត្រូវបានប្រភពព័ត៌មានថា មានលោកមេធាវីចិត្តធម៌ម្នាក់កំពុងជ្រោមជ្រែងរត់ការសុំធានាឲ្យស្ត្រីមេម៉ាយកូនភ្លោះទើបអាយុ៨ខែ ២នាក់នោះបាននៅក្រៅឃុំមើលថែកូនវិញ ។
គួរបញ្ជាក់ថា ស្ត្រីមេម៉ាយឈ្មោះហេង លីលី អាយុ២២ឆ្នាំ ស្នាក់នៅផ្ទះជួល និងមុខរបរមិនពិតប្រាកដ កាលពីថ្ងៃទី១៧ កក្កដា ត្រូវបានកំលាំងសមត្ថកិ់ច្ចកងរាជអាវុធហត្ថឃាត់ខ្លួននៅចំណុចភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ដែលពេលនោះឈ្មោះហេង លីលី ត្រូវបានមនុស្សម្នាក់យកកញ្ចប់១មកហុចឲ្យ ដោយខ្លួនមិនដឹងថា ក្នុងនោះជាគ្រឿងញៀនផង ។
នៅពេលមនុស្សម្នាក់នោះហុចកញ្ចប់មានថ្នាំញៀនឲ្យស្រាប់តែសមត្ថកិច្ចកងរាជអាវុធហត្តទៅដល់ក៏ឃាត់ខ្លួនតែម្តងទៅ និងបានកសាងសំណុំរឿងបញ្ជួនទៅកាន់សាលាដំបូងរាជធានីភ្នំពេញ ទើបមានការឃុំខ្លួនដាក់ពន្ធនាគារចាប៉ពីពេលនោះមក ។ ពិតណាស់សមត្ថកិច្ចធ្វើការឃាត់ខ្លួនជនសង្ស័យមិនខុសទេ គឺជាការបង្ក្រាបបទល្មើស ហើយស្ត្រីមេម៉ាយឈ្មោះហេង លីលី ក៏ស្ថិតក្នុងករណីសង្ស័យដែរ ។
ប៉ុន្តែអ្វីសំខាន់នោះត្រង់ជនសង្ស័យឈ្មោះហេង លីលី មានកូនភ្លោះ២នាក់ អាយុទើប៨ខែ ដែលបន្ទុកនៅលើម្តាយ(ជីដូន)ជាស្ត្រីមេម៉ាយដែរ និងមានផ្ទុកមេរោគអេដស៍ផងនោះកំពុងវេទនារកអាហារឲ្យក្មេងភ្លោះទាំង២កំព្រាម្តាយទទួលទានមិនបាន ។
នៅថ្ងៃទី២២ កក្កដា នេះប្រភពព័ត៌មានបានឲ្យដឹងថា ដោយមើលឃើញទុក្ខវេទនាទារកភ្លោះអាយុ៨ខែ នៅជាមួយជីដូនកើតអេដស៍ខ្វះខាតអាហារ និងការថែបំប៉នពួកគេ ការិយាល័យមេធាវីណាច ទ្រី បានចេញមុខការពារក្តី មិនយកប្រាក់ធ្វើពាក្យសុំធានាឲ្យស្ត្រីមេម៉ាយកូនភ្លោះ២នាក់អាយុ៨ខែបាននៅក្រៅឃុំបណ្តោះអាសន្នដើម្បីចិញ្ចឹមកូនដែលកំពុងរងា ។
ប្រភពបន្តថា ការិយាល័យលោកណាច ទ្រី បានយកពាក្យសុំធានាកូនក្តីនោះដាក់ជួនទៅលោកចៅក្រមស៊ើបសួរតុប ឈុនហេង រួចហើយ តែការសម្រេចយ៉ាងណានោះនៅមិនទាន់ដឹងទេ ។ អ្នកច្បាប់បាននិយាយថា ពិតណាស់ ជនណាម្នាក់បានប្រព្រឹត្តបទល្មើសត្រូវតែទទួលទោសតាមច្បាប់កំណត់នៃស្ថានទោសនីមួយៗ ។
ប៉ុន្តែជាក់ស្តែងដូចស្ត្រីមេម៉ាយម្នាក់នេះមានកូនភ្លោះ២នាក់ អាយុទើប៨ខែ ជាប់ពាក់ព័ន្ធគ្រឿងញៀន ជាប់ពន្ធនាគារគ្រាន់តែជាជនសង្ស័យនៅឡើយទេ ដូច្នោះគួរតែលោកចៅក្រមស៊ើបសួរអនុញ្ញាតឲ្យគេបាននៅក្រៅឃុំដើម្បីមើលថែកូនភ្លោះ២នាក់អាយុ៨ខែនោះវិញ ៕
ចែករំលែកព័តមាននេះ