ក្លិប West Brom បានចុះកុងត្រាទិញខ្សែបម្រើសញ្ជាតិអៀរឡង់ James McClean ពីក្លិប Wigan ក្នុងតម្លៃខ្លួនជាង២៣លានដុល្លាររយៈពេល៣ឆ្នាំ ។
កីឡាករវ័យ២៦ឆ្នាំរូបនេះ បានសម្តែងក្តីត្រេកអរថា ៖ «នេះគឺជាក្លិបធំ និងជាមេរៀនថ្មីមួយទៀតសម្រាប់ខ្ញុំផងដែរក្នុងអាជីពជាកីឡាករបាល់ទាត់ ។ វាគឺជាមហិច្ឆតារបស់ខ្ញុំប៉ង់គិតទុកជាយូរមកហើយ ដើម្បីក្លាយខ្លួនជាកីឡាករប្រកបដោយវិជ្ជាជីវៈខ្ពស់ និងមានការទទួលស្គាល់ពីមហាជនទៀតផង» ។
គ្រូបង្វិកក្លិប West Brom លោក Tony Pulis និយាយថា កីឡាករ James McClean រកគ្រាប់បាល់បានចំនួន១១គ្រាប់ ក្នុងចំណោមការប្រកួតនៅក្របខ័ណ្ឌអង់គ្លេស ហើយរូបគេត្រូវបានបោះឆ្នោតជាកីឡាករល្បីប្រចាំឆ្នាំកាលពីរដូវកាលមុន ។ មិនតែប៉ុណ្ណោះកីឡាកររូបនេះលេងល្អតាំងពីនៅក្លិប Sunderland ម្ល៉េះ ។
James McClean បានចូលលេងឱ្យក្លិប Derry City រយៈពេល៣ឆ្នាំតាំងពីឆ្នាំ២០០៨ ដល់ឆ្នាំ២០១១ រកគ្រាប់បាល់បានចំនួន១៨ គ្រាប់ក្នុងការប្រកួត៧៨លើក និងចូលលេងឱ្យក្លិប Sunderland រយៈពេល២ឆ្នាំចន្លោះពីឆ្នាំ ២០១១ដល់ឆ្នាំ២០១៣ ៕
ចែករំលែកព័តមាននេះ