អង់គ្លេស ៖ វីរបុរបាល់ទាត់ Paul Scholes របស់ក្រុម Man UTD បានរិះគន់យ៉ាងខ្លាំងចំពោះប្រព័ន្ធការពាររបស់បិសាចក្រហម បន្ទាប់ពីរងបរាជ័យយ៉ាងអាម៉ាស់ក្រោមថ្វីជើងក្រុមម្ចាស់ផ្ទះតួកគី…
អង់គ្លេស ៖ វីរបុរបាល់ទាត់ Paul Scholes របស់ក្រុម Man UTD បានរិះគន់យ៉ាងខ្លាំងចំពោះប្រព័ន្ធការពាររបស់បិសាចក្រហម បន្ទាប់ពីរងបរាជ័យយ៉ាងអាម៉ាស់ក្រោមថ្វីជើងក្រុមម្ចាស់ផ្ទះតួកគី Istanbul Basaksehir ក្នុងការប្រកួតពានរង្វាន់ Champions League ដោយលទ្ធផល ២-១ កាលពីយប់ម្សិលមិញ។
Scholes បានហៅប្រព័ន្ធការពាររបស់ក្រុម Man UTD សម្រាប់ការប្រកួតកាលពីយប់ម្សិលមិញ ថាជាបាល់ទាត់ក្មេងអាយុក្រោម១០ឆ្នាំ បន្ទាប់ពីក្រុមម្ចាស់ផ្ទះអាចបើកការនាំមុខមុនដល់ទៅ២គ្រាប់យ៉ាងងាយស្រួល ដែលរកបានដោយ Demba Ba នៅនាទី១២ មុនពេលដែល Edin Višća បន្ថែម១គ្រាប់ទៀតនៅនាទី៤០។ ខណៈដែល Anthony Martial ជាអ្នករកបាន១គ្រាប់សម្រាប់ក្រុមភ្ញៀវនៅនាទី៤៣។
ក្រោយបញ្ចប់ការប្រកួតក្នុងវគ្គសន្សំពិន្ទុពូល H ក្នុងជុំទី៣ Man UTD បន្តឈរនៅកំពូលតារាងមាន ៦ពិន្ទុស្មើក្រុមលេខ២ RB Leipzig ខណៈដែល PSG នៅលេខ៣ និង Basaksehir នៅលេខ៤ មាន៣ពិន្ទុស្មើគ្នា៕ (ដកស្រង់ចេញពី Dailymail)
ចែករំលែកព័តមាននេះ