ខេត្តកណ្តាល ៖ ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល បានឲ្យមេបញ្ជាការរងទទួលការងារស្រាវជ្រាវបង្ក្រាបបទល្មើស នៅថ្ងៃទី១៩ ខែធ្នូ…
ខេត្តកណ្តាល ៖ ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល បានឲ្យមេបញ្ជាការរងទទួលការងារស្រាវជ្រាវបង្ក្រាបបទល្មើស នៅថ្ងៃទី១៩ ខែធ្នូ ឆ្នាំ២០២០ នៅចំណុចផ្លូវលេខ ២១B មុខដេប៉ូលក់ប្រេង ស្ថិតនៅភូមិព្រែកសំរោង ២ សង្កាត់តាខ្មៅ ក្រុងតាខ្មៅ ។
បើតាមមន្ត្រីជាន់ខ្ពស់របស់កងរាជអាវុធហត្ថខេត្តកណ្តាល បានប្រាប់អោយដឹងថា កម្លាំងមូលដ្ឋានក្រុងតាខ្មៅ ចុះធ្វើការពួនស្ទាក់ឃាត់ខ្លួនជនសង្ស័យជនជាតិចិនម្នាក់ ឈ្មោះ KEICHEING ភេទប្រុស អាយុ៣៥ឆ្នាំ ស្នាក់នៅផ្ទះជួលស្ថិងនៅសង្កាត់ទន្លេបាសាក់ ខណ្ឌដូនពេញ រាជធានីភ្នំពេញ ។ កំពុងឈប់ម៉ូតូរង់ចាំអ្នកទិញគ្រឿងញៀនពេលនោះកម្លាំងយើងបានហៅសួរនាំ និងត្រួតពិនិត្យ រកឃើញក្រាមសថ្លា សង្ស័យជាសារធាតុញៀន (ម៉ាទឹកកក) ចំនួន ០២កញ្ចប់មធ្យម ម្សៅសថ្លា សង្ស័យជាសារធាតុញៀន (ម្សៅខេ) ចំនួន០៧កញ្ចប់ ដកហូតម៉ូតូ០១គ្រឿង ម៉ាក Air black ពណ៌ខ្មៅ ពាក់ស្លាកលេខភ្នំពេញ ទូរស័ព្ទដៃចំនួន០២គ្រឿង ប្រាក់រៀលចំនួន ២៣២០០រៀល និងប្រាក់ដុល្លារចំនួន៣០ដុល្លារ ។
នៅចំពោះមុខសមត្ថកិច្ចកងរាជអាវុធហត្ថខេត្តកណ្តាល ជនសង្ស័យខាងលើ បានសារភាពថា ខ្លួនបានទិញគ្រឿងញៀននេះ ពីជនជាតិចិនម្នាក់ នៅរាជធានីភ្នំពេញ ដើម្បីយកមកលក់បន្ត ។ បន្ទាប់ពីធ្វើការសាកសួររួចកម្លាំងជំនាញបានបន្តចុះដល់ផ្ទះជនសង្ស័យជួលស្នាក់នៅ ស្ថិតនៅភូមិច្រេស សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ និងបានឃាត់ខ្លួនជនសង្ស័យចំនួន៣នាក់ ថ្នាំញៀនមួយចំនួនធំបន្ថែមទៀត ។
ជនសង្ស័យទី១ឈ្មោះ JiNYUAN ភេទប្រុស អាយុ៣៣ឆ្នាំ ជនជាតិចិន មុខរបរជួញដូរគ្រឿងញៀន។ ទី២ ឈ្មោះ CHANGFA ភេទប្រុស អាយុ៣៦ឆ្នាំ ជនជាតិចិន មុខរបរ ជួញដូរគ្រឿងញៀន ។ និងទី៣ឈ្មោះ យៀបអាន់ហ្វឿង ភេទស្រី អាយុ២៥ឆ្នាំ ជនជាតិវៀតណាម មុខរបរ និងទីលំនៅមិនពិតប្រាកដ ។
ក្រោយពេលឃាត់ខ្លួន កម្លាំងជំនាញបានធ្វើការឆែកឆេររកឃើញថ្នាំញៀន និងដកហូតសម្ភារៈមួយចំនួនដូចខាងក្រោម ៖ ម្សៅក្រាមស ថ្លា សង្ស័យសារធាតុញៀនចំនួន ១៣កញ្ចប់ធំ និង០៨កញ្ចប់មធ្យម មានទម្ងន់១១៦៩.៣ក្រាម ។ ថ្នាំគ្រវីចំនួន ០២គ្រាប់ ។ ជញ្ជីងថ្លឹងគ្រឿងញៀនចំនួន ០២គ្រឿង ។ រថយន្ត ០១គ្រឿង ម៉ាកព្រូស ពណ៌ទឹកប្រាក់ ស្លាកលេខ2BH ។ សម្ភារៈប្រើប្រាស់វេចខ្ចប់មួយចំនួនធំ ។ សំបកការទូសកាំភ្លើងបាញ់រួចចំនួន ០១ (វ៉ាងឌឺឡុង)។ ទូរសព្ទ័ដៃចំនួន ០៣គ្រឿង និងឯកសារពាក់ពន្ធ័មួយចំនួន ។
នៅចំពោះមុខសមត្ថកិច្ច ជនសង្សយ័ឈ្មោះ JINYUAN បានសារភាពថា ខ្លួនបានទិញសារធាតុញៀនខុសច្បាប់ពីឈ្មោះ ផាំង និងអាឡុង ជនជាតិ ម៉ាឡេស៊ី ដែលស្នាក់នៅស្តាយឡាញ អាគារ A ជាន់ទី២៧ បន្ទប់លេខ ២៧០១ ។ ថ្ងៃទី២២ ខែធ្នូ ឆ្នាំ២០២០ លោកលាវ ស្រេង ព្រះរាជអាជ្ញារង អមសាលាដំបូងខេត្តកណ្តាល បានដឹកនាំសម្របសម្រួល កម្លាំងសម្ថកិច្ចកងរាជអាវុធហត្ថ ចុះឆែកឆេរបន្ទប់ខាងលើនៅចំណុច SKY LINE ផ្លូវ១៣៤ ភូមិ២ សង្កាត់វាលវង់ ខណ្ឌ៧មករា រាជធានីភ្នំពេញ ។ រកឃើញ និងចាប់យកវត្ថុតាងរួមមាន ៖ សារធាតុផ្សំប្រភេទ ម្ស៉ៅ និងជេល មួយកញ្ចប់ទម្ងន់ ១៣៨៩.៦g ។ សារធាតុប្រភេទទឹក (ដប) និងថ្នាំអំពូលមួយកញ្ចប់ទម្ងន់ ១៤៤៤.២g ។ សម្ភារៈសម្រាប់ជក់គ្រឿងញៀនមួយកញ្ចប់ទម្ងន់ ៦៤៥.៥g ។ ថ្នាំពណ៌ស្វាយ ១កញ្ចប់ទម្ងន់ ២០.៨g ។ ៥.ស៊ឺមកាតទូរស័ព្ទ កាតធនាគា និងនាមបណ្ណជាភាសាបរទេសមួយចំនួន ។ សម្ភារៈបម្រើសម្រាប់ការផលិត និងថង់សម្រាប់ច្រកថ្នាំញៀនមានទម្ងន់ ៦៧g ។ សៀវភៅកត់ត្រារូបមន្តធាតុផ្សំសារធាតុញៀនមួយក្បាល ។ រថយន្តមួយគ្រឿងម៉ាក RANGE ROVER VOGUE ពណ៌ខៀវចាស់ ផ្លាក់ស្លាកលេខភ្នំពេញ និងឯកសារពាក់ពន្ធ័ ។ ឯកសារផ្សេងៗទៀតមួយចំនួន ។
បច្ចុប្បន្ន ជំនាញកំពុងបន្តស្រាវជ្រាវតាមរុករកជនសង្ស័យពាក់ព័ន្ធផ្សេងទៀត ឯជនសង្ស័យទាំង ០៤នាក់និងវត្ថុតាងខាងលើ ត្រូវបានជំនាញកងរាជអាវុធហត្ថ បញ្ជូនទៅសាលាដំបូងខេត្តកណ្តាល ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ