ដឹងលទ្ធផលហើយ! ជំនួប Tyson និង Roy បញ្ចប់នាប៉ុន្មានម៉ោងមុននេះ (វីដេអូ)
សហរដ្ឋអាមេរិក ៖ ការប្រកួតរវាងអតីតម្ចាស់ខ្សែក្រវាត់ទម្ងន់ធ្ងន់ពិភពលោក Mike Tyson នឹង អតីតម្ចាស់ជើងឯកពិភពលោក ៤ប្រភេទទម្ងន់ផ្សេងគ្នា Roy Jones…
សហរដ្ឋអាមេរិក ៖ ការប្រកួតរវាងអតីតម្ចាស់ខ្សែក្រវាត់ទម្ងន់ធ្ងន់ពិភពលោក Mike Tyson នឹង អតីតម្ចាស់ជើងឯកពិភពលោក ៤ប្រភេទទម្ងន់ផ្សេងគ្នា Roy Jones…
សហរដ្ឋអាមេរិក ៖ ការប្រកួតរវាងអតីតម្ចាស់ខ្សែក្រវាត់ទម្ងន់ធ្ងន់ពិភពលោក Mike Tyson នឹង អតីតម្ចាស់ជើងឯកពិភពលោក ៤ប្រភេទទម្ងន់ផ្សេងគ្នា Roy Jones Jr. ដែលជាកម្មវិធីប្រកួតសប្បុរសធម៌មួយក្នុងថ្ងៃ « Thanksgiving» ដែលបានបញ្ចប់ទៅនៅប៉ុន្មានម៉ោងមុននេះបន្តិច (ម៉ោងនៅសហរដ្ឋអាមេរិក) ដោយលទ្ធផលស្មើគ្នា។
បន្ទាប់ពីបញ្ចប់ការប្រកួតដែលមាន៨ទឹក ក្រុមប្រឹក្សាអាជ្ញាកណ្តាលពិភពលោកក្រៅផ្លូវការរបស់ WBC ដែលត្រូវបានបង្កើតឡើង ដោយជ្រើសយកអតីតអ្នកប្រដាល់៣រូប ដើម្បីចង់ដឹងពីពិន្ទុនៃសមត្ថភាពរបស់កីឡាករទាំង២រូប។ ដោយក្នុងនោះ Mike Tyson ទទួលបានពិន្ទុ ៧៩-៧៣ ពីលោកស្រី Christy Martin។ ប៉ុន្តែលោក Vinny Paz បានផ្តល់ឱ្យ Roy Jones Jr. នូវពិន្ទុសរុប ៨០-៧៦។ ដោយឡែកលោក Chad Dawson បានសម្រេចផ្តល់ឱ្យកីឡាករទាំង២នូវពិន្ទុស្មើគ្នា ៧៦-៧៦។ ដូច្នេះបើយើងមើលពីពិន្ទុសរុប Mike Tyson មានប្រៀបជាង Roy Jones Jr.។
គូសបញ្ជាក់ថា មុនការប្រកួតដែលត្រូវធ្វើឡើងនៅឯមជ្ឈមណ្ឌល Staples ក្នុងទីក្រុងឡូសអាន់ជ័រលេស (Los Angeles) រដ្ឋកាលីហ្វ័រញ៉ា (California) បានកើតឡើង ច្បាប់ខុសៗគ្នាមួយចំនួនត្រូវបានបង្កើតឡើង ដោយក្នុងនោះ កីឡាករទាំង២មិនត្រូវបានអនុញ្ញាតផ្តួលគ្នាឱ្យសន្លប់នោះទេ។ មិនមានចៅក្រមផ្លូវការនៅជុំវិញសង្វៀនប្រកួតឡើយ ដូច្នេះមានន័យថា គ្មានអ្នកឈ្នះត្រូវបានប្រកាសសម្រាប់ការប្រកួតដែលមាន ៨ទឹក និងរយៈពេល ២នាទី ក្នុង ១ទឹក នេះឡើយ។ មួយវិញទៀត កីឡាករទាំង២មិនចាំបាច់ពាក់មួកការពារក្បាលឡើយ ប៉ុន្តែតម្រូវឱ្យពាក់ស្រោមដៃ 12oz ដែលធំជាងនិងមានប៉ុងក្រាស់ជាស្រោមដៃធម្មតាក្នុងប្រដាល់សេរី៕ (ដកស្រង់ចេញពី Sky Sports)
ចែករំលែកព័តមាននេះ