ជំនួប Everton-Man UTD អាចជាការកំណត់វាសនាលោក Solskjaer
អង់គ្លេស ៖ យោងតាមការចុះផ្សាយពី Manchester Evening News (MEN) បានឱ្យដឹងថាការប្រកួតរវាង Man UTD…
អង់គ្លេស ៖ យោងតាមការចុះផ្សាយពី Manchester Evening News (MEN) បានឱ្យដឹងថាការប្រកួតរវាង Man UTD…
អង់គ្លេស ៖ យោងតាមការចុះផ្សាយពី Manchester Evening News (MEN) បានឱ្យដឹងថាការប្រកួតរវាង Man UTD ទល់នឹងក្រុមម្ចាស់ផ្ទះ Everton នៅថ្ងៃសៅរ៍សប្តាហ៍នេះ អាចនឹងក្លាយជាជំនួបដើម្បីកំណត់វាសនារបស់លោក Ole Gunnar Solskjaer។
ប្រភពដដែលបានបន្តទៀតថា Man UTD ត្រូវបានរាយការណ៍ថា កំពុងចាប់អារម្មណ៍លើលោក Mauricio Pochettino អតីតអ្នកចាត់ការក្រុម Tottenham Hotspur ដើម្បីត្រៀមយកមកជំនួសតំណែងអ្នកចាត់ការបច្ចុប្បន្នគឺលោក Ole Gunnar Solskjaer។
ការធ្លាក់ទម្រង់លេងយ៉ាងខ្លាំងរបស់ Man UTD បានធ្វើឱ្យការចាប់ផ្តើមរដូវកាលថ្មីរបស់ពួកគេ ហាក់មិនសូវសមប្រកបឡើយ ជាពិសេសទើបតែចាញ់ ២ប្រកួតជាប់គ្នានៅការប្រកួតក្នុងលីគ និង Champions League។ អ្វីដែលកាន់តែធ្វើឱ្យអ្នកគាំទ្រមិនសប្បាយនោះ គឺពីទម្រង់លេងដែលមិនយល់ចិត្តគ្នាពិសេសតំបន់ការពារ ដែលនាំឱ្យវីរបុរសក្លិបនេះ និងអ្នកវិភាគបាល់ទាត់ជាច្រើនបន្តរិះគន់ ចំពោះការដឹកនាំរបស់លោក Solskjaer។
MEN យល់ថាបិសាចក្រហមកំពុងទាក់ទងជាមួយភ្នាក់ងាររបស់ Pochettino ខណៈដែលកាលពីខែធ្នូ ឆ្នាំមុន បុរសអាហ្សង់ទីនវ័យ ៤៨រូបនេះ ក៏ធ្លាប់ចង់មកកាន់កាប់តំណែងជាអ្នកចាត់ការទូទៅ Man UTD ផងដែរ៕
ចែករំលែកព័តមាននេះ