សហរដ្ឋអាមេរិក ៖ លោក DONALDTRUMP JR កូនប្រុសច្បងរបស់ប្រធានាធិបតីអាមេរិក លោកដូណាល់ត្រាំធ្វើតេស្តឃើញលទ្ធផលវិជ្ជមាននៃការឆ្លងវីរុស COVID-19 តែអ្នកនាំពាក្យលោកប្រកាសនាយប់ថ្ងៃទី២០ វិច្ឆិកាថាលោក…
សហរដ្ឋអាមេរិក ៖ លោក DONALDTRUMP JR កូនប្រុសច្បងរបស់ប្រធានាធិបតីអាមេរិក លោកដូណាល់ត្រាំធ្វើតេស្តឃើញលទ្ធផលវិជ្ជមាននៃការឆ្លងវីរុស COVID-19 តែអ្នកនាំពាក្យលោកប្រកាសនាយប់ថ្ងៃទី២០ វិច្ឆិកាថាលោក ពុំទាន់មានរោគសញ្ញានានានៅឡើយ ។
តាម TWITTER ប្រធានាធិបតីចប់អាណត្តិអាមេរិកលោកដូនណាល់ ត្រាំ ដែលខ្លួនលោកផ្ទាល់ធ្លាប់ឆ្លងវីរុសនោះដែរ រហូតដល់បញ្ជូនទៅកាន់មន្ទីរពេទ្យអស់៣យប់កាលពីដើមខែតុលានោះ អះអាងនាថ្ងៃទី២១ វិច្ឆិកាថា កូនប្រុសរបស់ខ្ញុំ DONALD TRUMP JR នឹងមានសុខភាពល្អ
បំផុត ។ លោកDONALD TRUMP JR ត្រូវបានធ្វើតេស្តកាលពីដើមសប្ដាហ៍មុន ហើយចាប់តាំងពីពេលនោះមកលោកត្រូវស្ថិតក្នុងការធ្វើចត្តាឡីស័កក្នុងផ្ទះ ។ តាមអ្នកនាំពាក្យលោកថា លោកមិនមានរោគសញ្ញាណាមួយ និងត្រូវធ្វើតាមការណែនាំរបស់បណ្ដាក្រុមគ្រូពេទ្យ ។
ចំណែកលោក ANDREW GIULIANI កូនប្រុសរបស់មេធាវីលោកដូណាល់ ត្រាំ គឺលោក RU
DY GIULIANI ក៏អះអាងថា ខ្លួនលោកធ្វើតេស្តឃើញលទ្ធផលវិជ្ជមាននៃការឆ្លងវីរុស COVID-19 ដែរកាលពីថ្ងៃទី១៩ វិច្ឆិកា ។
ភរិយាលោកត្រាំលោកស្រីមីឡានីញ៉ាក៏ជាអ្នកឆ្លងវីរុសនោះដែរកាលពីខែតុលា ក៏ដូចជាកូនប្រុស BARRON ដែលពុំមានលេចរោគសញ្ញា ។
សហរដ្ឋអាមេរិកដែលការឆ្លងរាលដាលនៃវីរុសនោះកំពុងតែខ្លាំងក្លានោះ ចំនួនអ្នកឆ្លងគិតដល់
ថ្ងៃទី២១ វិច្ឆិកា មានលើសពី១២លាននាក់ហើយ ។
នេះបើតាមការអះអាងរបស់សាកលវិទ្យាល័យចនហុបគីន ។ មហាអំណាចពិភពលោកនោះជាប្រទេសរងការប៉ះពាល់ខ្លាំងជាងគេដោយសារវីរុសមកដល់ថ្ងៃទី២១ វិច្ឆិកា វេលារសៀល ចំនួន
អ្នកឆ្លងបានកើនដល់១២.០១៩.៩៦០នាក់ ។ អ្នកឆ្លងដល់១លាននាក់កត់សម្គាល់ឃើញ ក្នុងប្រទេសនោះមិនដល់១សប្ដាហ៍ចុងក្រោយនេះផង ។ ការឆ្លងបណ្ដាលឲ្យមានអ្នកស្លា.ប់នៅទីនោះដល់ជាង២៥៦.០០០នាក់ ។
ប្រឈមមុខនឹងការឆ្លងខ្លាំងបែបនេះ ពលរដ្ឋអាមេរិកត្រូវបានស្នើឲ្យផ្អាកការធ្វើដំណើរជួបជុំគ្នាឬដើរកម្សាន្តសម្រាប់បុណ្យTHANKSGIVING ដែលនឹងមកដល់នាថ្ងៃទី២៦ វិច្ឆិកា ។ នោះជាបុណ្យជួបជុំគ្រួសារដ៏ធំនៅសហរដ្ឋអាមេរិក ដោយនាឱកាសនោះតាមប្រពៃណីមានការធ្វើដំណើរតាមយន្តហោះ និងតាមរថយន្តច្រើនបំផុត ។
នៅលើពិភពលោកចំនួនអ្នកឆ្លងវីរុសនោះមកដល់ថ្ងៃទី២១ វិច្ឆិកា បានកើនដល់ជាង៥៧,៧
លាននាក់ និងអ្នកស្លា.ប់ជាង១,៣៧លាននាក់ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ