សហរដ្ឋអាមេរិក ៖ អវកាសយានិកអាមេរិក៣រូប និងជប៉ុន១រូបកាលពីថៃ្ងទី១៥ វិច្ឆិកា បានចាកចេញពីរដ្ឋផ្លរីដាឆ្ពោះទៅកាន់ស្ថានីយអវកាសអន្តរជាតិ ISS តាមរយៈកាំជ្រួចរបស់ក្រុមហ៊ុន SPACEX ដែលនោះជាមធ្យោបាយដឹកជញ្ជូនអវកាសថ្មីរបស់អង្គការ NASA អាមេរិក ក្រោយ៩ឆ្នាំនៃការចំណុះចំពោះរុស្ស៊ី ។
កាំជ្រួច FALCON 9 របស់ SPACEX បានត្រូវបាញ់បង្ហោះដោយគ្មានបញ្ហាតាមម៉ោងគ្រោងទុកចេញពីមជ្ឈមណ្ឌលអវកាសកេណ្នឌី ជាមួយលោក MICHAEL HOPKINS លោក VICTOR GLOVER លោក SHANNON WALKER និងលោក LOKSOICHI NOGUCHI ដែលជិះក្នុងយានភ្ជាប់ពីលើកំពូលកាំជ្រួច ។
មិនដល់៣នាទីផង ក្រោយការហោះហើរក្នុងកម្ពស់៩០គីឡូម៉ែត្រ ហើយកាំជ្រួចហោះក្នុងល្បឿន៧.០០០គីឡូម៉ែត្រក្នុង១ម៉ោង ជាន់ទីមួយរបស់វាបានផ្ដាច់ចេញដោយគ្មានបញ្ហា ចំណែកជាន់ទី២ជាមួយយានបន្តការហោះហើរ ។ ការហោះហើរនឹងមានរយៈពេល២៧ម៉ោងកន្លះ ទើបយាន DRAGON ទៅភ្ជាប់ជាមួយស្ថានីយ ISS នាវេលាម៉ោង៤ម៉ោងសកលថ្ងៃទី១៧ វិច្ឆិកា ។ ក្នុង
ស្ថានីយអវកាសនោះមានអវកាសយានិកប្រចាំការ៣នាក់ គឺអវកាសយានិករុស្ស៊ី២នាក់ និងស្ត្រី
អវកាសយានិកអាមេរិកម្នាក់ ។ ពួកគេត្រូវប្រចាំការនៅទីនោះ៦ខែ ។
ការហោះហើរលើកដំបូងនេះរបស់យាន DRAGON តាមរយៈការបញ្ជូនរបស់កាំជ្រួចនៃក្រុមហ៊ុន SPACEX ធ្វើឡើងបន្ទាប់ពីបេសកកម្មដោយជោគជ័យមួយ កាលពីខែឧសភាមកខែសីហា ពេលដែលអវកាសយានិកអាមេរិក២រូបត្រូវបានបញ្ជូនទៅកាន់ស្ថានីយ ISS បន្ទាប់មកវិលត្រឡប់មកកាន់ផែនដីវិញដោយជោគជ័យ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ