គ្រូបង្វឹកឆ្នើមម្នាក់បដិសេធមិនទទួលមេដាយថ្នាក់កំពូលពីលោក ដូណាល់ ត្រាំ
សហរដ្ឋអាមេរិក ៖ លោក Bill Belichick គ្រូបង្វឹកក្រុម New England Patriots នៅក្របខណ្ឌបាល់ឱបជាតិអាមេរិក…
សហរដ្ឋអាមេរិក ៖ លោក Bill Belichick គ្រូបង្វឹកក្រុម New England Patriots នៅក្របខណ្ឌបាល់ឱបជាតិអាមេរិក…
សហរដ្ឋអាមេរិក ៖ លោក Bill Belichick គ្រូបង្វឹកក្រុម New England Patriots នៅក្របខណ្ឌបាល់ឱបជាតិអាមេរិក NFL បាននិយាយថា គាត់នឹងមិនទទួលយកការផ្តល់មេដាយថ្នាក់កំពូលរបស់សហរដ្ឋអាមេរិកពីសំណាក់ប្រធានាធិបតីលោក ដូណាល់ ត្រាំ ឡើយ ក្រោយកើតមានកុបកម្មនៅវិមានសភាកាពីតូលកាលពីពេលថ្មីៗកន្លងទៅ។
លោក Belichick វ័យ៦៨ឆ្នាំ ដែលធ្លាប់មានទំនាក់ទំនងល្អជាមួយលោកត្រាំ បានលើកឡើងថា គាត់មានការភ្ញាក់ផ្អើលពេលដឹងថា ត្រូវទទួលមេដាយសេរីភាពថ្នាក់កំពូល ដែលផ្តល់ដល់ជនស៊ីវិលឆ្នើម និងមានប្រជាប្រិយភាពបំផុតនៅសហរដ្ឋអាមេរិក។
យ៉ាងណាមិញ លោកបានសម្រេចផ្លាស់ប្តូរគំនិតដើម្បីមិនទទួលយកមេដាយមួយនេះ ក្រោយពេលដែលក្រុមអ្នកគាំទ្រលោកត្រាំ បានចូលទៅអុកឡុកក្នុងវិមានកាពីតូលកាលពីសប្តាហ៍មុនដោយបានឆក់យកអាយុជីវិតមនុស្សចំនួន៥នាក់ និងអ្នករងរបួសជាច្រើននាក់ផ្សេងទៀត ក្នុងហេតុការណ៍នោះ។
ជម្រាបជូនថា លោក Bill Belichick ធ្លាប់បានឈ្នះពានរង្វាន់ Super Bowl ចំនួន ៦ដងដែលជាចំនួនកំណត់ត្រា ហើយលោកក៏ត្រូវបានគេចាត់ថា ទុកជាគ្រូបង្វឹកម្នាក់ក្នុងចំណោមគ្រូបង្វឹកដ៏ជោគជ័យបំផុតក្នុងប្រវត្តិសាស្ត្រ NFL៕ (ដកស្រង់ចេញពី BBC)
ចែករំលែកព័តមាននេះ