WWE ប្រកាសកាលបរិច្ឆេទរៀបចំពិធីលាអ្នកគាំទ្រសម្រាប់ Undertaker
សហរដ្ឋអាមេរិក ៖ The Undertaker វីរបុរសកីឡាកាសស្ថាប័ន WWE នឹងធ្វើពិធីលា និងប្រកាសចូលនិវត្តន៍ពីអាជីពមួយនេះ នៅការសម្តែងចុងក្រោយក្នុងកម្មវិធី Survivor…
សហរដ្ឋអាមេរិក ៖ The Undertaker វីរបុរសកីឡាកាសស្ថាប័ន WWE នឹងធ្វើពិធីលា និងប្រកាសចូលនិវត្តន៍ពីអាជីពមួយនេះ នៅការសម្តែងចុងក្រោយក្នុងកម្មវិធី Survivor Series នាថ្ងៃអាទិត្យ ទី ២២ ខែ វិច្ឆិកា ខាងមុខនេះ។
ស្តេចខ្មោច Undertaker ដែលមានឈ្មោះពិតប្រាកដថា Mark William Calaway ធ្លាប់បែកធ្លាយព័ត៌មានចចាមអារ៉ាមជាច្រើនពីការចូលនិវត្តន៍របស់លោក នៅប៉ុន្មានឆ្នាំចុងក្រោយនេះ។
ប៉ុន្តែដំណឹងចចាមអារ៉ាមទាំងនោះ វាបានក្លាយជាការពិតហើយ បន្ទាប់ពីស្ថាប័ន WWE បានប្រកាសជាផ្លូវការកាលពីថ្ងៃសៅរ៍ម្សិលមិញ។ ដើម្បីយកថ្ងៃអាទិត្យ ទី ២២ ខែ វិច្ឆកា ខាងមុខ សម្រាប់រៀបចំការសម្តែងចុងក្រោយ និងពិធីលាអ្នកគាំទ្រដល់វីរបុរសកីឡាកាសវ័យ ៥៥ឆ្នាំរូបនេះ។
ការជ្រើសរើសយកកម្មវិធី Survivor Series មកធ្វើជាពិធិលាអ្នកគាំទ្រសម្រាប់ Undertaker គឺដើម្បីឱ្យដូចទៅនឹងការបង្ហាញខ្លួនលើកដំបូងរបស់លោកជាមួយ WWE នៅក្នុងកម្មវិធីមួយនេះ កាលពីថ្ងៃទី ២២ ខែ វិច្ឆកា ឆ្នាំ ១៩៩០ ពោលគឺមានរយៈពេល ៣០ឆ្នាំ។
ក្រោយដំណឹងនេះ ត្រូវបានប្រកាស អ្នកគាំទ្រជាច្រើនបាននាំគ្នាបង្ហោះសារថ្លែងអំណរគុណដល់លោក ដែលចំណាយពេល ៣០ឆ្នាំ ដើម្បីបង្កើតឱ្យមានផ្ទាំងទស្សនីយភាពដែលមិនអាចបំពេញ បានដល់អ្នកទស្សនា ជាពិសេសអ្នកគាំទ្រផ្ទាល់តែម្តង៕
ចែករំលែកព័តមាននេះ