ប្រទេសថៃ ៖ ទាកៅស៊ូពណ៌លឿងអាចបូមបញ្ចូលខ្យល់ ដែលបណ្ដាក្មេងៗតែងនិយមលេងនៅតាមអាងហែលទឹកពេលនេះក្លាយទៅជានិមិត្តរូបនៃបាតុកម្មសិទ្ធប្រជាធិបតេយ្យនៅប្រទេសថៃ
ដែលនាសប្ដាហ៍នេះជួបប្រទះនឹងបាតុកម្មពុះកញ្ជ្រោលរបស់ពួកបាតុករ ទាមទារឲ្យនាយក
រដ្ឋមន្ត្រីលោកប្រាយុទ្ធចាន់អូចាចាកចេញពីតំណែងឲ្យមានការកែប្រែរដ្ឋធម្មនុញ្ញ និងកាត់បន្ថយអំណាចរបស់ព្រះមហាក្សត្រ ។
បាតុករស្និទ្ធប្រជាធិបតេយ្យច្រើនពាន់នាក់កាលពីថ្ងៃទី១៨ វិច្ឆិកា បានលើកគ្នាតវ៉ាដោយផ្អើន
ចំពោះអាជ្ញាធរនាកណ្ដាលក្រុងបាងកក ក្រោយការប៉ះទង្គិចគ្នាដោយហិង្សា ជាមួយកងកម្លាំងប៉ូលិសនៅមុខរដ្ឋសភាបណ្ដាលឲ្យបាតុករ៦នាក់រងរបួសដោយគ្រាប់កាំភ្លើង ។
បណ្ដាវីដេអូពីបដិវត្តន៍ទាកៅស៊ូត្រូវបានចែកចាយដ៏ទូលំទូលាយតាមបណ្ដាញសង្គម ។ តាមTWITTER អ្នកគាំទ្របាតុកម្មម្នាក់សរសេរថា ប្រសិនបើនយោបាយល្អ នោះទានឹងស្ថិតតែនៅក្នុងអាងរបស់ខ្លួន ។ ចំណែកអ្នកលេង FACEBOOK ម្នាក់ធ្វើអត្ថាធិប្បាយថា អាវុធសំខាន់របស់ពួកបាតុករគឹទាកៅស៊ូ ។ ទាជាសត្វដែលពូកែស៊ូទ្រាំបំផុត ទោះជាគេធ្វើអី្វលើក៏នៅតែញញឹមជានិច្ច ។
ទាកៅស៊ូបញ្ចូលខ្យល់ធំៗក៏ត្រូវបានប្រើជាអាវុធក្នុងបាតុកម្មប្រឆាំងលោកស្រី DILMA ROUSSEF ប្រធានាធិបតីប្រេសីុលកាលពីឆ្នាំ២០១៦ ព្រមទាំងនៅរុស្ស៊ីកាលពីឆ្នាំ២០១៧ ប្រឆាំងនាយករដ្ឋមន្ត្រីសម័យកាលនោះលោកដីមីទ្រីមេដវេដេវ ដើម្បីបរិហារលោកដែលមានភូមិគ្រឹះទំនើបៗច្រើន ក្នុងនោះមានផ្ទះមួយសម្រាប់ទានៅក្បែរបឹងមួយផង ។
នៅថៃចលនាតវ៉ាតាមដងវិថីចាប់តាំងពីរដូវក្ដៅមកទាមទារឲ្យលោកប្រាយុទ្ធ ចាន់អូចា
នាយករដ្ឋចេញពីការធ្វើរដ្ឋប្រហារឆ្នាំ២០១៤ចាកចេញពីតំំណែងឲ្យមានការកែប្រែរដ្ឋធម្មនុញ្ញដែលយល់ថាផ្អៀងទៅរកពួកយោធាខ្លាំង ។
ការតវ៉ាទាមទារជាពិសេសឲ្យលុបចោលច្បាប់ស្ដីពីការប្រមាថព្រះមហាក្សត្រដែលតឹងតែងបំផុត ឲ្យមានការត្រួតត្រាលើទ្រព្យសម្បត្តិរបស់ស្ដេច និងកុំឲ្យមានការជ្រៀតជ្រែករបស់ស្ដេចក្នុងកិច្ចការនយោបាយ ។ ចលនាតវ៉ានោះដើម្បីលទ្ធិ្ធប្រជាធិបតេយ្យក៏អះអាងដែរថា ចង់ធ្វើទំនើបកម្មដល់របបរាជានិយមថៃ តែពុំមានករណីណាមួយរំលាយរបបរាជានិយមចោលនោះឡើយ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ