ប៉ាឡេស្ទីន ៖ វិមានប្រធានាធិបតីប៉ាឡេស្ទីន គូសបញ្ជាក់ប្រាប់AFPថា អគ្គលេខាធិការអង្គការរំដោះប៉ាឡេស្ទីនដែលគេស្គាល់ច្បាស់លើពិភពលោក លោកSAEB ERAKAT បានទទួលមរណភាពហើយ កាលពីថ្ងៃទី១០វិច្ឆិកា ក្រោយពីលោកឆ្លងវីរុសCOVID-19 ក្នុងជន្មាយុ៦៥ឆ្នាំ។
រូបលោកជាអ្នកមានបញ្ហាសួតធ្ងន់ធ្ងរ ស្រាប់លោកSAEB ERAKAT បានទទួលមរណភាព ក្នុងមន្ទីរពេទ្យHADASSAHក្រុងហ្សេរុយសាឡឹម ជាកន្លែងលោកចូលតាំងពីថ្ងៃទី១៨តុលាមក ។ មន្ទីរពេទ្យនោះ ដែលព្រមទទួលព្យាបាលលោក តាមសំណើរបស់បណ្ដាអ្នកទទួលខុសត្រូវនៃអាជ្ញាធរប៉ាឡេស្ទីន ពេលនោះចាត់ទុកថា ជាការប្រថុយមួយដែលទទួលព្យាបាលលោកERAKAT ជាអ្នកមានបញ្ហាសួតធ្ងន់ធ្ងរស្រាប់ ។ ពេលបញ្ជូនមកដល់មន្ទីរពេទ្យ លោកស្ថិតក្នុងស្ថានភាពធ្ងន់ធ្ងរ ចាំបាច់ត្រូវប្រើជំនួយអុកស៊ីហ្សែន។
លោកERAKAT ជាអ្នកទទួលខុសត្រូវប៉ាឡេស្ទីនមួយរូប ក្នុងចំណោមមេដឹកនាំប៉ាឡេស្ទីនដែលគេស្គាល់នៅបរទេស។ លោករស់នៅក្នុងទីក្រុងហ្សេរីកូក្នុងតំបន់ស៊ីសហ្ស៊កដានី ស្ថិតក្រោមការកាន់កាន់របស់អីុស្រាអែល មានប្រជាជនប៉ាឡេស្ទីនប្រមាណជាង២,៨លាននាក់៕
ចែករំលែកព័តមាននេះ