ADផ្ទាំងផ្សព្វផ្សាយពាណិជ្ជកម្ម

Picture

ជិះម៉ូតូ​​ដឹក​កង្ហារពីមុខ លុះទាក់​ដៃចង្កូតរ៉េចុះឡើងៗ ជួបគ្រោះ​ត្រឹម​មួយប៉ប្រិចភ្នែក​

3 ឆ្នាំ មុន
  • ភ្នំពេញ

​រាជធានីភ្នំពេញ ៖ តាមសេចក្តីរាយការណ៍បឋមបាន​ឱ្យ​ដឹង​ថា មានករណីគ្រោះថ្នាក់ចរាចរណ៍ ​រវាង​រថយន្តបែនយីឌុប​ដឹកដីខ្សាច់​ បានកៀរម៉ូតូមួយគ្រឿង បណ្តាល​ឱ្យដួលហើយកិនអ្នកបើកបរម៉ូតូ​បែកពោះធ្លាយគ្រឿងក្នុង ​បាត់បង់ជីវិតភ្លាមៗនៅនឹងកន្លែង ។​ ហេតុការណ៍​ខាងលើនេះ​បានកើតឡើងកាលពីវេលាម៉ោង​​៨​និង​១៥នាទីព្រឹកថ្ងៃទី​​២៥…

​រាជធានីភ្នំពេញ ៖ តាមសេចក្តីរាយការណ៍បឋមបាន​ឱ្យ​ដឹង​ថា មានករណីគ្រោះថ្នាក់ចរាចរណ៍ ​រវាង​រថយន្តបែនយីឌុប​ដឹកដីខ្សាច់​ បានកៀរម៉ូតូមួយគ្រឿង បណ្តាល​ឱ្យដួលហើយកិនអ្នកបើកបរម៉ូតូ​បែកពោះធ្លាយគ្រឿងក្នុង ​បាត់បង់ជីវិតភ្លាមៗនៅនឹងកន្លែង ។​

ហេតុការណ៍​ខាងលើនេះ​បានកើតឡើងកាលពីវេលាម៉ោង​​៨​និង​១៥នាទីព្រឹកថ្ងៃទី​​២៥ វិច្ឆិកា ឆ្នាំ​២០២០ ត្រង់ចំណុចផ្សារ​បុរីសន្តិភាព តាម​បណ្តោយផ្លូវ៣០ម៉ែត្រ ស្ថិតក្នុងភូមិ​ដំណាក់ត្រយឹង សង្កាត់ចោមចៅទី២ ខណ្ឌ​ពោធិសែនជ័យ រាជធានីភ្នំពេញ ។​

ជនរងគ្រោះឈ្មោះអឿន ចិន្តា ភេទប្រុស អាយុ​២៩​ឆ្នាំ មានស្រុកកំណើតនៅ​ឃុំព្រែកគយ ស្រុកស្អាង ខេត្តកណ្តាល និង​មានអាសយដ្ឋាន​នៅ​ភូមិព្រែករុន ឃុំព្រែកគយ ស្រុកស្អាង ខេត្តកណ្តាល ជា​អ្នក​បើកបរ​ម៉ូតូ​មួយគ្រឿង ម៉ាកភីស៊ីអិច ពណ៌ស ពាក់ស្លាកលេខ ភ្នំពេញ ១IG-០១៩៣ ។ ចំណែក​រថយន្ត​បែនយីឌុបដឹកខ្សាច់​មួយគ្រឿង​ខាងលើ ម៉ាកហ៊ីយ៉ាន់​ដាយ ពណ៌ស ពាក់ស្លាកលេខ ភ្នំពេញ ៣E-២១៥៦ អ្នកបើកបរមិនស្គាល់អត្តសញ្ញាណ បានរត់គេចខ្លួនបាត់ ។​

តាមសេចក្តីរាយការណ៍​បឋមបាន​បន្ត​ថា មុនពេលកើតហេតុ រថយន្ត​ និង​ម៉ូតូ​ខាងលើ​បើកបរ​ក្នុងទិសដៅស្របគ្នា​ពីលិចទៅកើត​ ដោយអ្នកបើកបរម៉ូតូជិះអែប​ខាងៗ​ ដោយរថយន្តបើកលឿន​ លុះមកដល់ចំណុចកើតហេតុ ស្រាប់តែ​រថយន្ត​ក៏បាន​កៀរម៉ូតូ​ដួលចូលក្រោមកង់​កិន បណ្តាលឱ្យ​បែកពោះធ្លាយគ្រឿង​ក្នុង​បាត់បង់ជីវិត​នៅនឹងកន្លែង បន្ទាប់ពីកើតហេតុ រថយន្ត​​ដឹកខ្សាច់​​បាន​បើក​បន្តដំណើរ​ទៅ​មុខ​បាន​ចម្ងាយ​ប្រមាណ​ជាង​១០០​ម៉ែត្រ​ទើប​ឈប់​ រួច​អ្នកបើកបរ​បាន​ចុះ​រត់គេច​ខ្លួន​ទៅ​បាត់​ស្រមោលតែម្តង ។​

តាមប្រភពពីអ្នកឃើញហេតុការណ៍​នៅកន្លែងកើតហេតុបាន​ឱ្យ​ដឹង​ថា មុនពេលកើតហេតុ គេឃើញ​ជនរងគ្រោះបើកបរម៉ូតូ​ដោយ​មានដឹកកង្ហារ​មួយគ្រឿង​ដាក់​ពីមុខ ធ្វើដំណើរក្នុង​ល្បឿនលឿន ក្នុង​ទិសដៅពី​លិចទៅកើត លុះមកដល់​ចំណុចកើតហេតុ​ខាងលើ​ ស្រាប់តែកង្ហារនោះទាក់ជាមួយដៃចង្កូតម៉ូតូ បណ្តាលឱ្យ​រ៉េចង្កូតម៉ូតូ​ចុះឡើងៗ ហើយ​ជនរងគ្រោះ​ក៏បានជាន់ហ្វ្រាំងឈប់ទាំង​ប្រថុចញ៉ុច បណ្តាល​ឱ្យ​ដួលម៉ូតូ​​ ស្រប​ពេលនោះ​រថយន្ត​ដឹកខ្សាច់មកពីក្រោយក៏​បាន​កិន ​បណ្តាល​ឱ្យ​​បាត់បង់ជីវិតភ្លាម​ៗនៅនឹងកន្លែងតែម្តង ។​

​ក្រោយពេលកើតហេតុ ​កម្លាំង​នគរបាល​ប៉ុស្តិ៍​ចោម​ចៅ​ទី​២ និង​នគរបាល​ចរាចរ​ខណ្ឌ​ពោធិ៍​សែន​ជ័យ បាន​ចុះ​ទៅ​កាន់​កន្លែង​កើតហេតុ​ស្រាវជ្រាវ​រក​ក្រុម​គ្រួសារ ​ប៉ុន្តែ​ភ្លាម​ៗ​នោះ​រក​មិនឃើញ​សោះ ​​ដោយ​នៅ​ក្នុង​កាបូបរបស់​​ជន​រង​គ្រោះ​មាន​ទូរស័ព្ទ​ជា​ច្រើ​ន​គ្រឿង​ តែ​ពេល​ខ​ល​ទៅ​អត់​មាន​អ្នក​ស្គាល់​ឡើយ ចំណែក​ម្ដាយក្មេក​ជន​រង​គ្រោះ​ពេល​ឮ​ដំណឹង​ថា​មាន​អ្នក​ស្លា.ប់​ដោយ​គ្រោះថ្នាក់​ចរាចរ​ក៏​បាន​ទៅ​មើល​មួយ​ភ្លែត​រួច​ក៏​ចាកចេញ​ទៅ​វិញ​។​

ប៉ុន្តែ​ភ្លាម​ៗ​នោះ​គាត់​មើល​មិន​ស្គាល់​ថា​ជា​កូនប្រសារ​របស់​គាត់​ទេ លុះ​២​ម៉ោង​ក្រោយមក ទើប​ដឹង​និង​ស្គាល់​ ​យំសោក​សង្រេង​យ៉ាង​ខ្លាំង ហើយ​បាន​នាំ​សាកសព​ទៅ​ធ្វើបុណ្យ​តាម​ប្រពៃណី ចំណែក​រថយន្ត​ត្រូវ​បាន​នគរបាល​នាំ​យក​ទៅ​រក្សា​ទុក​រង់ចាំ​ចាត់ការ​តាម​ច្បាប់​ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា​)

អត្ថបទសរសេរ ដោយ

កែសម្រួលដោយ