សហដេ្ឋអាមេរិក-ចិន ៖ ប្រធានាធិបតីជាប់ឆ្នោតអាមេរិកលោកចូបៃដិន ដកស្រង់សម្ដីដោយកាសែត ញូវយ៉កថែមកាលពីថ្ងៃទី២ធ្នូថ្លែងថា លោកនឹងមិនវិលត្រឡប់ក្នុងពេលភ្លាមៗទៅរកកិច្ចព្រមព្រៀងពាណិជ្ជកម្មអាមេរិក-ចិន ដែលចុះហត្ថលេខាដោយលោកដូណាល់ត្រាំជាមួយចិនឡើយ។
ក្នុងបទសម្ភាសន៍មួយជាមួយកាសែតនោះលោកបៃដិនអះអាងថា ខ្ញុំនឹងមិនទាន់ធ្វើការផ្ដួចផ្ដើមគំនិតក្នុងពេលភ្លាមៗណាមួយឡើយ ហើយរឿងនោះត្រូវអនុវត្តសិទ្ធិបង់ពន្ធគយ។
ក្នុងក្របខណ្ឌនៃកិច្ចព្រមព្រៀងពាណិជ្ជកម្មនោះ ហៅកិច្ចព្រមព្រៀងដំណាក់កាលទី១ ចុះហត្ថលេខាកាលពីដើមឆ្នាំនេះ ចិនបានសន្យាបង្កើនយ៉ាងតិចការទិញបណ្ដាផលិតផលនិងសេវាកម្មអាមេរិក ក្នុងទឹកប្រាក់យ៉ាងតិច២០០ពាន់លានដុល្លារ ពីឆ្នាំ២០២០ទៅ២០២១។ ម្យ៉ាងទៀតកិច្ចព្រមព្រៀងនេះនៅរក្សាទុកសិទ្ធិបង់ពន្ធគយអាមេរិក២៥% លើគ្របទំនិញនិងផលិតផលឧស្សាហកម្មចិន ដែលតំណាងឲ្យទឹកប្រាក់២៥០ពាន់លានដុល្លារ និងការទារពន្ធគយរបស់ចិន មានទឹកប្រាក់១០០ពាន់លានដុល្លារ នៃការនាំចូលមកពីអាមេរិក។
តាមលោកបៃដិនដែលចូលកាន់តំណែងនាថ្ងៃទី២០មករាខាងមុខថា យុទ្ធសាស្ត្រប្រសើរបំផុតប្រឈមមុខជាមួយចិនគឺជាបឋម ការដាក់អាមេរិកនិងបណ្ដាសម្ព័ន្ធមិត្តឲ្យស្ថិតលើខ្សែបន្ទាត់តែមួយដូចគ្នា។ លោកបន្តថាលោកនឹងផ្ដោតលើការអនុវត្តដោយបំពានរបស់ចិន ពិសេសការលួចកម្មសិទ្ធិបញ្ញា ការឧបត្ថម្ភដោយខុសច្បាប់ចំពោះបណ្ដាសហគ្រាសនិងការផ្ទេរបច្ចេកវិទ្យាដោយចាប់បង្ខំ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ