ការចាក់សាក់ជាអក្សរ ឬជារូបភាពផ្សេងៗនៅលើរាងកាយត្រូវគេទទួលស្គាល់ថា ជាការពេញនិយមរបស់មនុស្សមួយចំនួនតាំងពីសម័យបុរាណរហូតមកដល់បច្ចុប្បន្ន ។ ការចាក់សាក់នេះ គឺមាន
ការចាក់សាក់ជាអក្សរ ឬជារូបភាពផ្សេងៗនៅលើរាងកាយត្រូវគេទទួលស្គាល់ថា ជាការពេញនិយមរបស់មនុស្សមួយចំនួនតាំងពីសម័យបុរាណរហូតមកដល់បច្ចុប្បន្ន ។ ការចាក់សាក់នេះ គឺមានច្រើនប្រភេទច្រើនសណ្ឋានទៅតាមចំណង់ចំណូលចិត្តរបស់បុគ្គលម្នាក់ៗ អ្នកខ្លះចាក់សាក់ដើម្បីបង្កប់នូវមន្តអាគមការពារខ្លួន ខ្លះទៀតចាក់សាក់ដើម្បីបង្ហាញពីភាពក្លាហានសង្ហា មាំមួន ។
ជាក់ស្តែង ដូចជាកីឡាករបាល់ទាត់លំដាប់ពិភពលោកទាំង១០រូបខាងក្រោមនេះ បានចាក់សាក់រូបភាពផ្សេងៗស្ទើរតែពេញរាងកាយដើម្បីបង្ហាញពីចំណង់ចំណូលចិត្តរបស់ពួកគេ ទោះបីទទួលរងនូវការឈឺចាប់ដោយមុខម្ជុលចាក់ទម្លុះស្បែករាប់ពាន់រាប់ម៉ឺនដងក្តី ។
១-កីឡាករធីម ហូវើដ ៖ ជាអ្នកចាំទីក្លិប Everton ជនជាតិអាមេរិក បានសាក់រូបនៅលើដងខ្លួន និងដើមដៃ ដោយមានរូបផ្ទៃមុខរបស់កូន និងតួអក្សរនានាពេញដងខ្លួន ។
២-កីឡាករអេហ្សេកៀល ឡាវ៉េសស៊ី ៖ ជាខ្សែប្រយុទ្ធក្លិប Paris SG ជនជាតិអាហ្សង់ទីន បានសាក់រូបនៅដើមដៃ និងដងខ្លួនដោយមានរូបពាក់ព័ន្ធនឹងសាសនា និងរូបកីឡាករឌីយេហ្គោ ម៉ារ៉ាដូណា ដែលជាកីឡាករស្ថិតក្នុងក្រអៅបេះដូងរបស់គេ ។
៣-កីឡាករស្ទីហ្វេន អៃលែន ៖ ជាខ្សែបម្រើក្លិប Stoke City ជនជាតិអៀរឡង់ បានសាក់រូបស្លាបបក្សីនៅលើខ្នង ប្រសិនបើមាននរណាម្នាក់បានឃើញពិតជាងឿងឆ្ងល់ ។
៤-កីឡាករកេវីនព្រីន បួតេង ៖ ខ្សែបម្រើជនជាតិហ្គាណា បច្ចុប្បន្នកំពុងមានបញ្ហាជាមួយក្លិប Schalke បានសាក់រូបនៅត្រង់ដើមដៃទាំងសងខាង រួមទាំងនៅបរិវេណដើមទ្រូង និងនៅត្រង់ចំហៀងខ្លួន ។
៥-កីឡាករដានី អាល់វ៉េស ៖ ខ្សែការពារជនជាតិប្រេស៊ីលរបស់ក្លិប Barcelona បានសាក់រូបទាក់ទិននឹងសាសនា រួមទាំងតួអក្សរដ៏មានអត្ថន័យ និងនៅមានឈ្មោះរបស់កូនប្រុសនៅត្រង់ដើមទ្រូងផងដែរ ។
៦-កីឡាករធៀរី ហង់រី ៖ អតីតខ្សែប្រយុទ្ធរបស់ក្លិប Arsenal បានសាក់រូបប្រកបដោយក្បូរក្បាច់នៅលើដៃទាំងសងខាងមើលទៅគួរឱ្យកោតក្រែងយ៉ាងខ្លាំង ។
៧-កីឡាកររ៉ាអ៊ូល មេរ៉េឡេស ៖ ខ្សែបម្រើជនជាតិព័រទុយហ្គាល់របស់ក្លិប Fenerbahce បានចាប់ផ្តើមសាក់រូបប្រកបដោយក្បូរក្បាច់តាំងពីអាយុ១៨ឆ្នាំ រហូតដល់បច្ចុប្បន្ន ដោយមានស្នាមសាក់នៅពេញខ្លួន និងនៅបរិវេណកកណ្តាលខ្នងមានរូបនាគ នៅត្រង់ដើមទ្រូងជារូបលលាដ៍ក្បាល និងមានសាក់រូបផ្ទៃមុខរបស់ប្រពន្ធ និងកូនស្រីនៅលើដៃ និងជើង ។
៨-កីឡាករដេនៀល អ៊ែកហ្គ័រ ៖ ជាខ្សែការពារសញ្ជាតិដាណឺម៉ាករបស់ក្លិប Brondby បានសាក់រូបពេញខ្នង និងនៅត្រង់ដើមដៃទាំងសងខាង ប៉ុន្តែគ្មានរូបសាក់នៅលើដើមទ្រូងទេ ។
៩-កីឡាករស្លាតាន អីុប្រាហ៊ីម៉ូវិច ៖ ជាខ្សែប្រយុទ្ធជនជាតិស៊ុយអែតរបស់ក្លិប Paris SG បានសាក់រូបភាព និងអក្សរផ្សេងៗពេញខ្លួនក្នុងនោះក៏មានអក្សរខ្មែរដែរ ។
១០-កីឡាករជីប្រ៊ីល ស៊ីសសេ ៖ ជាខ្សែប្រយុទ្ធស្បែកខ្មៅជនជាតិបារាំងរបស់ក្លិប Bastia បានសាក់រូបពេញដងខ្លួនមានច្រើនជាង៤០រូប និងនៅខ្នងក៏មានសាក់រូបស្លាបបក្សីផងដែរ ៕
ចែករំលែកព័តមាននេះ