អន្តរជាតិ ៖ ការទប់ស្កាត់ ការរីករាលដាលនៃមេរោគឆ្លង បង្កឡើងដោយកូវីដ-១៩ ចាប់តាំងពីដើមខែមេសា ឆ្នាំ២០២០ កន្លងមកនេះ ត្រូវបានគណនាជារៀងរាល់សប្តាហ៍ ដោយ Bureau de Prospective Economique (BPE) នៃប្រទេសសេណេហ្គាល់ បង្ហាញថា ប្រទេសកម្ពុជា ស្ថិតនៅលំដាប់ទី៣ នៅទូទាំងពិភពលោក និងលេខ១ នៅអាស៊ី ក្នុងការគ្រប់គ្រងជំងឺនេះ បើយោងតាមកាសែតបារាំង Lepetitjournal ។
ទិន្នន័យ BPE ផ្តល់ចំណាត់ថ្នាក់ប្រទេសប្រចាំសប្តាហ៍ តាមលទ្ធផលដែលទទួលបានក្នុងការគ្រប់គ្រងវិបត្តិសុខភាព ដោយស្ថិតិផ្អែកទៅលើអត្រាការឆ្លង, ការស្លាប់ និងការព្យាបាល ដើម្បីកំណត់ថា តើប្រទេសណាដែលរងគ្រោះធ្ងន់ធ្ងរ ដោយសារ កូវីដ-១៩ ។
សូមជម្រាបថា នៅក្នុងចំណោមប្រទេសចំនួន១៦៦ ប្រទេសដែលជាប់ចំណាត់ថ្នាក់ល្អជាងគេ នៅលើពិភពលោក បានទៅលើប្រទេស Saint Kitts and Nevis ដោយឡែកចំណាត់ថ្នាក់ចុងក្រោយគេ(ទី១៦៦) គឺប្រទេសអេស្ប៉ាញ ៕
ចែករំលែកព័តមាននេះ