សារធាតុម្យ៉ាងនឹងមិនរាប់បញ្ចូលក្នុងតេស្តរកសារធាតុញៀនរបស់ Tyson និង Roy ឡើយ
សហរដ្ឋអាមេរិក ៖ យោងតាមរបាយការណ៍មួយបានអះអាងថា ការធ្វើតេស្តរកសារធាតុញៀន មុនការប្រកួតរបស់ Mike Tyson តទល់នឹង Roy Jones…
សហរដ្ឋអាមេរិក ៖ យោងតាមរបាយការណ៍មួយបានអះអាងថា ការធ្វើតេស្តរកសារធាតុញៀន មុនការប្រកួតរបស់ Mike Tyson តទល់នឹង Roy Jones…
សហរដ្ឋអាមេរិក ៖ យោងតាមរបាយការណ៍មួយបានអះអាងថា ការធ្វើតេស្តរកសារធាតុញៀន មុនការប្រកួតរបស់ Mike Tyson តទល់នឹង Roy Jones Jr នឹងមិនរាប់បញ្ចូលសារធាតុកញ្ឆា (Marijuana) ឡើយ ។
យោងតាមការអះអាងពីគេហទំព័រ BoxingScene បានឱ្យដឹងថាកីឡាករទាំង២ នឹងត្រូវអនុវត្តការធ្វើតេស្តប្រឆាំងនឹងការប្រើប្រាស់សារធាតុញៀនរបស់ VADA មុនការប្រកួតដែលជាការវិលត្រឡប់ឡើងសង្វៀនជាថ្មីម្តងទៀត របស់កំពូលអ្នកប្រដាល់អាមេរិកទាំង២រូប ដែលនឹងធ្វើឡើងនាថ្ងៃទី ២៨ វិច្ឆិកា ឆាប់ៗខាងមុខនេះ នៅឯមជ្ឈមណ្ឌល Staples ក្នុងទីក្រុងឡូសអាន់ជ័រលេស (Los Angeles) រដ្ឋកាលីហ្វ័រញ៉ា (California) ។ ខណៈដែលគេហទំព័រដដែលក៏បានបញ្ជាក់ថា ការធ្វើតេស្តលើកីឡាករទាំង២រូប នឹងមិនរាប់បញ្ចូលសារធាតុកញ្ឆានោះឡើយ។
សូមបញ្ជាក់ថា នៅប៉ុន្មានឆ្នាំថ្មីៗនេះ Mike Tyson បានក្លាយជាអ្នកតស៊ូមតិដ៏ខ្លាំងក្លាមួយរូប សម្រាប់ការផលិតកញ្ឆា ហើយក៏បានបើកដំណើរការក្រុមហ៊ុនដាំដុះកញ្ឆាផ្ទាល់ខ្លួន ដែលត្រូវបានគេស្គាល់ថា «Tyson Holistic Holdings»។ អតីតម្ចាស់ជើងឯកទម្ងន់ធ្ងន់ពិភពលោករូបនេះ ក៏ធ្លាប់បានសារភាពថា ខ្លួនបានចំណាយប្រាក់ជាង ៤ម៉ឺនដុល្លារក្នុងមួយខែទៅលើការជក់កញ្ឆា៕ (ដកស្រង់ចេញពី The Sun)
ចែករំលែកព័តមាននេះ