ខេត្តសៀមរាប ៖ ដោយមើលឃើញអាកាសធាតុក្តៅខ្លាំងជារៀងរាល់ថ្ងៃ អាជ្ញាធរខេត្តក៏ដូចជា លោកឧត្តមសេនីយ៍ទោ ហួត សុធី ស្នងការនគរ បាលខេត្តសៀមរាបចេញរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តចំនួន២គ្រឿង ទៅជួយបាញ់ទឹកលើដំបូលអគារ និងទីធ្លាមុខបរិវេណរបស់សាលាបឋមសិក្សាវត្តបូព៌ ដើម្បីជួយដល់ការសិក្សារៀនសូត្ររបស់ក្មួយៗទាំងអស់គ្នា ។
នេះជាលើកទី១ នៅក្នុងខេត្តសៀមរាប នាថ្ងៃទី៣០ ខែមេសា ឆ្នាំ២០២៤ ស្ថិតនៅពីខាងត្បូងវត្តរាជបូណ៌ ក្នុងភូមិវត្តបូព៌ សង្កាត់សាលាកំរើក ក្រុង/ខេត្តសៀមរាបផងដែរ ។
បើតាមប្រសាសន៍របស់ លោក អន គុណ រ័ត្ន នាយកសាលាបឋមសិក្សាវត្តបូព៌ បានប្រាប់នៅថ្ងៃទី១ ខែឧសភា ឆ្នាំ២០២៤នេះថា ដោយសារតែមួយរយៈកាលក្រោ យវិស្សមកាលតូចមកវិញនេះយើងឃើញថា ស្ថានភាពអាកាសធាតុមិនថានៅទីតាំងសាលាបឋមសិក្សាវត្តបូព៌ យើងនៅក្នុងខេត្តសៀមរាបយើងនេះ ឬនៅតាមតំបន់ណាទេ យើងឃើញថា អាកាសធាតុក្តៅខ្លាំងមែនទែន ។
លោកនាយកបានសម្រេចចិត្តឱ្យលោកគ្រូ អ្នកគ្រូ ប្រែប្រួលម៉ោងសិក្សា ដោយឱ្យកូនសិស្សរៀនព្រឹកត្រឡប់ទៅផ្ទះវិញនៅម៉ោង១០និង៣០ នាទី ហើយរសៀលឱ្យកូនសិស្សចូលរៀននៅម៉ោង១និង៣០នាទី រសៀល យើងមិនថា ម៉ោង១និង៣០នាទីនោះ ថយការត្រជាក់ទេ ប៉ុន្តែគ្រាន់តែថាយើងឱ្យកូនសិស្ស ដើម្បីឱ្យពួកគាត់បានសម្រាកនៅផ្ទះយូរគ្រាន់រយៈពេលនៃការសម្រាករបស់ពួកគាត់ផង ។
បន្ទាប់ពីនោះទៀត ដោយយើងឃើញថា សុខភាពរបស់ពួកគាត់ (សិស្ស)ជាមួយ និងអាកាសធាតុ ព្រោះយើងចាស់ៗផងនៅតែពិបាក នៃការទប់ទល់ ចុះទម្រាំពួកគាត់ក្មេងនៅតូចៗពិតពិបាកទៀតខ្លាំងណាស់ក្នុងការទប់ទល់អាកាសក្តៅនេះ ។
ដោយយើងឃើញមានអគាររបស់យើងមួយចំនួននៅខាងក្រោយមួយខ្នង ជាអគារប្រក់សង្ក័សី តែយើងមានដាក់ពីដានដូចគ្នា គ្រប់អគារទាំងអស់ យើងមានដាក់ពិដានទាំងអស់នៅតែទប់កម្តៅអត់ជាប់ទៀត ។ ហើយតាមបន្ទប់នីមួយៗយើងមានកង្ហាធំៗចំនួន២ និងមានកង្ហាតូច HATARI ដាក់តាមជញ្ជាំងថែម២ក្រោយទៀត ប៉ុន្តែនៅទប់កម្តៅមិនជាប់ទៀតដោយសារសិស្សយើងក្នុងមួយថ្នាក់ មានចំនួនចន្លោះចាប់ពី៥០នាក់ឡើង ទៅ៦០នាក់។
ថ្នាក់ខ្លះជាង៦០នាក់ទៀតផង។ ហើយធ្វើឱ្យពួកគាត់(សិស្ស)ក្តៅ ដល់ពេលក្តៅ ចឹងទៅក៏យើងមានតែគិតវិធីមួយមិនដឹងថា ធ្វើយ៉ាងម៉េចក៏នាំគ្នាបាញ់ទឹក នៅលើទីធ្លា និងបាញ់ទឹកនៅលើដំបូលសាលា ។ ដោយឡែកនៅ ថ្ងៃទី៣០ ខែមេសាឆ្នាំ ២០២៤នេះ លោកនាយកក៏បាន ស្នើទៅលោកស្នងការនគរបាលខេត្តសៀមរាប សុំរថយន្តពន្លត់អគ្គិភ័យ ចំនួន២គ្រឿង ខណៈពេលនោះលោក ស្នងការក៏បានឱ្យកម្លាំងជំនាញចូលរួមចំណែកជួយបាញ់ទឹកនៅទីធ្លាសាលាបឋមសិក្សាត្តបូព៌ ក៏ដូចជា នៅលើដំបូលសាលារៀន ដើម្បីជូនដល់សិស្សានុសិស្ស សាលាបឋមសិក្សាវត្តបូព៌ផងដែរ ។ ហើយការបាញ់ទឹកនេះ ប្រើរថយន្តចំនួន២គ្រឿង ប្រើទឹកអស់ចំនួន៦ឡាន ដែលបានស្រោចទៅលើដំបូលអគារសាលា ក៏ដូចទីធ្លាសាលារបស់យើង ដែលធ្វើឱ្យសិស្សានុសិស្សយើងនេះ ។
ជុំវិញបញ្ហាទាំងអស់នេះ លោកនាយកសាលា សូមអនុញ្ញាតឱ្យលោកឪពុកអ្នកម្តាយមេត្តាដាក់ទឹកឱ្យកូនញាំពីផ្ទះបានក្នុងមួយដបៗអាចជា ដបអ៊ីណុក ឬដបណាដែលអាចលាងច្រកទឹកបានយូរ ។ ចឹងទៅមកដល់សាលារៀនពួគគាត់(សិស្ស)អាចដាក់ទឹកច្រកនៅញាំទៅតាមកន្លែងចម្រុះទឹកនៅសាលារៀនបានហើយ លោកសូមឱ្យលោកឪពុក អ្នកម្តាយព្យាយាម ជម្រុញតាមដានសុខភាពរបស់កូនៗឱ្យបានគ្រប់ៗគ្នាផង ។
លោកនាយកបានបញ្ជាក់ទៀតថា ចំពោះនៅសាលារៀនមុនម៉ោងចូលលោកបានណែនាំដល់លោកគ្រូ អ្នកគ្រូ ដើម្បីឱ្យលោកគ្រូ អ្នកគ្រូ ដាស់តឿន កូនសិស្សទាំងអស់ ពេលចេញសម្រាកកុំឱ្យកូនសិស្សរត់លេងហាលថ្ងៃ ឬនៅទីណា ក្រោមពន្លឺក្តៅខ្លាំង ហើយឱ្យកូនសិស្សទាំងអស់នេះពេលសម្រាកឱ្យកូនសិស្សអង្គុយលេងក្នុងបន្ទប់ ឬមុខបន្ទប់ របស់ពួកគាត់ (សិស្ស) និងនៅតាមក្រោមដើមឈើ ។ ករណីចាំបាច់ បើពួកគាត់ (សិស្ស) ចង់ទៅទិញចំណីអាហារ ឬចង់ទៅបន្ទប់ទឹកពួកគាត់(សិស្ស) អាចចេញទៅបានប្រញាប់ប្រញាល់ សូមឱ្យឪពុកអ្នកម្តាយមេត្តារកអីទទូរលើក្បាលឱ្យពួកគាត់(សិស្ស)ផង ។
ចឹងលោកនាយកសាលាសូមផ្តាំផ្ញើដល់ លោកឪពុក អ្នកម្តាយមេត្តាតាមដានសុខភាពរបស់កូនៗផង ព្រោះអាកាសធាតុក្តៅខ្លាំងហើយធ្វើឱ្យពួកគាត់(សិស្ស)មានបញ្ហាកាលណាមានបញ្ហាទៅ អ្វីដែលលំបាក គឺយើងខាតបង់ទាំងថវិកា និងខាតបង់ទាំងពេលវេលាផងដែរ ៕
ចែករំលែកព័តមាននេះ