រាជធានីភ្នំពេញ ៖ លោកនុត ពុធដារ៉ា អភិបាលនៃគណៈអភិបាលខណ្ឌដង្កោ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌដង្កោ បាននាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ទៅចែក
រាជធានីភ្នំពេញ ៖ លោកនុត ពុធដារ៉ា អភិបាលនៃគណៈអភិបាលខណ្ឌដង្កោ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌដង្កោ បាននាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ទៅចែកជូនប្រជាពលរដ្ឋក្រីក្រចំនួន២០គ្រួសារ នៅក្នុងសង្កាត់ដង្កោ ខណ្ឌដង្កោ រាជធានីភ្នំពេញ កាលពីវេលាព្រឹកថ្ងៃទី៣០ មិថុនា ២០១៥។
លោកអភិបាលខណ្ឌបាននាំយកការសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជាជូនដល់បងប្អូនប្រជាពលរដ្ឋក្រីក្រទាំង២០គ្រួសារ និងបានលើកឡើងអំពីការយកចិត្តទុកដាក់របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដល់ប្រជាពលរដ្ឋទាំងអស់នៅក្នុងមូលដ្ឋានទូទាំងប្រទេស ដែលជានិច្ចកាលសម្តេចទាំង២តែងបានគិតគូរ និងយកចិត្តទុកដាក់ដល់ការលំបាករបស់បងប្អូនប្រជាពលរដ្ឋទាំងអស់ ជាពិសេសប្រជាពលរដ្ឋដែលជួបការលំបាក អ្នកផ្ទុកមេរោគអេដស៍ ទុរគតជន កុមារកំព្រា និងអ្នកជួបគ្រោះមហន្តរាយដោយគ្រោះធម្មជាតិ និងអគ្គិភ័យជាដើម ។
លោកប្រធានកិត្តិយសអនុសាខា ក៏បានផ្តាំផ្ញើការសាកសួរសុខទុក្ខពីសំណាក់លោក ប៉ា សុជាតិវង្ស អភិបាលរាជធានីភ្នំពេញ និងជាប្រធានសាខាកាកបាទក្រហមកម្ពុជារាជធានីភ្នំពេញ ជូនដល់បងប្អូនប្រជាពលរដ្ឋទាំងអស់ក្នុងមូលដ្ឋាន។ ក្នុងឱកាសនោះ លោកប្រធានកិត្តិយសអនុសាខា ក៏បានផ្តាំផ្ញើឱ្យបងប្អូនប្រជាពលរដ្ឋ ដែលមកទទួលអំណោយនាថ្ងៃនេះ ឱ្យយកចិត្តទុកដាក់ថែរក្សាសុខភាព ហូបស្អាត ផឹកស្អាត រស់នៅស្អាត ដើម្បីឱ្យរស់នៅបានយូរអង្វែង និងបន្តមើលការអភិវឌ្ឍន៍របស់ប្រទេសជាតិតទៅមុខទៀត ។
អំណោយដែលត្រូវចែកជូនក្នុងឱកាសនោះ ក្នុង១គ្រួសារទទួលបានអង្ករ២៥គីឡូក្រាម, មី១កេស, ត្រីខ១០កំប៉ុង, ឃីត១កញ្ចប់
(មុង១ សារុង១ ក្រមា១ ភួយ១) និងថវិកា៣ម៉ឺនរៀល ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ