លោកត្រាំថា លោកនឹងមិនផ្លាស់ប្ដូរជំហរឡើយ
សហរដ្ឋអាមេរិក ៖ លោកដូណាល់ ត្រាំ កាលពីថ្ងៃទី២៩ ខែវិច្ឆិកា ឆ្នាំ២០២០ បានធ្វើបទសម្ភាសន៍មួយជាមួយទូរទស្សន៍ FOX NEWS…
សហរដ្ឋអាមេរិក ៖ លោកដូណាល់ ត្រាំ កាលពីថ្ងៃទី២៩ ខែវិច្ឆិកា ឆ្នាំ២០២០ បានធ្វើបទសម្ភាសន៍មួយជាមួយទូរទស្សន៍ FOX NEWS…
សហរដ្ឋអាមេរិក ៖ លោកដូណាល់ ត្រាំ កាលពីថ្ងៃទី២៩ ខែវិច្ឆិកា ឆ្នាំ២០២០ បានធ្វើបទសម្ភាសន៍មួយជាមួយទូរទស្សន៍ FOX NEWS ដែលជាបទសម្ភាសន៍លើកដំបូងរបស់លោក ចាប់តាំងពីការបោះឆ្នោតប្រធានាធិបតីពីដើមខែវិច្ឆិកាមក។
ក្នុងបទសម្ភាសន៍នោះលោកត្រាំអះអាងថា លោកនឹងមិនផ្លាស់ប្ដូរជំហរលោកឡើយលើការចោទប្រកាន់របស់លោក ដែលគ្មានភស្ដុតាងពីការក្លែងបន្លំក្នុងការបោះឆ្នោត ដែលលទ្ធផលលោកបានចាញ់គូប្រជែងនៃគណបក្សប្រជាធិបតេយ្យលោកចូបៃដិន។
លោកអះអាងថា គ្មាននរណាម្នាក់អាចធ្វើឲ្យខ្ញុំផ្លាស់ប្ដូរជំហរឡើយ។ ខ្ញុំនឹងមិនផ្លាស់ប្ដូរជំហរក្នុងរយៈពេល៦ខែ ។ ការបោះឆ្នោតនោះជាការក្លែងបន្លំ បើមិនដូច្នោះទេយើងគឺជាអ្នកឈ្នះដ៏ទូលំទូលាយ។
លោកដូណាល់ ត្រាំ បានលើកជាថ្មីអស់ពេលដល់៤៥នាទី ការចោទប្រកាន់របស់លោកពីការក្លែងបន្លំទ្រង់ទ្រាយធំ ដែលនាំឲ្យលោកមិនជាប់ឆ្នោតជាថ្មី។
ទោះបីមានការចោទប្រកាន់ផ្ទួនៗរបស់លោកត្រាំ បណ្ដាមេធាវីរបស់លោក ទទួលរងរួចហើយនូវបរាជ័យខាងផ្លូវច្បាប់ជាង២០លើករួចហើយក្នុងទូទាំងប្រទេស ដោយបរាជ័យខាងផ្លូវច្បាប់ចុងក្រោយ គឹនៅរដ្ឋផេនស៊ីលវេនៀ ដែលនៅរដ្ឋនោះតុលាការកំពូលរដ្ឋ បានបដិសេធកាលពីថ្ងៃទី២៨ វិច្ឆិកា បណ្ដឹងថ្មី របស់ក្រុមឃោសនាបោះឆ្នោតរបស់លោក ដែលបែបនោះនាំឲ្យលទ្ធភាពនៃការប្រែប្រួលលទ្ធផលបោះឆ្នោតក្លាយទៅស្ទើរតែសូន្យ៕
ចែករំលែកព័តមាននេះ