រូបសំណាកសម្ដេចសង្ឃរាជ ជួន ណាត ដង្ហែទៅដាក់ក្នុងសួនថ្មី
- កំពង់ឆ្នាំង
ខេត្តកំពង់ឆ្នាំង ៖ រូបសំណាកសម្ដេចព្រះមហាសុមេធាធិបតី ជួន ណាត (ជោតញ្ញាណោ) សម្ដេចព្រះសង្ឃរាជថ្នាក់ទី១ នៃគណៈមហានិកាយ ត្រូវបាន ឯកឧត្តម…
ខេត្តកំពង់ឆ្នាំង ៖ រូបសំណាកសម្ដេចព្រះមហាសុមេធាធិបតី ជួន ណាត (ជោតញ្ញាណោ) សម្ដេចព្រះសង្ឃរាជថ្នាក់ទី១ នៃគណៈមហានិកាយ ត្រូវបាន ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង ធ្វើពិធីដង្ហែ យកមកតម្កល់នៅក្នុងបុស្បុកសួនច្បារថ្មី មុខវិទ្យា ល័យ ក្រុងកំពង់ឆ្នាំង នាព្រឹកថ្ងៃទី១ មករា ឆ្នាំ២០២១ ដោយ មានការអញ្ជើញចូលរួមពីសំណាក់លោក លោកស្រី ថ្នាក់ដឹកនាំមន្ទីរអង្គភាពជុំវិញខេត្ត។
នៅក្នុងឱកាសនោះ ឯកឧត្តម ឈួរ ចន្ទ័ឌឿន អភិបាលខេត្តកំពង់ឆ្នាំង បានមានប្រសាសន៍ថា សួនថ្មីដែលកំពុងតែកសាងជាប់ផ្លូវជាតិលេខ៥ មុខវិទ្យាល័យក្រុងកំពង់ឆ្នាំងនេះបានកសាងឡើងនៅខែសីហា ឆ្នាំ 2019 បើគិតមកដល់ពេលនេះជិតរួចរាល់ជាស្ថាពរហើយ ចុះណែកបុស្បុក ដែលបានកសាងរួចហើយនោះ ក៏បានត្រូវធ្វើពិធីដង្ហែរូបសំណាក សម្ដេចព្រះមហាសុមេធាធិបតី ជួន ណាត ដែលជាបិតាស្ថាបនិតអក្សរសាស្ត្រខ្មែរ យកមកដាក់់តំកល់់នៅពេលនេះ និងសូមប្រសិទ្ធនាមសួនថ្មីនេះថាសួនសម្ដេចមហាសុមេធាធិបតី ជួនណាត ចាប់ពីពេលនេះតទៅ ។
ចំពោះការកសាងរូបសំណាកសម្ដេច សង្ឃរាជជួនណាតត្រូវធ្វើឡើងតាមលំអាននៃព្រះពុទ្ធសាសនា ក្នុងគោលបំណងសុំឲ្យមានសេចក្តីសុខសុខសប្បាយ ជូនដល់ប្រជាពលរដ្ឋទូទាំងខេត្ត ក៏ដូចជាដើម្បីទាក់ទាញភ្ញៀវទេសចរផងដែរ ។
សូមរំលឹកថាខេត្តកំពង់ឆ្នាំងក្រោមការដឹកនាំរបស់ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងសួនច្បារជាច្រើន ត្រូវបានកើតឡើងដូចជាសួនច្បារពុទ្ធសែនកង្រី សួនច្បារ សម្ដេចចៅហ្វ៊ាវាំង គង់សំអុល សួនច្បារផ្សារក្រោមនិងពេលនេះ គឺសួនច្បារសម្ដេចសង្ឃរាជជួន ណាត ៕
ចែករំលែកព័តមាននេះ