ខេត្តឧត្តរមានជ័យ ៖ រថយន្តយក្សរបស់ថៃ បើកបរចូលតាមច្រកទ្វារអន្តរជាតិជាំ ច្រកទ្វារអន្តរជាតិអូរស្មាច់ និងច្រកទ្វារតំបន់ជប់គគី តែងតែដឹកដំឡូងមីពីប្រទេសកម្ពុជាចូលទៅប្រទេសថៃ ត្រូវបានកម្លាំងប៉ូលិសអន្តោប្រវេសខេត្តសហការនឹងប៉ូលិសច្រកទ្វារ និងកម្លាំងអធិការដ្ឋាន មិនឱ្យស្នាក់នៅសម្រាកក្នុងប្រទេសកម្ពុជាឡើយ…
ខេត្តឧត្តរមានជ័យ ៖ រថយន្តយក្សរបស់ថៃ បើកបរចូលតាមច្រកទ្វារអន្តរជាតិជាំ ច្រកទ្វារអន្តរជាតិអូរស្មាច់ និងច្រកទ្វារតំបន់ជប់គគី តែងតែដឹកដំឡូងមីពីប្រទេសកម្ពុជាចូលទៅប្រទេសថៃ ត្រូវបានកម្លាំងប៉ូលិសអន្តោប្រវេសខេត្តសហការនឹងប៉ូលិសច្រកទ្វារ និងកម្លាំងអធិការដ្ឋាន មិនឱ្យស្នាក់នៅសម្រាកក្នុងប្រទេសកម្ពុជាឡើយ គោលការណ៍គឺដើម្បីទប់ស្កាត់ជំងឺមេរោគរាតត្បាត COVID-19 វិធានការណ៍នេះចាប់ពីថ្ងៃទី២១ ខែធ្នូ ឆ្នាំ២០២០ រហូតមកទល់ថ្ងៃទី៥ មករា ឆ្នាំ២០២១។
លោកវរសេនីយ៍ត្រី ឡុង សាគន្ធ ស្នងការដ្ឋាននគរបាលខេត្តឧត្តរមានជ័យ ទទួលផែនការងារអន្តោប្រវេសន៍ បានធ្វើបទសម្ភាសន៍ជាមួយអ្នកយកព័ត៌មានកោះសន្តិភាព កាលពីល្ងាចថ្ងៃទី៥ ខែមករា ឆ្នាំ២០២១ថ្លែងថា យោងតាមបទបញ្ជាពីអគ្គនាយកដ្ឋានអន្តោប្រវេសន៍ និងបទបញ្ជាពីស្នងការដ្ឋាននគរបាលខេត្ត លោកក៏បានដឹកនាំកម្លាំងប៉ូលិសជំនាញ កម្លាំងអធិការដ្ឋានស្រុក អធិការក្រុងសំរោង អធិការស្រុកបន្ទាយអម្ពឹល អធិការស្រុកអន្លង់វែងនិងកម្លាំងប៉ូលិសអន្តោប្រវេសន៍ច្រកទ្វារអន្តរជាតិទប់ស្កាត់រថយន្តយក្សថៃដឹកដំឡូងមី មិនឱ្យបើកបរចូលមកសម្រាកតាមស្តង់ដំឡូងនៅពេលយប់ ក្នុងប្រទេសកម្ពុជាដូចមុនៗទេ។
លោកឧត្តរមសេនីយ៍ត្រី បានមានប្រសាសន៍បញ្ជាក់ថា កន្លងទៅ ក្រោយពីការផ្ទុះមេរោគរាតត្បាត COVID-19 នៅឯខេត្តសាមុទ្រសាខន ប្រទេសថៃ ដោយរថយន្តថៃទាំងនេះ តែងតែបើកបរចូលមកសម្រាកនៅតាមស្តង់ដំឡូងមីក្នុងខេត្តជាច្រើនគ្រឿង ខណៈនេះតៃកុងនិងព្រូរថយន្តបានដើរផឹកស៊ី និងដើរចូលតាមទីផ្សារនានាផងដែរ។ បន្ទាប់ពីមានការផ្ទុះមេរោគរាតត្បាត COVID-19 នៅប្រទេសថៃជាច្រើន ទើបអាជ្ញាធរយើងមានវិធានការ និងដាក់បទបញ្ជាអគ្គនាយកដ្ឋានអន្តោប្រវេសន៍ លោកស្នងការដ្ឋាននគបាលខេត្តបានចង្អុលបង្ហាញឱ្យលោកដឹងនាំកម្លាំងចុះធ្វើការទប់ស្កាត់ចាប់តាំងពីថ្ងៃទី២១ ធ្នូ ២០២០ រហូតមកទល់នឹងថ្ងៃទី៥ ខែមករា ២០២១នេះ។
ឧត្តមសេនីយ៍មានប្រសាសន៍បន្តថា ក្នុងរថយន្តថៃ មានតៃកុង និងព្រូ នៅពេលបើកចូលក្រុមគ្រូពេទ្យគ្រាន់តែពិនិត្យកំដៅប៉ុណ្ណោះ ប៉ុន្តែតែរោគសញ្ញាមេរោគ COVID-19 មិនទាន់ច្បាស់លាស់នៅឡើយទេ ។ ខណៈនេះបើមានផ្ទុះ នឹងអាចឆ្លងដល់ពលរដ្ឋខ្មែរជាបន្តបន្ទាប់នៅក្នុងសហគមន៍ ជាក់ស្តែងរថយន្តថៃជាច្រើនគ្រឿងកម្លាំងសមត្ថកិច្ចបានឃាត់ឱ្យនៅសម្រាកមាត់ច្រកទ្វារ និងមួយករណីផ្សេងទៀត កម្លាំងបានឃាត់ខ្លួនប្រជាពលរដ្ឋថៃ២នាក់ មានប្រពន្ធកម្ពុជា ដែលលួចឆ្លងដែន និងពលរដ្ឋខ្មែរ៣នាក់បានប្តីថៃ និងម្នាក់ទៀតជាអ្នកមើលផ្លូវ ព្រមទាំងផ្តល់ទីកន្លែងស្នាក់នៅ ខណៈពេលនេះបុរសជាប្តី ក៏បញ្ជូនទៅប្រទេសខ្លួនវិញ ឯស្ត្រីជាប្រពន្ធនាំខ្លួនធ្វើចត្តាឡីស័កហើយ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ