ប្រព័ន្ធហ្វ្រាំង ABS គឺជាលក្ខណៈការពារសុវត្ថិភាពស្តង់ដាដែលមានបំពាក់នៅលើរថយន្តទំនើបៗ ។ ប្រព័ន្ធនេះប្រតិបត្តិការកែសម្រួលសម្ពាធហ្វ្រាំងដោយស្វ័យប្រវត្តិ ខណៈពេលនៃការបញ្ឈប់រថយន្តក្នុងស្ថានភាព
ប្រព័ន្ធហ្វ្រាំង ABS គឺជាលក្ខណៈការពារសុវត្ថិភាពស្តង់ដាដែលមានបំពាក់នៅលើរថយន្តទំនើបៗ ។ ប្រព័ន្ធនេះប្រតិបត្តិការកែសម្រួលសម្ពាធហ្វ្រាំងដោយស្វ័យប្រវត្តិ ខណៈពេលនៃការបញ្ឈប់រថយន្តក្នុងស្ថានភាពប្រថុចញ៉ុចដែលការពារកង់ទាំងបួនគ្រាប់ពីការជាប់គាំង ។
ម្យ៉ាងទៀត ការសម្រួលសម្ពាធហ្វ្រាំងក៏អនុញ្ញាតឲ្យអ្នកបើកបររក្សាការគ្រប់គ្រងឬម្ចាស់ការលើរថយន្ត ។ បើទោះជាប្រព័ន្ធហ្វ្រាំង ABS ត្រូវបានគេផ្តល់ទំនុកចិត្តពីសមត្ថភាពស្រោចស្រង់ជីវិតក៏វាមានគុណវិបត្តិខ្លះៗដែរ ជាប្រធានបទដ៏មានសារសំខាន់ដែលត្រូវយកមកជជែកចាប់តាំងពីដើមមក ។
ពេលវេលានៃការបញ្ឈប់ល្បឿន
ហ្វ្រាំង ABS ត្រូវបានអភិវឌ្ឍឡើងជាលើកដំបូងនៅចុងទសវត្សរ៍ឆ្នាំ១៩២០ ហើយចាប់ផ្តើមមានលក្ខណៈស្តង់ដាបំពាក់លើរថយន្តចាប់តាំងពីឆ្នាំ១៩៧០មក ។ ជាទូទៅ វាត្រូវបានគេជឿជាក់ថា ប្រព័ន្ធប្រភេទនេះមានសារប្រយោជន៍ក្នុងការកាត់បន្ថយនៅពេលវេលានៃការបញ្ឈប់ល្បឿនរបស់រថយន្តជាពិសេសគឺនៅក្នុងសា្ថនការណ៍បន្ទាន់តែម្តង ។ ទោះជាយ៉ាងណា ក្នុងស្ថានការណ៍ភាគច្រើនការផ្តល់ទំនុកចិត្តបែបនេះពុំមែនជាកត្តាទៀងទាត់អ្វីឡើយ ។ ទិដ្ឋភាពជាក់ស្តែងនោះ គឺមានការសិក្សាខ្លះបង្ហាញថា ការប្រែប្រួលនៅក្នុងគម្លាតឬរយៈចម្ងាយនៃការបញ្ឈប់ល្បឿន គឺស្តួចស្តើងហើយថែមទាំងអាចបង្កើនរយៈចម្ងាយចាំបាច់ ដើម្បីធ្វើឲ្យរថយន្តឈប់ពេញលេញទៀតផង ។ យោងតាមការសិក្សាដែលបានធ្វើឡើងដោយសកលវិទ្យាល័យ Monash ហ្វ្រាំង ABS អាចបង្កើនរយៈចម្ងាយបែបនេះ ជាក់ស្តែងនៅក្នុងស្ថានភាពជាក់លាក់ ដែលសំខាន់ជាងគេនោះ គឺនៅលើផ្លូវជ្រាយឬស្ថានភាពដីទន់ៗ ។
វាក៏មានសារសំខាន់ផងដែរ សម្រាប់អ្នកបើកបរនៅក្នុងការចងចាំថាមុខងារជាបឋមរបស់ហ្វ្រាំង ABS គឺចៀសផុតពីការរអិលហើយថែមទាំងជួយដល់អ្នកបើកបរគ្រប់គ្រងឬម្ចាស់ការលើរថយន្តទៀតផង ។ ដូច្នេះគឺវានៅតែចាំបាច់ក្នុងការរក្សារយៈចម្ងាយសុវត្ថិភាពមួយដោយពុំមានបញ្ហាស្របតាមលក្ខខណ្ឌផ្លូវ ។
តម្លៃឬការចំណាយ
ថ្លៃឈ្នួលសេវាផ្សេងៗចំពោះហ្វ្រាំង ABS គឺជាគុណវិបត្តិជាបឋមមួយរបស់វា ។ ពីព្រោះថាហ្វ្រាំងប្រភេទនេះគឺត្រូវការគ្រឿងបន្លាស់សំខាន់ៗច្រើនជាងប្រព័ន្ធធម្មតានោះមានន័យថាវាក៏មានឱកាសច្រើនដែលកើតមានបញ្ហាដូចជាការខូចខាតជាដើម ។ ជាមួយនឹងការថែទាំបានទៀងទាត់ថ្លៃជួសជុលអាចនឹងចំណាយអស់តិចឬអប្បបរមា ប៉ុន្តែបើលោកអ្នកទុកវាចោលមិនអើពើ ខណៈពេលខូចត្រឹមតែមួយកន្លែងទុកចោលរយៈពេលយូរមិនយកទៅពិនិត្យជួសជុលគឺបញ្ហាតូចអាចក្លាយទៅជារឿងធំនិងត្រូវចាយអស់ប្រាក់ជួសជុលកាន់តែច្រើន ។ ហេតុដូច្នេះ កិច្ចការសំខាន់ជាពិសេសនោះគឺពិនិត្យមើលប្រេងហ្វ្រាំងនិងស្បែកហ្វ្រាំងឲ្យបានទៀងទាត់ ដើម្បីកាត់បន្ថយសក្តានុពលនៃបញ្ហា ។ ម្ចាស់រថយន្តគួរតែប្រុងប្រយ័ត្ននិងផ្ទៀងត្រចៀកស្តាប់សំឡេងចម្លែកៗ ដែលប្រែប្រួលនៅក្នុងអារម្មណ៍អ្នក ខណៈពេលជាន់ហ្វ្រាំងឬក៏សញ្ញាដទៃទៀតដែលនឹងកើតមានឡើង ។
ខូចប្រព័ន្ធហ្វ្រាំង
បញ្ហាដ៏មានសក្តានុពលដទៃទៀតជាមួយនឹងលក្ខណបច្ចេកទេសគឺជាការបង្កើនលទ្ធភាពបំផ្លិចបំផ្លាញដល់ប្រព័ន្ធហ្វ្រាំង ។ ភាពខុសគ្នានៃកត្តាជាច្រើនអាចបណ្តាលឲ្យប្រព័ន្ធនេះមានប្រសិទ្ធភាពកាន់តែតិច ហើយថែមទាំងធ្វើឲ្យរថយន្តបន្លឺសំឡេងខ្លាំង ខណៈពេលព្យាយាមបញ្ឈប់ ៕
ចែករំលែកព័តមាននេះ