ប្រទេសរុស្ស៊ី ៖ ក្រោយការលិចនាវានេសាទ១គ្រឿង ក្នុងមហាសមុទ្រអាក់ទិកផ្នែករបស់រុស្ស៊ីមក នាវិក១៧នាក់ក្នុងចំណោមនាវិកទាំង១៩នាក់ មានវត្តមានក្នុងពេលនាវានោះលិច បានត្រូវបាត់ខ្លួន។ វាសនារបស់ពួកគេសង្ឃឹមថានៅរស់រានមានជីវិត ពិតជាតិចបំផុតមកពីលក្ខខណ្ឌឧតុនិយមអាក្រក់បំផុត ក្នុងតំបន់នោះដែលពិបាកចូលទៅ។…
ប្រទេសរុស្ស៊ី ៖ ក្រោយការលិចនាវានេសាទ១គ្រឿង ក្នុងមហាសមុទ្រអាក់ទិកផ្នែករបស់រុស្ស៊ីមក នាវិក១៧នាក់ក្នុងចំណោមនាវិកទាំង១៩នាក់ មានវត្តមានក្នុងពេលនាវានោះលិច បានត្រូវបាត់ខ្លួន។
វាសនារបស់ពួកគេសង្ឃឹមថានៅរស់រានមានជីវិត ពិតជាតិចបំផុតមកពីលក្ខខណ្ឌឧតុនិយមអាក្រក់បំផុត ក្នុងតំបន់នោះដែលពិបាកចូលទៅ។ ក្រសួងសភាពការណ៍បន្ទាន់រុស្ស៊ី គូសបញ្ជាក់នាថ្ងៃទី២៨ធ្នូថា នាវាឈ្មោះONEGA មានមូលដ្ឋាននៅក្រុងMOURMANSKបានផ្ដល់សញ្ញាអាសន្ន នាព្រឹកព្រលឹមមុនពេលនាវាលិច ក្នុងដែនទឹកនៃប្រជុំកោះNOUVELLE -ZEMBLE ដែលនាវានោះហ៊ានចេញនេសាទ ពេលកំពុងមានព្យុះខ្លាំង។ មនុស្ស២នាក់អាចជួយសង្គ្រោះ។
លក្ខខណ្ឌឧតុនិយមអាក្រក់នាំឲ្យមានការលំបាក ក្នុងការប្រើប្រាស់បណ្ដាយន្តហោះ សម្រាប់ប្រតិបតិ្តការជួយសង្គ្រោះ។ មានព្យុះព្រិលខ្លាំងនិងរលកកម្ពស់ដល់ទៅ៤ម៉ែត្រ ហើយសីតុណ្ហភាពនៅតំបន់នោះមានពី២០អង្សាសេទៅ២៥អង្សាសេក្រោមសូន្យ។ អ្នកនាំពាក្យក្រសួងសភាពការណ៍បន្ទាន់រុស្ស៊ីនិយាយថា ការរកឃើញអ្នកនៅរស់រានមានជីវិតម្នាក់ នឹងពិតជារឿងអស្ចារ្យបំផុតមួយក្នុងដំណាក់កាលនេះ។
មនុស្សម្នាក់មិនអាចមានជីវិតគង់នៅ លើសពី១៥នាទីឡើយ ក្នុងសីតុណ្ហភាពដ៏ត្រជាក់ខ្លាំងបែបនេះ។ រហូតមកទល់ពេលនេះនៅមិនទាន់ស្រង់បានសាកសពមនុស្សណាម្នាក់នៅឡើយ។
នាយករដ្ឋមន្ត្រីរុស្ស៊ីលោកមីខាអ៊ីលមីស៊ូស្ទីនបានសម្ដែងការចូលរួមរំលែកទុក្ខជាមួយគ្រួសារជនរងគ្រោះ។ លោកក៏ចេញបញ្ជាផងដែរ ឲ្យផ្ដលជំនួយចាំបាច់នានា ដោយលោកលើកពីសោកនាដកម្មមួយនិងអះអាងថា មនុស្សច្រើននាក់បានត្រូវបាត់បង់ជីវិត៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ