ផ្លាស់ប្តូរមន្ត្រី ស្ថានីយជញ្ជីងអចល័ត នៅខេត្តស្វាយរៀង និងខេត្តកំពង់ស្ពឺ
រាជធានីភ្នំពេញ ៖ នៅថ្ងៃទី២៤ ខែវិច្ឆិកា ឆ្នាំ២០២០ ឯកឧត្តម សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍នៃគណៈកម្មាធិការ…
រាជធានីភ្នំពេញ ៖ នៅថ្ងៃទី២៤ ខែវិច្ឆិកា ឆ្នាំ២០២០ ឯកឧត្តម សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍នៃគណៈកម្មាធិការ…
រាជធានីភ្នំពេញ ៖ នៅថ្ងៃទី២៤ ខែវិច្ឆិកា ឆ្នាំ២០២០ ឯកឧត្តម សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍នៃគណៈកម្មាធិការ ដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ អមដំណើរដោយ ឯកឧត្តមអនុរដ្ឋលេខាធិការទទួលបន្ទុក លោកប្រធានលេខាធិការដ្ឋាន បានអញ្ជើញចុះទៅប្រកាស ផ្លាស់ប្តូរសមាសភាពមន្ត្រីត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ នៅស្ថានីយជញ្ជីងបាវិត-ខេត្តស្វាយរៀង និងស្ថានីយជញ្ជីងពោធិ៍ថ្មី- ខេត្តកំពង់ស្ពឺ ។
បើយោងតាមផេកផ្លូវការរបស់ក្រសួងសាធារណការ និងដឹកជញ្ជូន បានអោយដឹងថា ការផ្លាស់ប្តូរ និងតែងតាំងមន្ត្រីថ្មី មកបម្រើការក្នុងស្ថានីយជញ្ជីង ក្នុងគោលបំណងឱ្យមន្ត្រីទទួលបានការផ្លាស់ប្តូរ និងចែករំលែកបទពិសោធន៍ដល់មន្ត្រីថ្មីៗ និងពង្រឹងប្រសិទ្ធភាព នៃការអនុវត្តការងារទប់ស្កាត់ការដឹកជញ្ជូនលើសទម្ងន់កម្រិតកំណត់ របស់មន្ត្រីតាមស្ថានីយនីមួយៗ ឲ្យកាន់តែមានប្រសិទ្ធភាព ។
គួរបញ្ជាក់ផងដែរថា ថ្មីៗកន្លងមកនេះ គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ក៏បានធ្វើការផ្លាស់ប្តូរ សមាសភាពមន្ត្រី នៃស្ថានីយប្រាសាទ- ខេត្តកំពង់ធំ និងស្ថានីយពួក- ខេត្តសៀមរាប ផងដែរ ។
សូមជម្រាបថា ការចុះឆ្មក់ និងត្រួតពិនិត្យទាំងយប់ លើរថយន្តដឹកជញ្ជូនលើសទម្ងន់កម្រិតកំណត់ នាវេលាម៉ោង ២យប់រំលងអធ្រាត្រ ដល់ ម៉ោង៤ទៀបភ្លឺ ឈានចូលថ្ងៃទី១៧ ខែវិច្ឆិកា ឆ្នាំ២០២០ ដឹកនាំដោយ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ក្នុងភូមិសាស្ត្រខេត្តកំពង់ចាម ឃាត់បានរថយន្តដឹកលើសទម្ងន់២៩គ្រឿង ៕
https://www.facebook.com/mpwt.gov.kh/videos/442674027136072
ចែករំលែកព័តមាននេះ