គ្រាប់មិនទាន់ផ្ទុះជាច្រើនត្រូវបានរកឃើញក្នុងជំរំហ្វឹកហាត់ក្រុម Roma
អ៊ីតាលី ៖ ក្លិបបាល់ទាត់ AS Roma នៅលីគកំពូលអ៊ីតាលី បានចេញសេចក្តីប្រកាសមួយកាលពីថ្ងៃទី ២៨ វិច្ឆិកា កន្លងទៅ…
អ៊ីតាលី ៖ ក្លិបបាល់ទាត់ AS Roma នៅលីគកំពូលអ៊ីតាលី បានចេញសេចក្តីប្រកាសមួយកាលពីថ្ងៃទី ២៨ វិច្ឆិកា កន្លងទៅ ដោយបញ្ជាក់ថា កងទ័ពអ៊ីតាលីត្រូវបានហៅឱ្យទៅកាន់ជំរំហ្វឹកហាត់របស់ក្លិបមួយនេះ បន្ទាប់ពីគ្រាប់មិនទាន់ផ្ទុះសល់ពីសម័យសង្គ្រាមលោកលើកទី២ មួយចំនួន ត្រូវបានរកឃើញនៅទីនោះ។
ក្លិបបានចេញសេចក្តីប្រកាសមួយ នៅលើបណ្តាញសង្គមធ្វីតធឺ (Twitter) របស់ខ្លួនថា «សូមថ្លែងអំណរគុណយ៉ាងជ្រាលជ្រៅដល់កងទ័ពនៃប្រទេសអ៊ីតាលី និងក្រុមបោសសំអាត់គ្រាប់មិនទាន់ផ្ទុះ បន្ទាប់ពីពួកគេបានដកយកគ្រាប់មិនទាន់ផ្ទុះសល់ពីសម័យសង្គ្រាមលោកលើកទី២ មួយចំនួន ចេញពីមជ្ឈមណ្ឌលបណ្តុះបណ្តាលរបស់យើង នៅឯ Trigoria»។
បើយោងតាមកាសែត Il Messaggero របស់អ៊ីតាលីបានឱ្យដឹងថា មានគ្រាប់មិនទាន់ផ្ទុះប្រហែល ២០គ្រាប់ត្រូវបានរកឃើញ អំឡុងពេលក្រុមការងារ កំពុងធ្វើការកែលំអកន្លែងមួយចំនួនក្នុងជំរំហ្វឹកហាត់នោះ៕
ចែករំលែកព័តមាននេះ