ជប៉ុន ៖ គណៈកម្មាការអូឡាំពិកជប៉ុនបានប៉ាន់ប្រមាណថា ការចំណាយបន្ថែមទៅលើកម្មវិធីផ្សេងៗទាក់ទងនឹងវីរុស Covid-19 សម្រាប់ការរៀបចំព្រឹត្តិការណ៍អូឡាំពិកទីក្រុងតូក្យូ ដែលនឹងត្រូវធ្វើឡើងនៅឆ្នាំក្រោយ នឹងមានទឹកប្រាក់ប្រមាណ ៩៦០លានដុល្លារអាមេរិក។ ប៉ុន្តែបើយោងតាមប្រភពពីសារព័ត៌មាន…
ជប៉ុន ៖ គណៈកម្មាការអូឡាំពិកជប៉ុនបានប៉ាន់ប្រមាណថា ការចំណាយបន្ថែមទៅលើកម្មវិធីផ្សេងៗទាក់ទងនឹងវីរុស Covid-19 សម្រាប់ការរៀបចំព្រឹត្តិការណ៍អូឡាំពិកទីក្រុងតូក្យូ ដែលនឹងត្រូវធ្វើឡើងនៅឆ្នាំក្រោយ នឹងមានទឹកប្រាក់ប្រមាណ ៩៦០លានដុល្លារអាមេរិក។
ប៉ុន្តែបើយោងតាមប្រភពពីសារព័ត៌មាន Kyodo របស់ជប៉ុនបានរាយការណ៍កាលពីថ្ងៃទី ២៩ វិច្ឆិកា កន្លងទៅ ថា ការចំណាយសរុបក្នុងការពន្យាពេល១ឆ្នាំ សម្រាប់ព្រឹត្តិការណ៍កីឡាអូឡាំពិក នឹងអាចកើនឡើងរហូតដល់ ១,៩ពាន់លានដុល្លារអាមេរិក។
នៅពេលត្រូវបានស្នើឱ្យធ្វើអត្ថាធិប្បាយលើរបាយការណ៍នេះ អ្នកនាំពាក្យរបស់គណកម្មាការរៀបចំកម្មវិធីបានប្រាប់រ៉យទ័រ (Reuters) ថា សេចក្តីប្រកាសមួយនឹងត្រូវធ្វើឡើងលើរបាយការណ៍បណ្តោះអាសន្ន បន្ទាប់ពីមានកិច្ចពិភាក្សារវាងរដ្ឋបាលទីក្រុងតូក្យូ និងរដ្ឋាភិបាលជប៉ុន ដែលនឹងត្រូវធ្វើឡើងនាថ្ងៃទី ២ ធ្នូ ខាងមុខនេះ។
សូមរំលឹកថា កាលពីខែធ្នូ ឆ្នាំ២០១៩ គណៈកម្មាធិការរៀបចំព្រឹត្តិការណ៍នេះ បានបង្ហាញតួលេខថវិកាចំណាយសរុបសម្រាប់ព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ មានចំនួន ១៣ពាន់លានដុល្លារ មុនពេលវាត្រូវបានពន្យាពេលដោយសារការផ្ទុះឡើងនៃវីរុស COVID-19 ។
សូមបញ្ជាក់ថា ព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ នឹងត្រូវធ្វើពិធីបើកនាថ្ងៃទី ២៣ កក្កដា និងបិទនាថ្ងៃទី ៨ សីហា ឆ្នាំ ២០២១ តាមកាលវិភាគថ្មី៕ (ដកស្រង់ចេញពី Reuters)
ចែករំលែកព័តមាននេះ