ប្រទេសវៀតណាម ៖ ប្រទេស១៥នៃតំបន់អាស៊ីប៉ាស៊ីហ្វិកបានបង្កើតកាលពីថ្ងៃទី១៥ វិច្ឆិកា នូវប្លុកផ្លាស់ប្ដូរសេរីដ៏ធំបំផុតមួយនៃពិភពលោក ដែលកិច្ចព្រមព្រៀងនោះជួយទ្រទ្រង់ដោយប្រទេសចិន និងពុំមានសហរដ្ឋអាមេរិកចូលរួម ។ ការចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចតំបន់ជាសកលនោះ ហៅកាត់ថាRCEP…
ប្រទេសវៀតណាម ៖ ប្រទេស១៥នៃតំបន់អាស៊ីប៉ាស៊ីហ្វិកបានបង្កើតកាលពីថ្ងៃទី១៥ វិច្ឆិកា នូវប្លុកផ្លាស់ប្ដូរសេរីដ៏ធំបំផុតមួយនៃពិភពលោក ដែលកិច្ចព្រមព្រៀងនោះជួយទ្រទ្រង់ដោយប្រទេសចិន និងពុំមានសហរដ្ឋអាមេរិកចូលរួម ។
ការចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចតំបន់ជាសកលនោះ ហៅកាត់ថា
RCEP ធ្វើឡើងក្នុងឱកាសកិច្ចប្រជុំកំពូលតំបន់មួយនៅក្រុងហាណូយ ជាអន្លូងមួយថ្មីចំពោះប្លុកដែលជម្រុញឲ្យបង្កើត ដោយអតីតប្រធានាធិបតីអាមេរិកលោកប៉ារ៉ាក់ អូបាម៉ា ដែលត្រូវអ្នកបន្តវេទពីលោក គឹលោកដូណាល់ត្រាំប្រកាសដកខ្លួនថយកាលពីឆ្នាំ២០១៧ ។
RCEP នឹងអាចពង្រឹងជំហររបស់ចិនក្នុងឋានៈជាដៃគូសេដ្ឋកិច្ចរបស់អាស៊ីអាគ្នេយ៍ ជប៉ុននិងកូរ៉េខាងត្បូង ដោយញ៉ាំងឲ្យចិនឈានទៅមានជំហរកាន់តែរឹងមាំក្នុងពាណិជ្ជកម្មរបស់តំបន់ ។
RCEP នឹងអាចជួយដល់ក្រុងប៉េកាំង កាត់បន្ថយការចំណុះរបស់ខ្លួនចំពោះបណ្ដាទីផ្សារបរទេសនិងបច្ចេកវិទ្យាបរទេស ។ នេះជាការអះអាងរបស់លោក IRIS PANG សេដ្ឋកិច្ចវិទូចិនដីគោក
ដ៏សំខាន់មួយរូប ។
RCEP ប្រមូលផ្ដុំប្រទេស១០ជាសមាជិកអាស៊ាន ចិន ជប៉ុន កូរ៉េខាងត្បូង អូស្ត្រាលី និងនូវែល
ហ្សេឡង់ ។ ប្លុកនោះមានទិសដៅកាត់បន្ថយពន្ធគយក្នុងផ្នែកជាច្រើន ។ RCEP តំណាងឲ្យ៣០% នៃសេដ្ឋកិច្ចពិភពលោក ៣០%នៃចំនួនប្រជាជនពិភពលោក និងជាទីផ្សារមានមនុស្សដល់ទៅប្រមាណជា២,២ពាន់លាននាក់ ។ នេះជាការអះអាងរបស់វៀតណាមប្រទេសជាម្ចាស់ផ្ទះនៃការការចុះហត្ថលេខាលើការបង្កើត RCEP កាលពីថ្ងៃទី១៥ វិច្ឆិកា ។
លោក LUONG HOANG THAI ប្រធាននាយកដ្ឋាននយោបាយពាណិជ្ជកម្មពហុភាគីនៃក្រសួងឧស្សាហកម្មនិងពាណិជ្ជកម្មវៀតណាមថ្លែងថា RCEP នឹងរួមចំណែកកាត់បន្ថយ ឬលុប
បំបាត់ពន្ធគយលើបណ្ដាផលិតផលឧស្សាហកម្មនិងកសិកម្មនិងកំណត់បណ្ដាបែបបទសម្រាប់ការផ្លាស់ប្ដូរទិន្នន័យគ្នា ។
កិច្ចព្រមព្រៀងបង្កើតប្លុកនោះនឹងចូលជាធរមាននៅពេលដែលមានចំនួនគ្រប់គ្រាន់នៃបណ្ដាប្រទេសចូលរួមផ្ដល់សច្ចាប័នក្នុងកម្រិតជាតិ ក្នុងអំឡុងពេល២ឆ្នាំខាងមុខនេះ។នោះជាការលើកឡើងរបស់រដ្ឋមន្ត្រីពាណិជ្ជកម្មឥណ្ឌូណេស៊ីកាលពីសប្ដាហ៍មុន ។
ប្រទេសឥណ្ឌាបានដកខ្លួនថយពីការចរចាបង្កើត RCEP កាលពីខែវិច្ឆិកាឆ្នាំទៅមិញ តែបណ្ដា
មេដឹកនាំអាស៊ានថ្លែងថា ទ្វារនៅតែបើកចំហសម្រាប់ការចូលរួមរបស់ឥណ្ឌា ៕ ដកស្រង់ចេញពីវេបសាយ ៖ yahoo
