លោក Tuchel ថា កីឡាករបិសាចក្រហមម្នាក់អាចបំផ្លាញក្តីសង្ឃឹមក្រុមPSG នារាត្រីនេះ
បារាំង ៖ លោក Thomas Tuchel អ្នកចាត់ការទូទៅក្រុម Paris St Germain បង្ហាញក្តីបារម្ភ…
បារាំង ៖ លោក Thomas Tuchel អ្នកចាត់ការទូទៅក្រុម Paris St Germain បង្ហាញក្តីបារម្ភ…
បារាំង ៖ លោក Thomas Tuchel អ្នកចាត់ការទូទៅក្រុម Paris St Germain បង្ហាញក្តីបារម្ភ ចំពោះកីឡាករ Marcus Rashford របស់ក្រុម Manchester United ដែលនឹងអាចបំផ្លាញក្តីសង្ឃឹមឈានទៅវគ្គ ១៦ក្រុមពានរង្វាន់ Champions League របស់ក្រុមលោកម្តងទៀត។
សូមរំលឹកថា Rashford គឺជាអ្នករកគ្រាប់ជ័យជម្នះចុងម៉ោង កាលពីជំនួបជុំទី១ ក្នុងវគ្គសន្សំពិន្ទុនៅទឹកដីបារាំង កាលពីខែតុលាកន្លងទៅ។ ខណៈដែលខ្សែប្រយុទ្ធអង់គ្លេសវ័យ ២៣ឆ្នាំរូបនេះ ក៏ជាអ្នករកគ្រាប់ជ័យជម្នះនៅចុងម៉ោង ដោយបាល់ប៉េណាល់ទី ដើម្បីទម្លាក់ PSG ត្រឹមវគ្គ១៦ក្រុមពានរង្វាន់នេះ កាលពីរដូវកាល ២០១៨-១៩ នៅលើទឹកបារាំងផងដែរ។
PSG នឹងត្រូវតតាំងជាមួយម្ចាស់ផ្ទះ Man UTD លើទឹកដី Old Trafford នារាត្រីនេះ ហើយមុនជំនួបនេះ លោក Thomas Tuchel បាននិយាយថា «ការប្រកួត២លើកចុងក្រោយរបស់គេទល់នឹងពួកយើងគឺមានការរំខានខ្លាំងបំផុត។ គេជាកីឡាករវ័យក្មេង ដែលមានការទទួលខុសត្រូវខ្ពស់នៅលើទីលានយ៉ាងខ្លាំង។ គេគឺជាការគំរាមកំហែងដ៏ធំមួយដល់គូប្រកួត ជាមួយល្បឿន សមត្ថភាពគ្រប់គ្រងបាល់ និងការបញ្ចប់ទី ជាមួយការប្តេជ្ញាចិត្តខ្ពស់បំផុត»៕ (ដកស្រង់ចេញពី Mirror)
ចែករំលែកព័តមាននេះ