ខេត្តកំពង់ឆ្នាំង ៖ ផ្ទះមួយខ្នងទំហំ៥គុណ៧ម៉ែត្រ ត្រូវបានអគ្គិភ័យឆាបឆេះខ្ទេចទាំងស្រុង កាលពីវេលាម៉ោង១ រំលងធ្រាត្រឈានចូល ថ្ងៃទី៤ ខែធ្នូ ឆ្នាំ២០២០នេះ ចំណុចភូមិធ្លក…
ខេត្តកំពង់ឆ្នាំង ៖ ផ្ទះមួយខ្នងទំហំ៥គុណ៧ម៉ែត្រ ត្រូវបានអគ្គិភ័យឆាបឆេះខ្ទេចទាំងស្រុង កាលពីវេលាម៉ោង១ រំលងធ្រាត្រឈានចូល ថ្ងៃទី៤ ខែធ្នូ ឆ្នាំ២០២០នេះ ចំណុចភូមិធ្លក ឃុំច្រណូក ស្រុកកំពង់លែង ដែលការសន្និដ្ឋាន របស់សមត្ថកិច្ចសង្ស័យឆ្លងចរន្តអគ្គិសនី។ សមត្ថកិច្ចនគរបាលមូលដ្ឋានបានបញ្ជាក់ថា៖
ផ្ទះដែលត្រូវអគ្គិភ័យឆាបឆេះនេះ ជាកម្មសិទ្ធរបស់ ឈ្មោះ ខ្លុយ អ៊ូក (ឈ្មោះប្តីប្រពន្ធ) មានទំហំ៥គុណ៧ម៉ែត្រ ធ្វើពីឈើប្រក់សង្កសី និងក្រាលក្តារ។ ចំពោះមូលហេតុសង្ស័យថា បណ្តាលមកពីឆ្លងចរន្តអគ្គិសនី។ រីឯការខូចខាត គឺឆេះអស់ផ្ទះ១ខ្នងទំហំ៥គុណ៧ម៉ែត្រ សម្ភារក្នុងផ្ទះ មានគ្រែ ទូរទស្សន៍ កង់ និងស្រូវមួយចំនួន។ ក្នុងហេតុការណ៍នេះពុំមាននរណាម្នាក់រងគ្រោះនោះទេ៕ ដោយ ៖ ពៅ សុខហ៊ាន
ចែករំលែកព័តមាននេះ