ខេត្តឧត្តរមានជ័យ ៖ បុរសម្នាក់បានស្លា.ប់បាត់បង់ជីវិតចោលប្រពន្ធ និងកូន៣នាក់ ខណៈចុះទៅក្នុងអូរឆក់ត្រី ភ្លាត់ស្នៀតត្រូវចរន្តភ្លើងអាគុយឆក់ខ្លួនឯង កាលពីព្រឹកថ្ងៃទី០៤ កក្កដា ២០១៥។
ខេត្តឧត្តរមានជ័យ ៖ បុរសម្នាក់បានស្លាប់បាត់បង់ជីវិតចោលប្រពន្ធ និងកូន៣នាក់ ខណៈចុះទៅក្នុងអូរឆក់ត្រី ភ្លាត់ស្នៀតត្រូវចរន្តភ្លើងអាគុយឆក់ខ្លួនឯង កាលពីព្រឹកថ្ងៃទី០៤ កក្កដា ២០១៥។ ហេតុការណ៍នេះបានកើតឡើងនៅចំណុចអូរលាងសេះ ក្នុងភូមិលំទងចាស់ ឃុំលំទង ស្រុកអន្លង់វែង។
ស្ត្រីជាប្រពន្ធជនរងគ្រោះមានឈ្មោះស៊ួត សូត្រ អាយុ៤៥ឆ្នាំ បានរៀបរាប់ឲ្យដឹងថា ប្តីរបស់នាងដែលស្លាប់ឈ្មោះស៊ន ឆើត ហៅជ្រុញ អាយុ៣៥ឆ្នាំ នៅព្រឹកថ្ងៃទី០៤ កក្កដា ២០១៥ ទៅរកឆក់ត្រីបានមួយយកមកឲ្យប្រពន្ធធ្វើម្ហូប ហើយក៏ចេញពីផ្ទះទៅវិញបាត់មួយយប់ដោយមិនដឹងថាទៅទីណារទេ រូបនាងជាប្រពន្ធសង្ស័យថា ប្រហែលជាកំពុងតែជាប់ផឹកស៊ីជាមួយមិត្តភក្តិ ព្រោះកន្លងមកតែងតែធ្វើបែបនេះ ។
ស្ត្រីដដែលបានបញ្ជាក់ថា រូបនាង និងបងប្អូនសាច់ញាតិមិនអស់ចិត្តបាននាំគ្នាដើរកនៅតាមដងអូរបឹងបួស្រាប់តែប្រទះឃើញដេកស្លាប់ក្នុងទឹកក្បែរច្រាំអូរលាងសេះ ហើយមានប្រដាប់ឆក់ត្រីនៅជាប់នឹងដងខ្លួនផងដែរកាលពីវេលាម៉ោង៨ព្រឹក ថ្ងៃទី០៥ កក្កដា ២០១៥។
បន្ទាប់ពីឃើញហេតុការណ៍បែបនេះក្រុមគ្រួសារបានរាយការណ៍ឲ្យសមត្ថកិច្ចប៉ុស្គិ៍រដ្ឋបាលឃុំលំទងចុះពិនិត្យសាកសពជនរងគ្រោះ។ មន្ត្រីប៉ូលិសប៉ុស្គិ៍រដ្ឋបាលឃុំលំទងបានសនិដ្ឋានថា បុរសរូបនេះឆក់ត្រីភ្លាត់ស្នៀតត្រូវចរន្តភ្លើងអាគុយឆក់ខ្លួនឯងស្លាប់ មិនមែនជាករណីឃាតកម្មទេ៕
ចែករំលែកព័តមាននេះ