ខេត្តបន្ទាយមានជ័យ ៖ ផ្សាម៉ាឡៃគឺជាផ្សារដែលបានកសាងឡើងដោយលោក អៀង សារី អតីតមេខ្មែរក្រហម ហើយផ្សានេះកំពុងមានភាពចម្រូងចម្រាស់ជាមួយអ្នកដាក់ហ៊ុន ព្រោះតែរឿងរ៉ាវចំណូលចំណាយមិនប្រក្រតី ។
ខេត្តបន្ទាយមានជ័យ ៖ ផ្សាម៉ាឡៃគឺជាផ្សារដែលបានកសាងឡើងដោយលោក អៀង សារី អតីតមេខ្មែរក្រហម ហើយផ្សានេះកំពុងមានភាពចម្រូងចម្រាស់ជាមួយអ្នកដាក់ហ៊ុន ព្រោះតែរឿងរ៉ាវចំណូលចំណាយមិនប្រក្រតី ។
លោកតា ស៊ីម អ្នកគ្រប់គ្រងផ្សាម៉ាឡៃ បានប្រាប់ថា ផ្សាម៉ាឡៃត្រូវបានផ្តួចផ្តើម និងជំហរដោយលោក អៀង សារី អតីតរដ្ឋមន្ត្រីក្រសួងការបរទេសនារបបប៉ុល ពត នៅឆ្នាំ១៩៩២ ហើយផ្សារនេះមានចំនួន៣០.២៧៣ហ៊ុន ដែលមានសមាជិកចំនួន១២០នាក់មកពីតំបន់សំពៅលូន កំរៀង ប៉ៃលិន និងម៉ាឡៃ ។ ការកសាងផ្សារម៉ាឡៃដំបូងមានអាគារ២ខ្នង អាគារធំ១ខ្នង បណ្តោយ២៤ម៉ែត្រ និងទទឹង៨ម៉ែត្រ និងអាគារតូច១ខ្នងបណ្តោយ១២ម៉ែត្រ ។
លោកតា ស៊ីម បានបន្តថា ការកសាងផ្សារម៉ាឡៃ ដែលផ្តួចផ្តើមដោយលោកអៀង សារី នៅសម័យសង្គ្រាមរវាងទ័ពខ្មែរក្រហម និងទ័ពរាជរដ្ឋាភិបាលនាសម័យនោះគឺបានលុយពីការជួលតូបឱ្យអាជីវករ ដើម្បីយកលុយនេះទៅជួយកម្លាំងសមភូមិមុខការពារតំបន់ម៉ាឡៃ ។
ក្រោយពេលលោកអៀង សារី ទទួលមរណភាពនៅថ្ងៃទី១៤ មីនា ២០១៣ ដែលយកមកបូជានៅថ្ងៃទី២១ មីនា ២០១៣ រួចហើយផ្សារម៉ាឡៃត្រូវបានប្រគល់ជូនលោកអៀង វុធ ជាកូនប្រុស និងប្រគល់ឱ្យលោកជាអ្នកគ្រប់គ្រងបន្ត រហូតដល់ឆ្នាំ២០១៤ផ្សារម៉ាឡៃត្រូវបានជួសជុលកសាងបន្ត មានអាគារ១ខ្នង បណ្តោយ៣៦ម៉ែត្រ ទទឹង៨ម៉ែត្រ ដែលដកថវិកា១១ភាគរយក្នុង១ខែសម្រាប់កសាង ។
លោកតា ស៊ីម បានបន្តថា ក្រោយពេលកសាងបន្ថែមរហូតពេលនេះមានផ្ទះល្វែងបណ្តោយ៤០ម៉ែត្រ និងទទឹង៨ម៉ែត្រ មានចំនួន៥៤ល្វែង និងតូប២ម៉ែត្រគុណ២ម៉ែត្រ ចំនួន៦៤តូប ។ ហើយរឿងរ៉ាវដែលថាមានអ្នកហ៊ុនតវ៉ានោះ ក្នុងចំណោម១២០នាក់គឺមានតែបុគ្គលម្នាក់ដែលតវ៉ា ព្រោះតែការកសាងបាត់បង់ប្រយោជន៍គេ ចំណែកអ្នកដទៃដូចជាគ្មានទេ ព្រោះគេគិតថាត្រឹមត្រូវ ។
ម្ចាស់ហ៊ុនម្នាក់ដែលមិនហ៊ានប្រាប់ឈ្មោះបានឱ្យដឹងថា ចំពោះការរិះគន់ទៅលើអ្នកគ្រប់គ្រងផ្សារម៉ាឡៃនោះ ពីព្រោះអ្នកគ្រប់គ្រង់នោះមិនដែលប្រាប់ពីចំណូលចំណាយទៅសមាជិកដែលមានហ៊ុនឡើយ ហើយនិងការប្រើពាក្យគម្រោះគម្រើយ និងគ្មានសីលធម៌ទៅលើអាជីវដែលជួលតូប ដែលធ្វើឱ្យប៉ះពាល់អារម្មរបស់ពួកគាត់ ៕
ចែករំលែកព័តមាននេះ