រាជធានីភ្នំពេញ ៖ កម្មករជាងដែក និងសំណង់ម្នាក់ ត្រូវសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ ឃាត់ខ្លួនតាមបណ្តឹងរបស់ឪពុកកុមារីរងគ្រោះដែលបានចោទថា បានពង្រត់កូនស្រីរបស់ ខ្លួនយកទៅរំលោភសេពសន្ថវៈ ។ តាមការចោទបញ្ជាក់ថា ជននេះបានរំលោភ១យប់៦ដង ។ ជនត្រូវចោទមានឈ្មោះអ៊ឹម សុវណ្ណ ភេទប្រុស អាយុ៣១ឆ្នាំ មានអាសយដ្ឋានស្នាក់នៅប្លុកបុរីសន្តិភាព២ សង្កាត់ចោមចៅ
រាជធានីភ្នំពេញ ៖ កម្មករជាងដែក និងសំណង់ម្នាក់ ត្រូវសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ ឃាត់ខ្លួនតាមបណ្តឹងរបស់ឪពុកកុមារីរងគ្រោះដែលបានចោទថា បានពង្រត់កូនស្រីរបស់ ខ្លួនយកទៅរំលោភសេពសន្ថវៈ ។ តាមការចោទបញ្ជាក់ថា ជននេះបានរំលោភ១យប់៦ដង ។ ជនត្រូវចោទមានឈ្មោះអ៊ឹម សុវណ្ណ ភេទប្រុស អាយុ៣១ឆ្នាំ មានអាសយដ្ឋានស្នាក់នៅប្លុកបុរីសន្តិភាព២ សង្កាត់ចោមចៅ ខណ្ឌដង្កោ រាជធានីភ្នំពេញ ប៉ុន្តែគេបានទៅធ្វើជាជាងដែក និងសំណង់នៅក្រុងព្រះសីហនុ ។
លោកវរសេនីយ៍ត្រីកែវ ធា បានឱ្យដឹងថា ការឃាត់ខ្លួនកម្មកររូបនេះបានធ្វើឡើងនៅថ្ងៃទី៧ កញ្ញា ដោយការិយាល័យប្រឆាំងការជួញដូរ មនុស្ស និងការពារអនីតិជនរបស់លោក ពេលបានទទួលបណ្តឹងពីឈ្មោះស៊ន សុវណ្ណ ភេទប្រុស អាយុ៣៩ឆ្នាំ ជាឪពុកកុមារីរងគ្រោះចាប់ប្រគល់ឱ្យ និងបាននាំក្មេងរងគ្រោះមកជាមួយផង ។ ដើមបណ្តឹងឈ្មោះស៊ន សុវណ្ណ បានរៀបរាប់ប្រាប់សមត្ថកិច្ចឱ្យដឹងថា កាលពីវេលាម៉ោង៥និង៣០នាទីល្ងាចថ្ងៃទី៦ កញ្ញា កូនស្រីរបស់គាត់ អាយុ១៣ឆ្នាំ បានចេញពីរៀនសាលាឯកជនមួយនៅក្បែរផ្ទះ ស្រាប់តែបាត់ដំណឹងឈឹងមិនដឹងទៅណាខុសពីទំលាប់រាល់ថ្ងៃ ។ ពេលបាត់កូនស្រីយ៉ាងដូច្នេះ ក្នុងនាមជាអ្នកអាណាព្យាបាលបានស្វះស្វែងរកកូនគ្រប់ច្រកល្ហក និងសួរនាំអ្នកជិតខាងក៏គ្មានព័ត៌មានដែរ ។ ក្រោយពីបាត់កូនគាត់បានយករូបថតជាច្រើនសន្លឹកទៅដាក់ប្តឹងគ្រប់ស្ថាប័នមានសមត្ថកិច្ចនៅក្រុងព្រះសីហនុ ។
លុះដល់ថ្ងៃទី៧ កញ្ញា គាត់ជាឪពុកបានទទួលទូរស័ព្ទកូនតែពីរបីម៉ាត់ ស្រាប់តែសំលេងទូរស័ព្ទនោះដាច់ទៅ ដែលជាទូរស័ព្ទសាធារណៈ ។ ក្រោយពេលស្តាប់ឮសំលេងកូន គាត់ជាឪពុកត្រេកអរណាស់ ប៉ុន្តែការសន្ទនាមិនបានច្រើន និងមិនបានដឹងអ្វីទាំងអស់ដឹងត្រឹមតែថា នៅភ្នំពេញ ។ បន្ទាប់ពីទូរស័ព្ទនោះដាច់ប្រព័ន្ធទៅ គាត់ជាឪពុកបានព្យាយាមទូរស័ព្ទចូល រហូតម្ចាស់ទូរស័ព្ទសាធារណៈគេលើកទទួលដោយបានប្រាប់ថា នៅម្តុំស្ទឹងមានជ័យ រាជធានីភ្នំពេញ ។ គ្រាន់តែបានដឹងទីតាំងទូរស័ព្ទសាធារណៈភ្លាម គាត់បានជិះរថយន្តតាក់ស៊ីមកភ្នំពេញ និងបានសំដៅទៅកន្លែងទូរស័ព្ទសាធារណៈដែលកូនស្រីបានជួលនិយាយទាក់ទងគាត់ ពេលនោះគេប្រាប់ថា ក្មេងស្រីដែលនិយាយតាមទូរស័ព្ទនោះគឺមានមនុស្សប្រុសម្នាក់ជូនមកជាមួយ ហើយមនុស្សប្រុសនោះមានផ្ទះនៅម្តុំនោះដែរ ។
តាមបណ្តឹងបានឱ្យសមត្ថកិច្ចដឹងទៀតថា ពេលកំពុងតែសួរនោះ ស្រាប់តែឃើញប្អូនប្រុសរបស់ជនសង្ស័យមកកាន់កន្លែងទូរស័ព្ទសាធារណៈនោះដែរ ពេលនោះអ្នកជិតខាងបានប្រាប់ថា នេះជាប្អូនឈ្មោះអ៊ឹម សុវណ្ណ ។ ពេលបានជួបប្អូនជនល្មើសយ៉ាងដូច្នេះ ឪពុកកុមារីក៏សួរនាំរកបង និងកូនស្រីគាត់ តែត្រូវបុរសជាប្អូនប្រាប់ថា ទាំងពីរនាក់បានចេញពីផ្ទះបាត់ទៅហើយ មិនដឹងទៅណាទេ ។ ឮសំដីនិយាយបែបនេះ លោកស៊ុន សុវណ្ណ ជាឪពុកកុមារីមានការព្រួយបារម្ភ ដោយមិនដឹងទៅរកឯណាទៀត ព្រោះភ្នំពេញធំពេក ។ ល្ងាចណាស់ទៅហើយ គាត់បានជួលម៉ូតូឌុបជិះទៅអង្គុយមាត់ទន្លេមុខព្រះបរមរាជវាំង ដើម្បីរង់ចាំដំណឹងកូន ក្រែងមានការទាក់ទងមកទៀត ។ ជាសំណាងល្អ ស្រាប់តែឃើញឈ្មោះអ៊ឹម សុវណ្ណ ជាជនសង្ស័យដឹកដៃកូនស្រីគាត់ដើរកំសាន្តយកខ្យល់អាកាសនៅមាត់ទន្លេដែរ ពេលនោះគាត់បានស្ទុះទៅក្របួចជនល្មើស និងកូនស្រីគាត់នាំទៅកាន់ការិយាល័យនគរបាលប្រឆាំងការជួញដូរមនុស្ស និងការពារអនីតិជន និងបានដាក់ពាក្យប្តឹងតាមផ្លូវច្បាប់ ដោយចោទប្រកាន់ឈ្មោះអុឹម សុវណ្ណ ថា បានពង្រត់កូនស្រីគាត់ចេញពីផ្ទះ និងរំលោភសេពសន្ថវៈ ។
នៅចំពោះមុខសមត្ថកិច្ច កុមារីរងគ្រោះបានរៀបរាប់ថា មុនពេលចេញពីសាលារៀន ឈ្មោះអ៊ឹម សុវណ្ណ បានទូរស័ព្ទទាក់ទងនាងឱ្យចេញមកជួបនៅក្បែរមន្ទីរកសិកម្ម ពេលនោះខ្លួនបានទៅជួប ហើយត្រូវបានលួងលោមថា នាំទៅជួបមិត្តភក្តិឱ្យលុយចាយ ។ ពេលឈ្មោះនេះនាំទៅនោះគឺជិះម៉ូតូឌុបទៅកាន់ម្តុំតោ២ និងបានជួបមិត្តភក្តិគេមែន ប៉ុន្តែមិត្តភក្តិនោះគេមិនបានឱ្យលុយទេ គឺបានឱ្យទូរស័ព្ទដៃ១គ្រឿងទៅឈ្មោះអ៊ឹម សុវណ្ណ ។ នៅម៉ោងប្រមាណជាង៧យប់ថ្ងៃទី៦ កញ្ញា នោះ អ៊ឹម សុវណ្ណ បានបោកបញ្ឆោតនាងនាំទៅជិះរថយន្តតាក់ស៊ីមកទីក្រុងភ្នំពេញ ដោយខ្លួនជាមនុស្សឆោតល្ងង់ក៏ចេះតែទៅតាមរហូតដល់ភ្នំពេញយប់ជ្រៅ ឈ្មោះអ៊ឹម សុវណ្ណ ក៏បាននាំទៅដេកផ្ទះមួយ រួចបានរំលោភនាង៦ដងក្នុង១យប់ បានសំរេចខ្លះ មិនបានសំរេចខ្លះ ។ មិនសំរេចដោយសារតែនាងមិនយល់ព្រម និងចេះតែយំអង្វរ ព្រោះតែឈឺចុកចាប់ ។
ជនជាប់ចោទឈ្មោះអ៊ឹម សុវណ្ណ បានសារភាពនៅចំពោះមុខសមត្ថកិច្ចថា ខ្លួនគ្មានបំណងអាក្រក់លើនាងទេ គឺស្រលាញ់គ្នាចង់បានធ្វើជាប្តីប្រពន្ធ ប៉ុន្តែការស្រលាញ់នោះពិតជាជ្រុលជ្រួសហួសព្រំដែនមែន ។ បានជាអះអាងយ៉ាងដូច្នេះ ព្រោះគេក៏ពុំទាន់មានប្រពន្ធ ទោះបីមានវ័យចាស់បន្តិច ឯនាងនៅជាអនីតិជន ។ លោកវរសេនីយ៍ត្រីកែវ ធា ប្រធានការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ បានឱ្យដឹងថា ទោះបីជាអ្នកទាំង២អះអាងថា ស្រលាញ់គ្នាធ្វើជាប្តីប្រពន្ធក៏ដោយ ក៏នេះជាអំពើខុសច្បាប់ ពីព្រោះកុមារីដែលជាជនរងគ្រោះមានអាយុនៅក្រោម១៨ឆ្នាំ ដែលចាត់ទុកថា ជាអនីតិជន ដូច្នេះច្បាប់មិនបានតំរូវឱ្យមនុស្សនៅជាអនីតិជនមានសិទ្ធិយកគ្នាធ្វើជាប្តីប្រពន្ធនោះបានឡើយ ។ ករណីខាងលើនេះ លោកបានទទួលបទបញ្ជាពីលោកសុខ ខេមរិន ស្នងការរងទទួលបន្ទុកប្រធានការិយាល័យនគរបាលប្រឆាំងបទល្មើស និងលោកឧត្តមសេនីយ៍ត្រីទូច ណារ៉ុថ ស្នងការនគរបាលរាជធានីភ្នំពេញ ឱ្យកសាងសំណុំរឿងបញ្ជូនជនជាប់សង្ស័យទៅតុលាការ រីឯកុមារីរងគ្រោះ នឹងត្រូវបានប្រគល់ទៅឱ្យឪពុកដែលជាអាណាព្យាបាលវិញ ៕
ចែករំលែកព័តមាននេះ