ទីក្រុងហាណូយ ៖ សត្វគោ ក្របី និងពពែជាង ៦០០ក្បាល របស់អ្នកស្រុកភ្នំនៅភាគខាងជើងនៃប្រទេសវៀតណាម បានងាប់ជាបន្តាប់បន្ទាប់ដោយសារអាកាសធាតុចុះត្រជាក់ខ្លាំងភ្លាមៗ ។ ហើយចំនួននេះ អាចកើនឡើងថែមទៀត ដោយសារតែសីតុណ្ហភាពទាបនៅតំបន់ខ្ពង់រាប នៅមានពី៤ ទៅ៧អង្សាសេ ។
លោក ហូ វ៉ាង អនុប្រធានមន្ទីរកសិកម្ម និងអភិវឌ្ឍន៍ជនបទ បានមានប្រសាសន៍ថា ប្រជាជនបានការពារខ្លួនពីជំងឺផ្តាសាយពេលចុះត្រជាក់ខ្លាំង ប៉ុន្តែសម្រាប់សត្វចិញ្ចឹម រួមមាន គោក្របីនិងពពែ មិនបានការពារពួកវាពីអាកាសធាតុចុះត្រជាក់ខ្លាំងភ្លាមៗទេ បណ្ដាលអោយស្លាប់លើសពី ៤៦១ក្បាល ។
មន្ត្រីកសិកម្ម ណែនាំឲ្យប្រជាជនត្រៀមស្បៀងសម្រាប់ចិញ្ចឹមសត្វនៅរដូវវស្សា ពេលចុះត្រជាក់ខ្លាំង ដោយលោក វ៉ាង ពន្យល់ថា បើប្រៀបធៀបទៅនឹងទីក្រុង សីតុណ្ហភាពនៅតំបន់ខ្ពង់រាប ក្នុងប៉ុន្មានថ្ងៃថ្មីៗនេះ គឺចុះទាបជាងធម្មតា មុនពេលមានភ្លៀង និងព្រិលធ្លាក់ ប្រជាជនបានដឹកសត្វគោក្របីនិងពពែ ពីព្រៃ មកក្រោល ។ ទោះយ៉ាងណា អាកាសធាតុចុះត្រជាក់យូរ រួមផ្សំនឹងកង្វះស្បៀងអាហារ ដែលជាខែលងាយៗរបស់សត្វ ធ្វើអោយក្របីគោនិងពពែងាប់អស់ជាច្រើនក្បាល ។
លោកវ៉ាង បានបន្តថា មិនត្រឹមតែសម្លាប់គោក្របីទេ អាកាសធាតុត្រជាក់រហូតដល់ធ្លាក់ទឹកកកនេះ បានជះឥទ្ធិពលដល់ដំណាំស្រូវ ក្នុងខេត្តទាំងមូលផងដែរ ។ តាមគំរោង ប្រជាជននឹងសាបព្រួសស្រូវ ចំនួន ២៨,០០០ហិកតា ប៉ុន្តែរហូតមកដល់ពេលនេះ មានតែ ២,០០០ហិកតាទេ វាលស្រែជាច្រើននៅតាមមូលដ្ឋាន នៅតែបានគ្របដណ្តប់ដោយព្រិលទឹកកកនៅឡើយ ។
លោក ហូ វ៉ាង បានបន្ថែមថា មន្ត្រីមូលដ្ឋានបានគាំទ្រដល់ប្រជាជននូវចំណីសត្វ ១០តោន ដើម្បីរក្សាក្របី គោ និងពពែ ដែលនៅសេសសល់ ក្នុងរដូវវស្សានេះ ។ នៅថ្ងៃទី១២ ខែមករា មន្ត្រីកសិកម្មបានចុះទៅឃុំ ដើម្បីណែនាំប្រជាជនត្រូវរក្សាគោក្របីអោយនៅកន្លែងក្តៅ ដោយពង្រឹងចំណីក្នុងជង្រុកជាបន្ត និងមានកំដៅភ្លើងនៅតាមក្រោល ។
គួរជម្រាបថា ភាគខាងជើងវៀតណាម ចុះត្រជាក់ធ្លាក់ទឹកកក អាជ្ញាធរណែនាំប្រជាជនកុំឲ្យទៅមើលព្រិល ៕
ចែករំលែកព័តមាននេះ