រាជធានីភ្នំពេញ ៖ ជនសង្ស័យ៤នាក់ត្រូវបានកម្លាំងនគរបាលនៃអធិការដ្ឋាននគរបាលខណ្ឌមានជ័យ ស្រាវជ្រាវធ្វើការឃាត់ខ្លួនជាបន្តបន្ទាប់ កាលពីវេលាម៉ោង១១ព្រឹកថ្ងៃទី៤ ខែវិច្ឆិកា ឆ្នាំ២០២០ នៅក្នុងទីតាំងចំនួន២កន្លែង ក្នុងភូមិសាស្ត្រសង្កាត់ស្ទឹងមានជ័យទី២ ខណ្ឌមានជ័យ…
រាជធានីភ្នំពេញ ៖ ជនសង្ស័យ៤នាក់ត្រូវបានកម្លាំងនគរបាលនៃអធិការដ្ឋាននគរបាលខណ្ឌមានជ័យ ស្រាវជ្រាវធ្វើការឃាត់ខ្លួនជាបន្តបន្ទាប់ កាលពីវេលាម៉ោង១១ព្រឹកថ្ងៃទី៤ ខែវិច្ឆិកា ឆ្នាំ២០២០ នៅក្នុងទីតាំងចំនួន២កន្លែង ក្នុងភូមិសាស្ត្រសង្កាត់ស្ទឹងមានជ័យទី២ ខណ្ឌមានជ័យ ពាក់ព័ន្ធនឹងការជួយដូរគ្រឿងញៀន ។
ជនសង្ស័យទាំង៤នាក់ ក្នុងនោះ ១-ឈ្មោះសុខ លីន ភេទប្រុស អាយុ៣៩ឆ្នាំ មិនពិតប្រាកដ ស្នាក់នៅបន្ទប់ជួលលេខ១៦ ភូមិដំណាក់ធំ១ សង្កាត់ស្ទឹងមានជ័យទី២ ខណ្ខមានជ័យ រាជធានីភ្នំពេញ ២-ឈ្មោះ ហុង បូរី ភេទស្រី អាយុ២០ឆ្នាំ មុនរបរមិនពិតប្រាកដ ស្នាក់នៅបន្ទប់ជួលលេខ១៦ ភូមិដំណាក់ធំ១ សង្កាត់ស្ទឹងមានជ័យទី២ ខណ្ខមានជ័យ ភ្នំពេញ , ទី៣ឈ្មោះ វ៉ាន់ ធី ភេទប្រុស អាយុ១៨ឆ្នាំ មុនរបរមិនពិត ប្រាកដស្នាក់នៅវត្តនន្ទមុនី ភូមិដំណាក់ធំ សង្កាត់ស្ទឹងមានជ័យទី២ ខណ្ខមានជ័យ រាជធានីភ្នំពេញ និង៤-ឈ្មោះហ៊ិន សុបិន ភេទប្រុស អាយុ៣២ឆ្នាំ មុនរបរមិនពិតប្រាកដ ស្នាក់នៅផ្ទះលេខ៨០៧ ផ្លូវលំ ភូមិដំណាក់ធំ សង្កាត់ស្ទឹងមានជ័យទី២ ខណ្ខមានជ័យ រាជធានីភ្នំពេញ ។
មន្ត្រីនគរបាលអោយដឹងថា មុនឈានដល់ការបង្ក្រាប ដំបូងឡើយ កម្លាំងនគរបាល បានឃាត់ជនសង្ស័យម្នាក់ ឈ្មោះ សុខ លី ក្នុងរង្វង់នៃគោលដៅត្រួតពិនិត្យច្បាប់ចរាចរណ៍ នៅចំណុចច្រមុះជ្រូកស្ទឹងមានជ័យ ដោយពេលនោះជនសង្ស័យបានជិះម៉ូតូឆ្លងកាត់គោលដៅត្រួតពិនិត្យ ក៏ត្រូវបានសមត្ថកិច្ចសង្ស័យ ហើយហៅឃាត់ឆែកឆេរ ទើបប្រទះឃើញមានថ្នាំញៀនក្រាមសថ្លា១០កញ្ចប់តូច ។ ភ្លាមៗជនសង្ស័យក៏ត្រូវបានឃាត់ខ្លួន បញ្ចូនទៅប៉ុស្តិ៍នគរបាលដើម្បីសួរនាំ ។
តាមប្រភពដដែលបានបន្តថា ក្រោយការសាកសួរនាំជនសង្ស័យខាងលើយ៉ាងល្អិតល្អន់រួចមក កម្លាំងនគរបាលប៉ុស្តិ៍ និងខណ្ឌបានបន្តចុះទៅបង្ក្រាបបក្ខពួករបស់ជនសង្ស័យបន្ថែមទៀត នៅបន្ទប់ផ្ទះជួលលេខ១៦ ភូមិដំណាក់ធំ១ សង្កាត់ស្ទឹងមានជ័យ២ ដោយឃាត់មនុស្សបាន៣នាក់បន្ថែមទៀត និងដកហូតថ្នាំញៀនបាន១០កញ្ចប់ធំផងដែរ ។
សូមបញ្ជាក់ថា ជុំវិញការបង្ក្រាបខាងលើនេះ កម្លាំងសមត្ថកិច្ច បានធ្វើការដកហូតវត្ថុតាងរួមមាន ថ្នាំញៀនប្រភេទ ក្រាមពណ៌សថ្លាចំនួន២០កញ្ចាប់ (១០កញ្ចប់តូច ១០កញ្ចប់ធំ ) , ជញ្ជីងអេឡិចត្រូនិច១, ទូរស័ព្ទដៃចំនួន២គ្រឿង, កូនថង់ប្លាស្ទិចមួយចំនួន, ម៉ូតូ១គ្រឿងម៉ាកវ៉េវ ពណ៌ខ្មៅ ពាក់ស្លាកលេខ ភ្នំពេញ 1BC-1241 រួមជាមួយឧបករណ៍សំរាប់ប្រើប្រាស់គ្រឿងញៀនមួយចំនួនធំទៀតផងដែរ ។
បច្ចុប្បន្ន ជនសង្ស័យទាំង៤នាក់ ត្រូវឃុំខ្លួនបណ្តោះអាសន្ននៅប៉ុស្តិ៍រដ្ឋបាលនគរបាលស្ទឹងមានជ័យទី២ រង់ចាំកសាងសំណុំរឿងបញ្ចូនទៅតុលាការចាត់ការទៅតាមផ្លូវច្បាប់នៅពេលក្រោយ ៕ (កែសម្រួលដោយ ៖ ធីតា)
ចែករំលែកព័តមាននេះ