វៀតណាមបដិសេធសំណើផ្លាស់ប្តូរដីព្រៃចំនួន៣ ដើម្បីធ្វើអាជីវកម្មរ៉ែ
ហាណូយ៖ ក្រសួងកសិកម្មនិងអភិវឌ្ឍន៍ជនបទ (MARD) បានបដិសេធសំណើនានាពីខេត្ត BìnhThuận ខេត្តQuảng Nam និងខេត្ត Ninh Bình…
ហាណូយ៖ ក្រសួងកសិកម្មនិងអភិវឌ្ឍន៍ជនបទ (MARD) បានបដិសេធសំណើនានាពីខេត្ត BìnhThuận ខេត្តQuảng Nam និងខេត្ត Ninh Bình…
ហាណូយ៖ ក្រសួងកសិកម្មនិងអភិវឌ្ឍន៍ជនបទ (MARD) បានបដិសេធសំណើនានាពីខេត្ត BìnhThuận ខេត្តQuảng Nam និងខេត្ត Ninh Bình សម្រាប់ការយកដីព្រៃដើម្បីប្រើប្រាស់សម្រាប់គម្រោងជាច្រើននោះ ។
គម្រោងទាំងនោះរួមមានការធ្វើអាជីវកម្មថ្មកំបោរនៅ Ninh Bình គម្រោងថាមពលខ្យល់ហាថាំង ១,២ នៅ Bình Thuận និងគម្រោងកសាងផ្លូវទៅកាន់តំបន់ផលិតកម្មយិនសិន Ngọc Linh នៅស្រុក Nam Trà My នៃខេត្ត Quảng Nam ។
នៅក្នុងឯកសារដែលបានផ្ញើទៅគណៈកម្មាធិការប្រជាជនខេត្ត Ninh Bình, ក្រសួងកសិកម្មនិងអភិវឌ្ឍន៍ជនបទ របស់វៀតណាម បាននិយាយថាការផ្លាស់ប្តូរព្រៃធម្មជាតិដែលត្រូវបានគេកំណត់ថាជាព្រៃប្រើប្រាស់ពិសេសនិងព្រៃការពារសម្រាប់ធ្វើសកម្មភាពធ្វើអាជីវកម្មរ៉ែ ត្រូវបានហាមឃាត់ដោយក្រឹត្យលេខ ៨៣ / ២០២០ / NĐ-CP ។
ប្រភពដដែលបានបន្តថា គម្រោងនេះមិនបានបំពេញតាមលក្ខណៈវិនិច្ឆ័យសម្រាប់ការបំលែងទៅគោលបំណងផ្សេងទៀតទេ។ មុននេះគណៈកម្មាធិការប្រជាជនខេត្តបានដាក់ជូនផែនការផ្លាស់ប្តូរដីព្រៃដើម្បីអនុវត្តគម្រោងរុករកថ្មកំបោរសម្រាប់ការផលិតរោងចក្រស៊ីម៉ងត៍ Duyên Hà ។ ខេត្តនេះចង់ផ្លាស់ប្តូរដីព្រៃ ចំនួន ៣៨,១៧ ហិកតានៃដីព្រៃការពារធម្មជាតិ។ ចំណែកសំណើររបស់គណៈកម្មាធិការប្រជាជនខេត្ត Bình Thu ton ដើម្បីស្នើប្តូរដីព្រៃដើម្បីអនុវត្តគម្រោងថាមពលខ្យល់កម្លាំង ១,២ ត្រូវបានបដិសេធដោយហេតុផលស្រដៀងគ្នានេះផងដែរ ។
ក្រសួងកសិកម្មនិងអភិវឌ្ឍន៍ជនបទ បាននិយាយថាបន្ទាប់ពីមានដំណោះស្រាយរបស់រដ្ឋាភិបាលស្តីពីការប្រើប្រាស់ដីធ្លីសម្រាប់ឆ្នាំ ២០១៦-២០២០ ការបែងចែកដីសម្រាប់គម្រោងគឺ ៦០ ហិកតា។ ប៉ុន្តែខេត្តនេះគ្រាន់តែលើកឡើងថាមានដីចំនួន ២៩ ហិកតាក្នុងចំណោមផ្ទៃដីសរុប ៤៥.៤១ ហិកតានៃគម្រោងគឺជាព្រៃធម្មជាតិហើយព័ត៌មានអំពីសេសសល់បន្ថែមមិនត្រូវបានអាជ្ញាធរខេត្តបង្ហើបឱ្យដឹងនោះទេ។
ដោយសារតែវាមិនបំពេញតាមតម្រូវការសំណើរនេះមិនត្រូវបានគេបញ្ជូនទៅលោកនាយករដ្ឋមន្ត្រីង្វៀនសួនផុក (Nguyễn Xuân Phúc) ដែលសំរេចចិត្តលើការបំលែងការប្រើប្រាស់ព្រៃឈើទេ។
ការផ្លាស់ប្តូរដីសម្រាប់គម្រោងសាងសង់ផ្លូវទៅកាន់តំបន់ផលិតកម្មយិនស៊ិន Ngoc Linh តាមបណ្តោយផ្លូវម៉ងឡេង – កឡីក្នុងខេត្តកណ្តាល Quảng Nam ត្រូវបានគេបដិសេធដោយសារហេតុផលជាច្រើន ។ ក្រសួង MARD បាននិយាយថាគណៈកម្មាធិការប្រជាជនខេត្តមិនបានបញ្ជាក់ច្បាស់ពីតំបន់ព្រៃធម្មជាតិនៃតំបន់អភិរក្សធម្មជាតិ Ngọc Linh ដែលត្រូវបានគេសន្មត់ថានឹងធ្វើការផ្លាស់ប្តូរនោះទេ។ ដូច្នេះមិនមានមូលហេតុដើម្បីកំណត់ថាតើគម្រោងនេះបានឆ្លើយតបនឹងលក្ខណៈវិនិច្ឆ័យសម្រាប់ការបំលែងដីធ្លីឬអត់ ៕ (កែសម្រួលដោយ ៖ ធីតា)
ចែករំលែកព័តមាននេះ