ខេត្តព្រះសីហនុ ៖ នៅថ្ងៃទី១៧ កក្កដា ២០១៥ សមាជិកសហភាពសហព័ន្ធយុវជនកម្ពុជា (សសយកក) ស្រុកព្រៃនប់ បាននាំយកប្រាក់មូលនិធិរបស់(សសយក) ស្រុក
ខេត្តព្រះសីហនុ ៖ នៅថ្ងៃទី១៧ កក្កដា ២០១៥ សមាជិកសហភាពសហព័ន្ធយុវជនកម្ពុជា (សសយកក) ស្រុកព្រៃនប់ បាននាំយកប្រាក់មូលនិធិរបស់(សសយក) ស្រុក និងប្រាក់បានមកពីការជួយឧបត្ថម្ភពីសប្បុរសជនមួយចំនួនទៅចែកជូនដល់ក្រុមគ្រួសារសពសលោកមេភូមិថ្មធំ ឃុំរាម និងជូនដល់លោកយាយទុរគត គ្មានទីពឹង និងមានជំងឺមហារីកសុដន់ នៅក្នុងភូមិវាលធំ ឃុំវាលរេញ ស្រុកព្រៃនប់ ។
លោក ពិន ភាង ជាមេភូមិថ្មធំ ឃុំរាម ស្រុកព្រៃនប់ លោកបានទទួលមរណភាពដោយជំងឺខ្វះឈាម ដោយមើលឃើញពីគុណបំណាច់លោកមេភូមិដែលបានយកចិត្តទុកដាក់ដល់ពលរដ្ឋនៅក្នុងមូលដ្ឋាន ទើបសមាជិកសហភាពសហព័ន្ធយុវជនកម្ពុជាស្រុកព្រៃនប់បានទៅចូលរួមមរណទុក្ខ និងចូលជាបច្ច័យ២០ម៉ឺនរៀលដល់គ្រួសារសព ។
នៅក្នុងថ្ងៃនោះផងដែរ សមាជិកសហភាពសហព័ន្ធយុវជនកម្ពុជាស្រុកព្រៃនប់ បានយកថវិកានិងសម្ភារមួយចំនួនដែលបានមកពីសប្បុរសជនជូនដល់លោកយាយឈ្មោះ គង់ រ៉ាវ អាយុ៦៨ឆ្នាំ ជាស្ត្រីគ្មានទីពឹង (គ្មានផ្ទះ គ្មានកូនចៅ) និងមានជំងឺមហារីកដោះ រស់នៅភូមិវាលធំ ឃុំវាលរេញ ស្រុកព្រៃនប់ ។
សប្បុរសជនដែលបានចូល រួមមាន សមាជិកសហភាពសហព័ន្ធយុវជនកម្ពុជាស្រុក លោក ឡាវ ម៉េងឈាង ប្រាក់២០ម៉ឺនរៀល លោក អ៊ុក សាវឿន ប្រាក់១២ម៉ឺនរៀល លោកស្រីឧកញ៉ា ខូវ ប៉ោស៊ាង ប្រាក់២០០ដុល្លារ លោកឧកញ៉ា ទៀ វិចិត្រ ១លានរៀល ព្រមទាំងគ្រឿងឧបភោគបរិភោគមួយចំនួនទៀត ៕
ចែករំលែកព័តមាននេះ