ប្រេងម៉ាស៊ីនត្រូវបានប្រើប្រាស់ជាអ្នកផ្តល់ជាតិរំអិលចូលទៅក្នុងម៉ាស៊ីនរថយន្តឲ្យដំណើរការស្រួល ។ កម្រិតប្រេងអាចធ្លាក់ចុះដោយសារតែមានភាពលិចជ្រាបនៅត្រង់ទីតាំងណាមួយ ឬក៏វាអាចធ្វើឲ្យម៉ាស៊ីនដំណើរការមិនប្រក្រតី (រអាក់រអួល) ។ ការផ្លាស់ប្តូរប្រេងនិងការចាក់បំពេញបន្ថែមឲ្យគ្រប់តាមកម្រិតគឺជាផ្នែកមួយនៃការថែទាំរថយន្តរបស់អ្នកទៀងទាត់ពេលវេលា។
ប៉ុន្តែប្រសិនជាអ្នកមិនយកចិត្តទុកដាក់ថែទាំវា ឬធ្វេសប្រហែសដោយពុំបានផ្លាស់ប្តូរគឺបណ្តោយឲ្យកម្រិតប្រេងធា្លក់ចុះដោយសារការលិចជ្រាបចេញពីក្នុងម៉ាស៊ីននោះអ្នកនឹងចាប់ផ្តើមសង្កេតឃើញនូវសញ្ញាមួយចំនួនដែលបញ្ជាក់ថាកម្រិតប្រេងក្នុងម៉ាស៊ីនមានតិច៖
ក-កម្រិតប្រេងតិច
ប្រសិនជាអ្នកធុំក្លិនអ្វីមួយដែលអ្នកគិតថាវាប្រហែលជាចេញមកពីប្រព័ន្ធដុតបញ្ឆេះរបស់រថយន្តស្របពេលកំពុងបើកបរ នោះអ្វីដែលអ្នកអាចធ្វើបានគឺពិនិត្យទៅលើអេក្រង់ម៉ូនីទ័របង្ហាញពីកម្រិតប្រេងម៉ាស៊ីនក្នុងតាប់ឡូរថយន្ត។ មានអ្នកបើកបរមួយចំនួនអាចភ្លេចភ្លាំងវិធីដ៏សាមញ្ញបំផុតមួយនេះនៅពេលពួកគេកំពុងកាន់ចង្កូតនិងព្យាយាមកំណត់រកអ្វីដែលជាមូលហេតុបង្កកំហុសឆ្គងបែបនេះ ។ រង់ចាំដល់រថយន្តអ្នកចុះកម្តៅឬត្រជាក់បន្តិចចាប់ផ្តើមដកដងវាស់ស្ទង់កម្រិតប្រេងចេញពីម៉ាស៊ីនជូតវាឲ្យស្អាតនិងស៊កចូលកន្លែងដើមវិញ ដោយពិនិត្យមើលថាវាមានស្នាមដិតជាប់នៅត្រឹមកម្រិតណា ។ មានតំបន់ខា្នតក្រិតមួយនៅលើដងវាស់ស្ទង់ប្រេង ដែលកម្រិតប្រេងចាំបាច់ត្រូវស្ថិតនៅចន្លោះដែលកំណត់នោះ ។ ពិនិត្យកម្រិតប្រេងជារៀងរាល់ថ្ងៃប្រសិនជាអ្នកមានមន្ទិលចំពោះបញ្ហាមួយនេះ (កម្រិតប្រេង)។ ការរំកិលឬថយចុះនៃកម្រិតប្រេងនៅលើដងវាស់ស្ទង់គឺជាសញ្ញាដែលបញ្ជាក់ប្រាប់ថាកម្រិតប្រេងម៉ាស៊ីនរថយន្តអ្នកមានតិច ។
ខ-ដំណើរលោតភ្លឹបភ្លែតៗនៃភ្លើងសញ្ញាប្រេង
ការលោតភ្លើងសញ្ញាព្រមានភ្លឹបភ្លែតកុំបារម្ភចំពោះវាឡើយ ។ យោងតាម Auto Haus AZសញ្ញាបែបនេះគឺជាការចង្អុលបង្ហាញថាកម្រិតប្រេងរថយន្តរបស់អ្នកអាចស្ថិតក្នុងកម្រិតទាបឬក្បែរអស់ តែអ្នកកុំព្រួយត្រូវធ្វើដំណើរក្នុងរយៈផ្លូវសមស្របណាមួយ ដើម្បីដោះស្រាយបញ្ហានេះ ។ នៅអមជាមួយនឹងការលោតភ្លើងភ្លឹបភ្លែតនោះក៏នៅមានការលោតឡើងនូវអក្សរដាស់ស្មារតីអ្នកឲ្យពិនិត្យប្រេងផងដែរគឺពាក្យ Check Oil ។ ប្រេងបានចរាចរតាមម៉ាស៊ីន ប៉ុន្តែជាកម្រិតចាប់ផ្តើមធ្លាក់ចុះ ហើយសិនស័រដែលមានជាប់មកជាមួយនឹងភ្លើងប្រេងចាប់ផ្តើមធ្វើសកម្មភាពជាមិនខាន ។
ដំណើរនៃការលោតភ្លើងភ្លឹបភ្លែតនោះគឺមកពីការធ្វើចរាចររបស់ប្រេងកាត់តាមសិនស័រ ប៉ុន្តែមានបញ្ហាមួយដែលបណ្តាលឲ្យមានការលោតភ្លើងបែបនេះ ។ នៅពេលដែលភ្លើងចាប់ផ្តើមលោតគឺយករថយន្តរបស់អ្នកមកជួបជាងជាបន្ទាន់ឬភ្លាមៗ ។ ពីព្រោះថារថយន្តអ្នកបាត់បង់ប្រេងហើយក៏ត្រូវការពិនិត្យវាដែរ។
គ-ការបន្លឺសូរសំឡេងដូចស្នូរគោះតឹកៗ
ប្រសិនជាលោកអ្នកមិនអើពើចំពោះគ្រប់សញ្ញាដទៃទៀតដែលបញ្ជាក់ថា រថយន្តអ្នកមានកម្រិតប្រេងតិច អ្នកនឹងស្តាប់ឮសូរសំឡេងដែលជាសញ្ញាចុងក្រោយគឺការបន្លឺសំឡេងដូចជាការគោះតឹកៗ ។ បើពុំមានប្រេងម៉ាស៊ីននោះប្រព័ន្ធគ្រឿងក្នុងម៉ាស៊ីនមួយចំនួនច្បាស់ជាសឹកខូចជាមិនខាន ។
ចែករំលែកព័តមាននេះ