សហរដ្ឋអាមេរិក ៖ ១០ថ្ងៃក្រោយការបោះឆ្នោតប្រធានាធិបតីអាមេរិក ថ្ងៃទី៣ វិច្ឆិកា និង៦ថ្ងៃក្រោយការប្រកាសពីជ័យជម្នះរបស់គូប្រជែងលោក នៃគណបក្សប្រជាធិបតេយ្យលោកចូបៃដិន លោកដូណាល់ត្រាំ បានបដិសេធជាថ្មី មិនទាន់ទទួលស្គាល់បរាជ័យរបស់លោក តែហាក់ដូចជាទទួលស្គាល់លទ្ធភាព នៃការផ្លាស់ប្ដូររដ្ឋបាលមួយ។
ក្នុងសន្និសីទសារព័ត៌មានមួយនាសេតវិមាន ផ្ដោតលើវ៉ាក់សាំង ប្រឆាំងវីរុស COVID-19 លោកត្រាំ ដែលលេចមុខជាសាធារណៈលើកដំបូងចាប់តាំងពីការបោះឆ្នោតមកថ្លែងថា តាមទ្រឹស្ដីគេនឹងមិនអានស្ថិតក្នុងការជាប់គាំងមួយឡើយ។ ខ្ញុំនឹងមិនធ្វើឲ្យមានការជាប់គាំងនោះទេ រដ្ឋបាលនោះនឹងមិនបង្ខាំងឡើយ។ ទោះបីយ៉ាងណាលោកអះអាងថា នរណាដឹង តើរដ្ឋបាលនាខែមករានឹងជារដ្ឋបាលអ្វី? ពេលវេលានឹងនិយាយប្រាប់យើង។
យោងតាមការគន់គូររបស់វិទ្យាស្ថាន EDISON RESEARH ដែលធ្វើការឲ្យបណ្ដាញទូរទស្សន៍អាមេរិកធំៗថា លោកចូបៃដិនជាអ្នកឈ្នះក្នុងការបោះឆ្នោតថ្ងៃទី៣ វិច្ឆិកា ជាមួយការទទួលបានមហាអ្នកបោះឆ្នោត៣០៦ ទល់នឹង២៣២សម្រាប់លោកត្រាំ។
លោកត្រាំមកទល់ពេលនេះនៅតែបន្តការប្ដឹងតវ៉ា ពីភាពមិនប្រក្រតីនៃការបោះឆ្នោតក្នុងរដ្ឋមួយចំនួន ប៉ុន្តែអ្នកជំនាញការជាច្រើន ក្នុងនោះមានទាំងបណ្ដាអ្នកនៅក្នុងផ្ទៃគណបក្សសាធារណរដ្ឋផង យល់ស្របគ្នានិយាយថា នីតិវិធីតវ៉ាទាំងនោះរបស់លោកត្រាំ នឹងគ្មានវាសនាទទួលបានផលឡើយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ