លោកខេវីន អូលៀរី (Kevin O’Leary) គឺជាវិនិនិយោគិនដែលមានបទពិសោធន៍ជាច្រើនឆ្នាំមកហើយ។ លោកត្រូវបានស្គាល់ថា ជាវិនិយោគិនដែលមានជំនាញក្នុងការចរចាដ៏ចំណាប់។ យោងតាមបទពិសោធន៍របស់លោក លោកបានមើលឃើញចំណុចមួយដែលការព្រមព្រៀងល្អបំផុតមាន។ លោកបានប្រាប់ទៅ…
លោកខេវីន អូលៀរី (Kevin O’Leary) គឺជាវិនិនិយោគិនដែលមានបទពិសោធន៍ជាច្រើនឆ្នាំមកហើយ។ លោកត្រូវបានស្គាល់ថា ជាវិនិយោគិនដែលមានជំនាញក្នុងការចរចាដ៏ចំណាប់។ យោងតាមបទពិសោធន៍របស់លោក លោកបានមើលឃើញចំណុចមួយដែលការព្រមព្រៀងល្អបំផុតមាន។
លោកបានប្រាប់ទៅ CNBC Make It ក្នុងពេលថ្មីៗនេះថា «ព្រោះខ្ញុំបានចរចាក្នុងការព្រមព្រៀងខុសៗគ្នាជាច្រើន អ្វីដែលខ្ញុំបានរៀនអស់រយៈពេលជាច្រើនឆ្នាំមកនេះ គឺការព្រមព្រៀងដែលល្អផុត គឺជាការព្រមព្រៀងដែលធ្វើឲ្យអ្នកមានអារម្មណ៍ថា អ្នកបានភ្លេចអ្វីមួយលើតុចរចា ហើយភាគីម្ខាងទៀតក៏មានអារម្មណ៍ដូចគ្នាដែរ»។
លោកបានបន្តថា «ការព្រមព្រៀងដែលល្អជាងនេះទៀត គឺជាការព្រមព្រៀងដែលមនុស្សម្នាក់ៗដើរចេញដោយមិនសប្បាយចិត្ត»។ លោកបានលើកឧទាហរណ៍មួយចំនួន ដើម្បីបកស្រាយពីអំណះអំណាងខាងលើ។
ពេលដែលលោកជាវិនិយោគិនប្រចាំកម្មវិធី Shark Tank លោកបានជួបជាមួយអ្នកស្រីសារ៉ា ម៉ាហ្គូលី (Sara Margulis) ដែលជាសហស្ថាបនិករបស់ក្រុមហ៊ុន HoneyFund។ អ្នកស្រី និងស្វាមី បានសុំការវិនិយោគចំនួន ៤០ម៉ឺនដុល្លារ ដើម្បីប្តូរយកភាគហ៊ុន ១០% របស់ក្រុមហ៊ុន។ លោកអូលៀរី មិនជឿជាក់លើតម្លៃនេះឡើយ ដូច្នេះលោកក៏បានសុំវិនិយោគ ៤០ម៉ឺនដុល្លារ តែលោកមិនចង់បានភាគហ៊ុនទេ។ ផ្ទុយមកវិញ លោកចង់ទទួលបានប្រាក់ចំណេញបីដងពីការវិនិយោគរបស់លោក។
គូស្វាមីភរិយាខាងលើបានយល់ស្រប ហើយវាជាការព្រមព្រៀងដែលធ្វើឲ្យភាគីទាំងពីរសប្បាយចិត្តព្រោះគូស្វាមីភរិយានោះមិនចង់លះបង់ភាគហ៊ុនច្រើនទេ ខណៈដែលលោកអូលៀរីចាប់អារម្មណ៍លើប្រាក់ចំណេញច្រើនជាង។
លោកបានបន្តថា «ពួកយើងបានជួបគ្នានៅកណ្តាល។ មនុស្សម្នាក់ៗត្រូវលះបង់អ្វីមួយដើម្បីទទួលបានអ្វីមួយទៀត»។ ដកស្រង់ចេញពីវេបសាយ ៖ cnbc
ចែករំលែកព័តមាននេះ