Arteta ទម្លាយអាថ៌កំបាំងមួយដែលជួយ Arsenal យកឈ្នះលើ Man UTD
អង់គ្លេស ៖ លោក Mikel Arteta បង្ហើបថាលោកមិនបាននិយាយប្រាប់កូនក្រុមអំពីកំណត់ត្រាដ៏អាក្រក់របស់ Arsenal ដែលខកខានយកឈ្នះលើ Manchester United…
អង់គ្លេស ៖ លោក Mikel Arteta បង្ហើបថាលោកមិនបាននិយាយប្រាប់កូនក្រុមអំពីកំណត់ត្រាដ៏អាក្រក់របស់ Arsenal ដែលខកខានយកឈ្នះលើ Manchester United…
អង់គ្លេស ៖ លោក Mikel Arteta បង្ហើបថាលោកមិនបាននិយាយប្រាប់កូនក្រុមអំពីកំណត់ត្រាដ៏អាក្រក់របស់ Arsenal ដែលខកខានយកឈ្នះលើ Manchester United ក្នុងទឹកដី Old Trafford រយៈពេល ១៤ឆ្នាំចុងក្រោយនោះទេ ព្រោះលោកបារម្ភថាវានឹងធ្វើឱ្យប៉ះពាល់ដល់ទំនុកចិត្តរបស់ពួកគេ។
គ្រាប់បាល់ប៉េណាល់ទីនៅនាទី៦៩ ពីខ្សែប្រយុទ្ធ Pierre-Emerick Aubameyang ធានាឱ្យ Arsenal យកបាន ៣ពិន្ទុពីម្ចាស់ផ្ទះ Man UTD ក្នុងជំនួបសប្តាហ៍ទី៧កាលពីយប់ម្សិលមិញ។ ហើយក៏ជាជ័យជម្នះលើកដំបូងរបស់ពួកគេនៅទឹកដី Old Trafford បន្ទាប់ពីខកខានចាប់តាំងពីឆ្នាំ២០០៦ មកម្ល៉េះ។
ក្រោយបញ្ចប់ការប្រកួតគ្រូបង្វឹកអេស្ប៉ាញ Mikel Arteta បានថ្លែងប្រាប់ទូរទស្សន៍ Sky Sports ថា «ខ្ញុំមិនបាននិយាយប្រាប់កីឡាករថាយើងមិនដែលឈ្នះនៅទីនេះ (Old Trafford) ក្នុងរយៈពេល ១៤ឆ្នាំនោះទេ។ ខ្ញុំបានរក្សាវាជាការសំងាត់។ ខ្ញុំបានព្យាយាមបង្កើតជំនឿចិត្តដល់កូនក្រុមទាំងអស់។ ហើយខ្ញុំគិតថាអ្នកបានឃើញពីការប្រកួតយប់នេះ វាគឺជាកន្លែងដែលយើងចាប់ផ្តើមបានយ៉ាងល្អ។ ហើយខ្ញុំពិតជាមានមោទនភាព និងរីករាយសម្រាប់ជ័យជម្នះនេះ»។
Arsenal បច្ចុប្បន្នកំពុងបន្តឈរនៅចំណាត់ថ្នាក់លេខ៩ មាន១២ពិន្ទុ ខណៈដែល Man UTD នៅឈរនៅចំណាត់ថ្នាក់លេខ១៥ដោយមាន ៧ពិន្ទុ៕
ចែករំលែកព័តមាននេះ