រាជធានីភ្នំពេញ ៖ នៅវេលាព្រឹកថ្ងៃទី០២ កក្កដា ២០១៥ លោកអ៊ាង ស៊ីផាន អភិបាលនៃគណៈអភិបាលខណ្ឌច្បារអំពៅ និងជាប្រធានកាកបាទក្រហមកម្ពុជាប្រចាំខណ្ឌ បានដឹកនាំក្រុមមន្ត្រីយកអំណោយសម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ទៅចែកជូនប្រជាពលរដ្ឋក្រីក្រចំនួន២០គ្រួសារ ដែលរស់នៅក្នុងសង្កាត់ក្បាលកោះ ខណ្ឌច្បារអំពៅ ។
អំណោយដែលត្រូវចែកជូនក្នុង១គ្រួសារៗ មានអង្ករ២៥គីឡូក្រាម, មី១កេស, ត្រីខ១០កំប៉ុង, ឃីត១ឈុត (មុង ភួង សារុង ក្រមា) , ទឹកត្រី១យួរ, ទឹកស៊ីអ៊ីវ១យួរ, ទឹកបរិសុទ្ធ១កេស និងថវិកា៣ម៉ឺនរៀល ។
លោកអភិបាលឱ្យដឹងថា រាល់សកម្មភាព និងការបរិច្ចាគនេះ គឺជាការអនុវត្តទៅតាមអនុសាសន៍ គោលការណ៍របស់កាកបាទក្រហមកម្ពុជា ដែលមានសម្តេចកិតិ្តព្រឹទ្ធបណ្ឌិតប៊ុន រ៉ានី ហ៊ុន សែន ជាប្រធាន ។ ដែលជានិច្ចកាលសម្តេចតែងតែក្រើនរំលឹកទៅដល់មន្ត្រីក្រោមឱវាទឱ្យមានការយកចិត្តទុកដាក់ និងគិតគូរទៅដល់មនុស្សចាស់ជរា, អ្នកដែលជួបនូវការលំបាក និងអ្នកដែលមាន ការខ្វះខាត ជាពិសេសប្រជាពលរដ្ឋក្រីក្រទីទ័លនៅក្នុងមូលដ្ឋាន ដោយមិនត្រូវមើលរំលងឡើយ ។
ឆ្លៀតក្នុងឱកាសខាងលើនោះដែរ លោកអភិបាលក៏បានធ្វើការសំណេះសំណាល និងផ្តែផ្តាំផ្ញើជាមួយបងប្អូនប្រជាពលរដ្ឋទាំង២០គ្រួសារ ឱ្យចេះថែរក្សានូវសុខភាពអនាម័យឱ្យបានល្អ ។ ចៀសវាងជំងឺឈឺស្កាត់កើតមានលើខ្លួនប្រាណ ពោលគឺត្រូវរស់នៅស្អាតហូបស្អាតជានិច្ច ។
ចែករំលែកព័តមាននេះ