បណ្តាស្ត្រីជាច្រើនដែលរកឃើញឱកាសនៅក្នុងការបញ្ឆេះអារម្មណ៍នៃជីវិតផ្លូវភេទរបស់ខ្លួនឲ្យកាន់តែប្រសើរ នាងអាចនឹងត្រូវការចំណាយពេលវេលាច្រើនដើម្បីសម្រាកកាយនៅលើគ្រែពោលគឺទទួលទានដំណេកឲ្យបានគ្រប់គ្រាន់ ។
បណ្តាស្ត្រីជាច្រើនដែលរកឃើញឱកាសនៅក្នុងការបញ្ឆេះអារម្មណ៍នៃជីវិតផ្លូវភេទរបស់ខ្លួនឲ្យកាន់តែប្រសើរ នាងអាចនឹងត្រូវការចំណាយពេលវេលាច្រើនដើម្បីសម្រាកកាយនៅលើគ្រែពោលគឺទទួលទានដំណេកឲ្យបានគ្រប់គ្រាន់ ។
ផ្អែកតាមសេចក្តីសន្និដ្ឋាននៃការស្រាវជ្រាវថ្មីមួយបានស្នើឲ្យលោកអ្នកបន្ថែមម៉ោងគេង១៤%នោះនឹងអាចឲ្យស្ត្រីមានតម្រេកផ្លូវភេទជាមួយដៃគូរបស់គាត់នៅថ្ងៃបន្ទាប់កាន់តែទេ្វដង ។ អ្នកស្រាវជ្រាវអំពីករណីដំណេកមកពីសាកលវិទ្យាល័យ Michigan លោក David Kalmbach បានលើកឡើងថា ការទទួលទានដំណេកគ្រប់គ្រាន់គឺជារឿងសំខាន់មួយសម្រាប់តម្រេកផ្លូវភេទ និងធ្វើឲ្យស្ត្រីរំភើបរំជួលអារម្មណ៍ទៀតផងបើទោះជាគាត់ជាស្ត្រីមានវិបលា្លសស្មារតីក៏ដោយ ។
លោក Kalmbach និងសហសេវិកមួយចំនួនបានវាយតម្លៃលើស្ត្រី១៧១នាក់មកពីគ្រប់វ័យ កំណត់ទៅលើដំណេកប្រចាំថ្ងៃរបស់ពួកគេដែលមានរយៈពេល១៤ថ្ងៃជាប់ៗគ្នា និងគួបផ្សំទាំងការឃ្លាំមើលទៅលើទិន្នន័យសកម្មភាពផ្លូវភេទរបស់ពួកគេ ។ ក្រោយមកទើបមានតួលេខបញ្ជាក់ថា ការទទួលទានដំណេកបានគ្រប់គ្រាន់ត្រូវបានភ្ជាប់ទំនាក់ទំនងនឹងតម្រេកតណ្ហាប្រសើរជាងមុន ពោលគឺគេងឆ្អែតថ្ងៃនេះអំណោយផលដល់សុខភាពផ្លូវភេទនៅថ្ងៃស្អែកយ៉ាងពិតប្រាកដ ។ ជាមួយគ្នានោះ ស្ត្រីដែលបានគេងគ្រប់គ្រាន់ ឬច្រើនជាងសព្វមួយដងនាងមានអាម្មណ៍ស្រស់ស្រាយរំភើបចិត្ត និងមានអារម្មណ៍ចំណង់នៅលើប្រដាប់ភេទរបស់គាត់ខុសពីធម្មតា ។ នេះបើតាមរបាយការណ៍ដែលបង្ហាញជាមធ្យមស្ត្រីទទួលទានដំណេកចំនួន៧ម៉ោងនិង២២នាទី ។
ជាងនេះទៅទៀតលោក Kalmbach បានឲ្យដឹងថា តាមការសិក្សាផ្សេងក្រៅពីនេះបានផ្តល់សេចក្តីណែនាំថា ការគេងបានតិច ឬរយៈពេលខ្លីនិងគេងមិនសូវលក់នាំឲ្យស្ត្រីចុះខ្សោយចំណង់ផ្លូវភេទ ៕
ចែករំលែកព័តមាននេះ