ប្រទេសជប៉ុន ៖ តាមវិទ្យុបារាំង RFI ផ្សាយនាថ្ងៃទី១៥ វិច្ឆិកាថា ប្រទេសជប៉ុនដែលកំពុងជួប
ប្រទះនឹងរលកទី៣ នៃការឆ្លងរាលដាលវីរុស COVID-19 ដោយចំនួនអ្នកឆ្លងថ្មីប្រចាំថ្ងៃកំពុង
មានការហក់ឡើងខ្ពស់ ហើយអាជ្ញាធរក៏កំពុងគ្រប់គ្រងផងដែរ នឹងការឆ្លងរាលដាននៃជំងឺគ្រុនផ្ដាសាយរដូវរងា ។
ពួកអ្នកឯកទេសបានហៅសភាពការណ៍នោះថា ជា TWINDEMICS មានន័យថា ការឆ្លង
ឌុប ។ រដ្ឋាភិបាលជប៉ុនទើបចេញការប្រកាសអាសន្នកម្រិតខ្ពស់ ។ រលកទី៣ នៃការឆ្លងវីរុស
COVID-19 បានចាប់ផ្ដើម តែប្រទេសនោះជួបប្រទះរួចហើយអ្នកឆ្លងថ្មីប្រចាំថ្ងៃ មានកម្រិតខ្កស់កាលក្នុងរដូវក្ដៅ គឺរលកទី២នៃការឆ្លង ។ ប្រទេសជប៉ុន ពេលនេះជួបប្រទះនឹងវីរុសគ្រុនផ្ដាសាយរដូវរងាទៀត ។
ក្នុងការស្នាបស្ទង់មតិ ពលរដ្ឋជប៉ុន៨នាក់ក្នុងចំណោម១០នាក់និយាយថា មានការបារម្ភ ឬបារម្ភខ្លាំងចំពោះការឆ្លងឌុបបែបនោះ ។ ពួកគេនិយាយថា រលកទី៣នៃការឆ្លងវីរុស COVID-19 រលកទី៣ ពិតជាសែនទារុណតែយើងត្រូវទប់ស្កាត់មុន ។ នារដូវរងានេះក៏ទោះបីជាយើងគោរពការស្ថិតនៅឃ្លាតពីគ្នា និងប្រសិនបើគេពាក់ម៉ាសនោះសង្ស័យថាគេនៅតែអាចធ្លាក់ខ្លួនឈឺ ដោយ
ជំងឹគ្រុនផ្ដាសាយធំ ។
បណ្ដាអ្នកក្រុងតូក្យូនិយាយថា យើងមានការខ្វះខាតវ៉ាក់សាំងប្រឆាំងជំងឺគ្រុនផ្ដាសាយក្នុងទ្វីបអាស៊ីទាំងមូល ។ ម្យ៉ាងទៀតវ៉ាក់សាំងនោះហាក់មិនមានប្រសិទ្ធភាពខ្លាំង ។ មនុស្សគ្រប់គ្នាចាក់វ៉ាក់សាំងប្រឆាំងគ្រុនផ្ដាសាយធំ តែមនុស្សម្នានៅភ័យខ្លាចឆ្លងវីរុស COVID-19 នៅក្នុងការិយាល័យធ្វើការ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ